Təkfiri cərəyanon
Təkfiri cərəyanon
Hərrani şəhr məzhəbi nəzəku,Hənbəli fiğhi iftixor kardə vırə be və çı İbn Teymiyyə xıyzon və çəy yolon həm Hənbəli məzhəbi yolon unvanədə de ın şəhri fəxr kardedəbin.beşək,jıqo qıləy muhiti bə İbn Teymiyyə şəxsi iyən bəçəy əndişəon bə form dəşey ziyodə təsirış noə.667-ə Hicri-Ğəməri sori çı İbn Teymiyyə şəş sorış həm nıbe,Hərrani məxloğ çı monğulon həmlə tarsiku şəhrışon tərk karde.min cumlə çı İbn Teymiyyə pı Şəhabuddin Əbdul-Həlim həm ki,çın şəhri dini alimonku qıləyni be,deştə xıyzoni bə ico bə Dəməşği tərəf hərəkətış karde.demiyən Dənəşğ çı İbn Teymiyyə xıyzoni təhsil iyən jimoni vır be və əv bın şəhrədə təhsil vindey bəpeştə,bın şəhrədə həmçinin de tədrisi ko həm məşğul be......
İbn Teymiyyə Şamədə jimon kardeyədə,bəştə bə umum mısılmınon miyono ixtilof eğandey xoto, çandə kərə ya bə zindon ya həbsxonə eqınie və ya ıştə kəyku dərbədər be.əmmo jıqo jimon bəvədə erjin bəbe ki,həmonə şəxs çı qıləy mığəddəsə ko dumo bıbu.əmmo,əmə mışohidə kardedəmon ki,əv de mısılmınon mıştərəkə deşmınon mıborizə bardey əvəzi,bəlkəm əv de umum mısılmınon ısət çı sınni bıbu ya şiyə mıborizə bardedəbe.ehanə bın royədə bə həbsxonə eqıniye ya ıştə kəyku avarə be,ımon həmmə de umum mısılmınon ğəbul kardə alimon dasti bıə.çəy kardə koon bənə ısətnə vəhhabiyə sələfiyon əməlon və funksiyay.jıqo ki,əvon ımruj çı umum mıslmınon deşmınon və de ziyodə cinoyəton məşğul bıə Amerkə iyən seonist rejimi canq kardey əvəzi,de qırd mısılmınon mıborizə bardedən və əvoni təkfir kardedən və əvoni kofir zıneydən.........
İbn Teymiyyə əsəron səpk iyən metodi nəzəku bənə həmonə rəddiyə nıvıştə kəson iyən bəştə tənğıdəkəyon cəvob doey səpkədə bıə.məsələn,çəy əsəron veyni bə mıxolifə Sufi, Şiyə, Əşəri, yəhudi iyən məshiyon reaksiyədə nıvıştə bıə.İbn Teymiyyə çı nıvışteyədə bıby ya şifohi məbhəsonədə vey tınd iyən hoziyə formədə be və əv hiçvaxti ıştə mınozirə iyən debatonədə bə elmi usul iyən prinsipon rioyət kardedə nıbe.məsələn,çoko ki,əv təsəvvıf və sufiyon əğedə tənğıd kardeyədə,bənə Muhyiddin Ərəbi bıə məşhur iyən dıjdə arifi dıjmon doydə.əv ıştə çı Əşəriyon imomon Əşəri həxədə təbironədə bə ğeyri elmi iyən cohilonə sıxanon roş doə.Əv, qıləy zəmon ki,bə Əllamə İbn Mutəhhər Hilli sıvolon cəvob doey nızıneyədə,bəy İbn Muncis yəni nəcisi zoə votedəbe.ya əv bə şiyə zid de ”Minhacis-Sunnə” nomi qıləy kitobış nıvıştə ki,həmonə kitob pure bə şiyə ələyh de qırd iftiro iyən behtonon
