Ğərbədə insonə həxon
Ğərbədə insonə həxon
Imruj insonə həxon və çəy ətrofədə bıə mevzuon baqrədə bıə xəbəon,dınyo xəbəon miyono həmməysə vey vində bıə xəbəonku qıləyniye.bın miyono insonə həxon sahədə bıə fəal iyən bəşəri həxon mıdofiyəkə onemonon bo insonə həxon səviyyə bəpe bardey iyən dınyoədə de bə ın həxon rioyət nıkardə kəson mıborizə bardey xoto,ısət fəaliyyət nışon doydən.dınyoədə bın sahədə həmməysə vey muhimmə onemon İMT insonə həxon şuary.İnsonə Həxon Şuara çı İMT iyən İMT Umumi Assambleya həmməysə barzə məğamonkuye.çı İnsonə Həxon Şura de Bəşəri Həxon Komissiya huğuği cəhəto farğışon heste.İMT nəzdədə İnsonə Həxon Şura dınyo səviyyədə bo qırd fərdon insonə həxon iyən siyosi ozodətiyon ehtırom səviyyə bəpe rost kardey vəzifəşon heste.
İMT Bəşəri Həxon Şura bəbe qırd məmləkətonədə bə insonə həxon rioyət nıkardə vırəon təhğığkon və lozım bıə tədbiron bıvindon.həmçinin,əvon çı devləton kənoyədə bə insonə həxon vəzyəti çok kardey,həmçinin texniki sahədə bəbe bəvon koməkkon və bə devləton bəştə ehdə peqətə çiyon icro kardy koyədə həm bəpe çəvon dastiku bıqəto.çımisə əlovə,har kişvəriku insonə həxon vəzyəti həxədə məlumat və hesbaton cə kardey ko həm bə çın onemoni ehdəy və de ın məğsədi çandə qılə sistem nəzədə qətə bıə.....
Insonə həxon Şura bə cahanşumuli,betərəfəti,obyektivəti,ğeyri-səçınəti əsl iyən prinsipi əsoe və bo beynəl-xalğ səviyyədə insonə həxon zumand kardeyro ısət çı mədəni cəhəto həx-huğuğon bıbu ya siyosi,ixtisodi,iştimayi iyən fərhənqi cəhətədə bıbu.çı İnsonə Həxon Şura iyən Umumi Assambleya dərc bıə 60/251 ğətnomədə muhimmə məmuriyyət və koonku dıqıləyni,bə obyekitiv məlumaton əsos mevsumi surətədə ijən diyə kardey və qır kişvəronədə insonə həxon sahədə bəştə ehdə peqətə bıə çiyon real kardey cəhətədə etımodin bıeye.həmçinin bəpe qırd kişvəron bə insonə həxon rioyət nıkardə vırəon vəy qətey zəminədə mıştərəkə həmkorətiyon və bımi dərhol reaksiyə nışon doeyku iborət qıləy cahanşumi iyə qlobalə prinsipe.
Devrəon təhğığədə sistemi usul və prinsponku qıləyni,çı qırd kişvəron bəştə ehdə peqətə çiyon insonə həxon vəzyəti təhğığ kardeye.bə 14-ə parqarafi əsos,Şura onemon soxtə sənəd çı həmmə məmləkəton insonə həxon vəzyəti qıləy ço sori devrədə təhğığ kardedə.joqo ki,bə qıləy mınəzzəmə proqrami əsos ço sornə devrə ərzədə çı dınyo kişvəron insonə həxon vəzyət təhğığ və umutey bedə və bəy ğeymət noydən.......
Bə İMT nəzdədə İnsonə Həxon Şura iyən bəçəy bəşəri həxon sahədə bıə təşkiloton əhəmiyyəti nəzə kardə holədə,ijən mışohidə kardedəmon ki,de təəssıfi Amerkə İbıə Ştaton çın onemoniku xaric be.AİŞ-i İMT-ədə bıə səfir Niki Heyli se şanbə ruji İyuni 19-ədə (Xordadi-29) Vaşinqtonədə mətbuat konfarnsədə AİŞ-i çın onemoniku xaric bıey ğəroli barədə İMT İnsonə Həxon Şuraş de şiddəti tənğıdış karde.Heyli bənə Amerkə xarici koon vəziri İnsonə Nəxon Şuraş riyokor iyən ıştən fik kardə və çı seonist rejimi cinoyəton mığobilədə ozodonə mandə məmləkətonış mıttəhəmış karde.əv ekonış karde ki,ın şura insonə həxon sahədə funksiya vey zəyife və voteşe ki,ın şura bəştə nomi loyığ ni.çəy kənoədə Mayk Pompeo Amerkə xarici koon vəzir mandəbe ki, əv həm ın Şuraş riyokorətiyədə mıttəhəmış karde və voteşe ki,bın təşkilotədə dınyo insonə həxon sahədə həmməysə yavə nımoyəndəon uzvin.əy voteşe:dınyoədə həmməysə vey insonə həxon darıştə kəson nəzədə qətey bedəni və bın şura kursiyədə nıştəkəson ıştən insonə həxon darıştedən və və cokəson bəsə əvonsə vey çokin.əv bə ın şura “insonə həxonku suyi-istifodə kardə kəson muhafizə kardə iyən siyosi be etomodəti “ nomış həm noe.
Amerkə çımi bənav həm insonə həxon şuraş bə seonist rejimi ələyh deşmınəti mevğıyyəti xoto mıttəhəmış kardəbe.Niki Heyli i sor çımi bənav həm bın şuradə islohatonış tələb kardəbe.əmmo ısət Amerkə bə ğərol omə ki,ın islohaton çəş nıko.Niki Heylibə zəmon ın Şuraş mıttəhəm karde ki,əv dayimi surətədə sseonist rejimi mıttəhəm kardedə.əmmo kali despot və zolımkorə devləton mığobilədə zəyifə ko kardedə............
