Osmoniyə surəon-137

Osmoniyə surəon-137

Saffati mıborəkə surə 83-ə ayəku de tobə 113-ə ayə bə həzrəte İbreym(ə)-i jimoni ziyodə baxşi işorə kardedə.joqo ki,hamyedə:”(bə yod biyə) bə zəmon ki,(İbreym) de qıləy səlim və pokə ğəlbi bəştə pərvərdıqori və ome”.

Səlimə ğəlb qıləy dıle ki,çı harcurnə əxloği iyən etığodi noxəşətiyonku pok bıə. Səlimə ğəlb bə qıləy pok və solimə ğəlbi votey bedə ki,çı harcurnə şırk,şəkk iyən fəsodiku pok bıbu.

Kərimə-Ğıron çı insoni ğıyoməti ruji yeqanə sərmonyə fəğət səlıimə dıl və ğəlbi hisob kardedə.çoko ki, Şuəra mıborəkə surə 88-89-ə ayəonədə handedəmon:” qıləy ruj ki,mol iyən fərzəndon bo insoni hiç qıləy nəf (xəyış)ni.əmmo de pokə ruf iyən dıli bə Xıdo tərəf oməkəson istisnan”.

İbreym(ə) de qıləy səlim iyən ğoymə ğəlbi məmuriyyətış pəydu karde və bəy əmr be ki,de bıtpərəston mıborizə bıbo.Tarıxdədə omə ki,Babili bıtpərəston ha sor qıləy məxsusə idi mərismışon hestebe.əvon xorəkon hozzı kardedəbin və həmonə bıtxonədə noydəbin ta bəçəvon qımoni əsos  təbərrıkin bıbu. çən, peşo əvon  şəhriku bə bi beşedəbin və ruji oxoyədə bə şəhr oqardedəbin və bo dıvo iyən xorək hardero ijən bə bıtxonə şedəbin.İbreym(ə) fik kardeşe ki,həmonə idə ruji ki,şəhr təy bedə,qıləy mınosibə fırsəte ta bışo həmonə bıton barışto iyən məhfko və çı bıtpərəston hıtə dılon oğoko ta əvon bızınon ki,çın bıton çəvon jimonədə hiç qıləy təsirışon ni.şəvi zəmonədə həm əy bo maşkinə bın mərosimədə iştirok kardero dəvət kardeyədə,əv iləzə bə astovəon erəxe və voteşe ki,mı noxəşim və demiyən ıştə bə mərosimədə iştirok nıkardero uzrxahətiş karde.şəhrə camaat bo həmonə mərosimi bərpo kardero çı şəhriku xaric bin.

De ın tərtibi İbreym(ə) şəhrədə yali mande.çə həzrəti çandə mıddət bənav çəş kardə ləzəon vaxt ome rəse.əv coyli bəpe bə de bıton canq kardey meydoni tərəf şıənin be  və qıləy ko kardənin be ki, bıtpərəston çı ğəfləti haniku oğo bıbon.

Kərimə-Ğıron ın macəra jıqo bə təsvir kəşeydə: . çən, (əv) məxfiyonə bəçəvon xıdoon səmt şe və (de məsxərə) voteşe:çıro xorək hardedəniyon?çiç bıə bəşmə? Boçi sıxan kardedəniyon?. Çən,(bə bıton səmt şe və)deştə rostə dasti bəvon qıləy ğoymə zərbəş one.