İmom Mosə Kazım(ə) qıləy səbrinə mıcohid

İmom Mosə Kazım(ə) qıləy səbrinə mıcohid

İmom Kazım(ə)-i jimoni devronədə çı Bəni-Əbbasi dıqlə vey zumandə sultanon yəni Mənsur iyən Haruni iyən çəvon dıqlə vey zolımkorə qıləyni sultan Məhdi iyən Hadi hukumət kardedəbe. islomi hukumət de tojə fəthon vositə vey hevuj bıəbe və ziyodə ğəniməton və molon bə dast oməbe.de ın amilon vositə Abbasi xilofəti ıştə hukumətışon ğoym kardəşonbe.co tərəfiku həm kali mınhərifə cərəyon iyən hərəkaton bə əməl omeydəbe.jıqo qıləy şərayitədə çı milləti zehni atmosfer de mınoğişə pur bıəbe və ım ideoloji ziddiyyət çı milləti islomi iyən siyosi şuur bə ofoton dıço bıəbe.ixtidori soybon həm çı milləti ıştə sə gim kardeyko suyi-istifodə kardedəbin və çəvon sape bıə ıştə sultə zumand kardedəbin.islomi camiyə de ğubari pur bıə İmom Kazım(ə)-i  əsrədə bo islomi əslə maarifon bəyon kardero meydon vey tanq iyən saxt be.

İron İslom Respublika Yolə Rəhbər Ayətullah Xameneyi İmom Mosə Kazım (ə)-i jimoni saxtə zəmoni vəsfi barədə hamyedə:bə zəmonədə hətto şeer iyən hınə,fiğh iyən hədis və hətto zohd iyən təğva çı hukuməti yolon xıdmətədə be .qıləy ciddiyə təhdid ki,xilofəti sarayi lorzıneydənıbe və xəlifə çı Əhli-Beyti(ə) dəvəti dayimi iyən nığılə hərəkatiku ğafil kardedənıbe.bın edvronədə bə Əhli-beyt(ə)-I iyən bəçəy tərəfdoron siyosi iyən ideoloji mıborizə iyən hərəkati pevolo bıey boyis bıə fəğət qıləy çi yəni çəvon dayima bıə cəhd iyən cihod və çə buzurquvaron ilahi şivə bıə təğiyyə be və de ın tərtibi ki,çı İmom Kazım(ə)-I insoni bə heyrətvardə cihod oşko bedə.

İmom Mosə Kazım(ə)-i əzob-əziyyəton iyən ğəmon Kərbəlo faciyə bəpeştə bə sayir imomon nisbətədə vey dardnok iyən şiddətin beə həzrət ıştə imoməti vavriski doə qırd devronədə ıştə kə-bəku dərbədər iyən həbsxonəonədə bıə.əmmo de qırd ımon bə ico çə həzrəti dinamikə ruhiyyə iyən hevujə fəaliyyəton boyis bedəbe ki,vey yavə şərayitədə həm milləti dılon muştoğə formədə bə nur,hidoyət iyən hərəbaxtəti sərçeşmə tərəf cəzb bıbon.

Həzrəte Mosə Kazım(ə) covonəti zəmonədə bə islomi camiyə rəhbərətiş bəştə ehdə peqəteşe ki,çə zəmonə xəlifə Mənsur Əbbasi qıləy vey zumandə ixtidorış hestebe və de Əhli-Beyti xanedani veyə ədovətış hestebe.bə vaxti Əbbasi xilofəti rayicə siyosət bə Əhli-Beyt(ə)-I tərəfdoron əziyyət doey iyən əvoni kıştey be.Əbbosi xəlifə Mənsur peyğombər(s)-i əhli-beyti(ə) xanedaniku və hətto ıştə nezə odəmon iyən ıştə zəmonə yolə şəxsonku həm  bə ğətl rosnəşbe və qıləy mubhəmə vırədə çəvon cəsədonış şodəşbe ki,ım məkon çı mənsuri foti bədiqə oşko bıəbe.

İmom Mosə Kazım(ə) çın zolımə xəlifə zəmonədə bə imomət məğami rəse və çı sıftəku ciddiyə nəzorəti jiyədə be.joqo ki,Əhli-Beyt(ə)-i tərəfdoron çı İmom Sadığ(ə)-i şəhodəti bəpeştə dılışon hestebe ki,bızınon jıqoşə bə kon şəxsi ovardkon,bəçəy xoto bə həzrəti kə tərəf hərkətışon karde və de yolə zəhməti bə İmom Mosə Kazım(ə)-i muraciyətışon karde.ə həzrət həm bə ovard kardə kəson iyən əvoni piyəkəson təkid kardedəbe ki,”təğiyyə” roy bıqəton və bəvon hamyeşe:”ehanə bızınon ki,şımə çımıku qıləy sıxanon məsə iyən mıku təlimon vində və ya demı rabitəon bıə,şıməni bəhışten.çən,mığət bıbən və təğiyyə bıkənən”.