De İmom Sadıği(ə)-i vilodəti ruji mınosibəti.

İmom Sadıği(ə) de təlatumi pur bıə devronədə de iyande zidd bıə fəlsəfi iyən kəlami fikon və məktəbon mevcud be ki,İslomi milləton de fəth bıə kişvəronku bıə camaati rəftorədə və İslomi mərkəzon de xarici dınyo rabitəonədə bə vucud oməbe.jıqo qıləy şərayitədə İmom Sadığ(ə) de mısılmonə milləti çı kufr,bedinəti iyən inhirofətiku nicot bıdo,peroxno və İslomi əslə maarif və elmon bə camaati səhihə formədə bırosno.

İslomi mığobilədə mand çandə qılə məktəb və məzhəbon bə mısılmınon etığodon zərbə jeydəbin və əvoni bəştə təsiri ji vardedəbin.bın zəmon  İmom Sadıği(ə) de islomə dini mıdofiyə və deçəy maarifi rosney ko məşğul be.ə həzrət təşəyyu məktəbi hukmon iyən etığodon bə milləti təğdım kardedəbe və çı inhirofə cərəyonon mığobilədə de şiyə məntıği iyən istidloli dəlilon mıcodilə kardedəbe.boçi ki,dini təğdım iyən əy de ağli sənəd və dəlilon mıdofiyə kardey,bə dini təsbit iyən ğoyməti boyis beydəbe və həmçinin bə insonon həxə dini iyən imoməti ğəbul kardey boyis beydəbe.çin İmom Cəfər Sadığ(ə) ım həxə dinış çı peyğombəriku(s) ğəbulış kardəbe və peyğombər(s) həm de vəhyi roy vositə qırd ım İlahi maarifış ğəbul kardəbe.bəçəy xoto,həzrəte Sadığ(ə) de co cərəyonon rəftorədə de ağli hərəkət kardedəbe və əvoni tənğıd kardedəbe və ehanə çəvon koonədə qıləy səhihəti mışohidə kardeyədə,əvoni təsdığ kardeəbe və səhf beydə əvoni rədd kardedeəbe....

İmom Cəfər Sadıği(ə) əsrədə təşəyyu məzhəbi hevujətiş pəydu karde və ə həzrəti Cəfəri məktəbış təsis karde ta İslomi əslə təlim və maarifi bəyji kardey zəminə hozzıko.de dini alimonəiyən ağılmandə rəftor,berəğ-rişə məzhəbi təəssıbonku xaric bıey və de fiğhi nuroni rəftor,çı Cəfəri məktəbi xısusiyyətonku bə hisob omeydəbe.de bə Əimmeye-Əthor(ə) rəvoyəton rucu və ovard kardey,əmə çə həzrəton əğlani cilvəon bəyonatonku oko doey bəzınemon.İmom Cəfər Sadığiku(ə) nəğl bıə rəvoyəton çandə qılə bə ağli məsələon işorə kardedə.

Məsələn İmom Cəfər Sadıği(ə) çı ağli əhəmiyyəti barədə sıxanon bəyonədə,bə ə həzrəti rəvoyətonku qıləyni işorə kardey bəbe ki,hamyedə:”Xıdovəndi ağlış çı nuriku ofəyə və əvış bəsə ıştə qırd məxloğatisa bəpeş qətə”.ə həzrət həmçinin ağlış çı imon iyən kufri miyono qıləy marzış hisob kardə və hamyedə:”çı imon iyən kufri miyono hiççi ni illa kamə ağləti”.bə ın rəvoyəton əsos,insoni ağl ki,çı kufr iyən həvaye-həvəsiku bə diyəro bıbu,çı imoni şərton bə isbot rosneydə və kufri səçın kardey ıştə ağliku oko nıdoey mənoədə hisob kardedə...