Osmoniyə surəon-136

Osmoniyə surəon-136

Dini mutəxəssison bın bovədən ki,rəhbər iyən duston bə insonon çok iyən bevəcə tale vey təsirəkə dıqlə amilonkuye.liza,əvoni intixob kardeyədə iyən vıjniyedə,bəpe dəğiğ iyən ağılmandə formədə vıjniye bıbu.zikr bıə ayəonədə Kərimə-Ğıron deməni pur bıə məno bə ro dəqıjnə rəhbəron iyən hakimon de çəvon tərəfdoron miyono deşmınəti iyən dave qıləy işorə kardedə və de ın tərtibi və bə qırd  ıştə ağl iyən dini çı zəlıoləti dılədə bıə rəhbər iyən hakimon ixtiyorədə noə kəson çəşnavi və xəbərdorəti doydə. ğıyoməti ruji har qıləyni səy bəkarde çı iyandeyku bə diyəro bımandon və ıştə qıno bə cokəson qıy şobədon.demiyən,çəvon hiç qıləyni boştə beqınoəti isbot kardey ğadir nin.ın ayəon çı har dıqlə dastə ğovmi tale bəyon kardedə iyən çəvon bədbəxtəti amili şərh doydə.joqo ki,hamyedə:”qırd əvon həmonə ruji çı zəloləti tərəfdoron bıbu ya çəvon rəhbəron,ilahi əzobədə mıştərəkin ”.peşo,bəçəvon bədbəxtəti əsliyə rəğ-rişə işorə kardedə və hamyedə:”çıro ki,bəvon Lailahə....(Ğərəz Xıdo co qıləy məbud ni),əvon təkəbbır iyən yoləşəxəti kardedən”.

Həyğətədə,təkəbbır iyən xudbinəti,bə həxı tabe nıbey iyən bə səhv iyən botılə adəton isror kardey və həmçinin təhğır iyən məsxərə kardey,çı qırd inhirofon əsliyə illət və səbəbe.ğıyoməti ruji firiştəon zolımon,həmfikon iyən həmrayon de duyə məbudon bə ico bə cəhəndımi səmt səbəro bəkarde......

Saffati mıborəkə surə ayəon dəvomədə de kali ilahi dıjdə pəyğombəron jimoni dastoni oşno bedəmon. bın surədə dığğət kardəninə nuktə ıme ki,penc kərə bə ilahi xolis və muxlisə bandəon təkid bıə və ım çı ilahi pəyğombəron əzəməti nışonəy ki, mərıfət,imon iyən deştə nəfsi cihodədə səbarz bıən və Xıdovəndi əvonış vıjniyə iyən xolisış kardə.

Ə pəyğombəron ki,bın surədə çəvon jimoni dastonon zikr bıə,çəvon har qıləyni bəçəvon ubudiyyət iyən imoni məğami xoto,bə ilahi rəhmət və lutfi şomil bıən və har baxşi oxoyədə  Xıdovənde-Aləm bəvon səlom vığandedə.sıftədə çı ilahi yolə pəyğombəronku bıə həzrəte Nuh(ə)-i dastoni bino kardedə və hamyedə: “Və həyğətən,Nuhi əmənış(bo fəryodi rəsero)vanqış je.(və əmə çəy dıvomon məse)çən,çı çokə icobətəkəmon və əv iyən çəy xanedanımon çı yolə ğəmiku peroxnemone və çəy nəslımon baği hastemone və omə nəslonədə boəy (çokə nom iyən xotırə)nomone”.75-78.

Həzrəte Nuh(ə) ıştə ğovmiku ziyodə əzob-əziyyətış vinde.Ə həzrəti çanədə əvonış bə vahidə Xıdo tərəf vanqış je,əmmo əvon çımi əvəzi bə həzrəti  istehzo iyən məsxərə kardeşone.əmmo,Nuh(ə) çəvon ım təhğıramizə rəftoron mığobilədə səbrış karde  iyən tovış varde.taainki,dərəse ki,əvon imon vardənin nin. bın zəmon Nuh(ə) ıştə ğovmiku ozod bıeyro Xıdovəndiku koməkış tələbış karde.iyo Kərimə-Ğıron  bə ə həzrəti ıştə ğovmiku məyus bıə zəmonədə kardə dıvo işorə kardedə.joqo ki,hamyedə:”əmə çəy dıvomon icobət(ğəbul) kardemone və əv iyən çəy xıyzonımon çı qıləy dıjdə ğəmiku peroxnemone”.bəle,Xıdovəndi Nuh(ə)-i nomış çı peşonə umməton miyono de çokə xatırə oqəteşe.joqo ki,peşonə aydə hamyedə:“Qırd aləmon dılədə bə Nuhi səlom bıbu”-79.

Çımisə yolə iftixor çiç bıey bəzıne ki,Xıdovənde-Mutəal bəy səlom vığandedə.qıləy səlom ki,çı aləmon miyono de tobə ğıyoməti ruji bağ bəmande.odəmi dığğəti cəlbəkə çi ıme ki,Kərimə-Ğıronədə bənə ımi kamə şəxs de ın hevujəti səlom vığandey bıə........