Osmoniyə surəon-102

Osmoniyə surəon-102

Suleymon(ə) peyğombər çı heyvonon iyən pərəndəon zıvoni dərəseydəbe.çəy ixtiyorədə bənə vavaz iyən təbiiyi unsuron mevcud be.nəmli mıborəkə surə 16-ə ayə bəpeştə Suleymon(ə)-i dastoni iyən çə həzrəti məsəninə macəra nəğl kardedə:” (Suleymon deştə ləşkəri hərəkət kardedəbe)Tainki, bə mujnə vadi rəse. mujnəon voteşone: dəşən bəştə kəon, bıdə Suleymon iyən çəy ləşkər şıməni nızne-nızne poymol(hırd) nıkəyn. Çən,(Suleymon) çın mujnə sıxanonku pesıriye(təbəssım kardeşe)”......

Suleymon(ə)-i peyğombəri macəra şərhi dəvomədə omə.əv ki,hejo bəştə məmləkəti nəzorət kardedəbe. çən,bə ikkərə vindeşe ki,Hudhud nomo qıləy pərəndə bəçəş çiyedəni.əve dəparseşe: Və(Suleymon) pərəndəon(holiku) dəparseşe. (və Hud-Hudış nıvinde)və voteşe: bəmı çiç bıə? az Hud-Hudi vindedənim. (ayə əv iyue)ya çı ğayibonkue. Hukmən bəy qıləy saxtə əzob bədom ya çəy gi bəbırnem. illa ki, əv(boştə ğeybətiro) qıləy ruşinə dəlil bomı biyəy. Çən, vey dənıvarde ki,(Hud-Hud ome və) voteşe: az qıləy çiku məlumatım pəydu karde ki, tı çəyku xəbə nıbe iyən botı çı Səba(sərzəminiku) qıləy dırıst(və muhimmə) xəbə vardəme. (Hud-Hudi voteşe)Mı bə milləti hukumət kardə qıləy jenım vinde iyən(bəy) harçiku doey bıəbe və çəy qıləy dıjdə taxtış hestebe. Ə jen iyən çəy ğovmım vinde ki, Xıdo əvəzi bə həşi səjdə kardedən iyən şəytoni çəvon əməlış çəvon çəşonədə ziynət(cilvəş) doəşe. çən, əvonış çı(həxə) royku oqətəşe, əve əvon hidoyət bedənin”.

Suleymon(ə) çın xəbəku bə heyrəti dıço be və voteşe:” (Suleymoni voteşe)Rəyrə bəvindemon ki, ayə tı rost votedəş ya tı çı diyəvıjonkuş? (Biyə)Çımı ım nomə bəçəvon tərəf şodə, peşo bıqard. çən, erəx(hələ bunum) əvon çı cəvob doydən.-27-28.....

Peşo Səba kraliçə ki,de qıləy əzəmət və cəh-cəloli bəştə taxt nıştəbe,ğəflətən Hudhudi qıləy noməş bəçəy tərəf ğandeşe.əy de təəccıbi həmonə məktubış oj karde,çəy məzmuniku aqah be və de şiddəti bə fik şe.Əv,navko həm çı həzrəte Suleymon(ə) iyən şohrəti həxədə məsəşbe. Səba podşo qıləy ağılmandə jen be və ....

“(Bılğeysi)Voteşe: ha əyan-əşraf ha!(ha kişvəri yolon ha!) bəçımı tərəf qıləy erjinə nomə ğandey be. Nomə çı Suleymonikue. və(çəy məzmun) ıme: de əbaxş iyən mehribonə Xıdo nomi. Iştəni mıku bəpe qətey dumo məbənən. çımı palu boənən iyən bəmı təslim(muti) bıbənən. (Bılğeysi) Voteşe: ha yolon ha! çımı koyədə nəzə bıdənən ki, az(tosə ısət) beşımə hiç qıləy muhimmə ko əncomım doə ni. (Əyan-əşrafi)Voteşe: çəmə vey zumand iyən şiddətinə ğıvvəmon heste (şucoətinimon). əmmo(ijən) tı ixtiyori soybiş. diyəkə ki, çı fərmon doydəş”.