Mediya terrorizm

Mediya terrorizm

İMT ım təmayul İsveçi devlətış vodor karde ki,bo kosmik peyki vığandey huğuği məsləon tərtib kardero qıləy ko qrup təşkil doey təklifış doe və 1968-ə milodi sori coqlə ğətnomə ratifikasiyə kardey həm çın ko qrupi huğuği iyən texniki təhğiğoton məhsul be.İMT 2 maddəynə və 4 bandış bıə məromnomə qıləy devləti coqlə devləton daxili ğıvvon təhrik kardey və çəvrə nəzm iyən oroməti bəyənde jeıyro təbliğoti əbzoronku oko doey ğədəğən kardey be.1947-ə milodi sori 110-ə ğətnomə həmçinin beynəlxalğə  mədəni-siyosi huğuği mığovilə 20-ə maddə(1966-ə sori) de oşkoə formə irğon canq kardey iyən təhrik  cəhətədə ğədğənış karde.çəy bənav 1936-ə milodi sori de sulhamizə mənffəton cəhətədə bə rədyo ləpə və şuaonku istifodə kardey ki,mığovilə uzvon zərərinə proqramon pevolo kardey ğədəğənış hisob karde və lozım surətədə de surəti çəy pevolo kardey bə əməl vardeşone….

Devləton peyk antena bərnoməon sərostə formədə pevolo kardey prinsipi barədə çı devləton nığılə nəzə ixtilofon boyis be ki,İMT Umumi Assambleya de 1982-ə sori 92-37-ə ğətnomə ratifikasiyə  bə devləton televiziyə peyk antena bərnoməon sərostə formədə pevolo kardey prinsipi hakim bıə kulliyə usuli nomi noçorən və iminə kərə de qıləy metodi ğeyd be və ım ğətnoməşon bə ray noşone.ım ray noey məlumış karde ki,çı devləton əksəriyyət təmayul pəydu kardeşone ta navnə peyk antena bərnoməon sərostə formədə pevolo kardey ğəbul kardey roziyəti prisnsipiku himoyə kardey bıə təmayulışon heste.1971-ə sori beynəlxalğə ibemoni radyo konfrans bə ğanunon noey işorəş karde ki,bə vəynə ğəbul kardə kəson roziyəti kəsb kardey lozıməti ayid be və bə peyk antenaon proqramon təkid kardedəbe.ım məsələ 1977-ə milodi sori radyo konfransədə de 6222 numrə ğanuni ğolibədə dərc be….

İnformasiyəon ozodi prinsipi tərəfdoron bəştə həx doydə ta bə dast omə qırd məlumoton bə cokəson bıvğandon.əvon bə insonə həxon deklorasiyə 19-ə maddə və həmçinin mədəni iyən siyosi həxon beynəlxalğə muğaviləon 19-ə maddə istinod kardedən.bın cəhətədə 1972-ə milodi sori  Yunseko həm bo peyk antenəonku oko doeyro ro nışon doə usul və prinsipon ayid bıə tevsiyyəon eloniyyə bo ozodə informasiyə cərəyoniro ratifakasiyəş karde.demiyən bənə amerkə iyən ingilsotoni bıə kişvəron bə çın eloniyyə 2-ə maddə dəlili xoto,bə devləton  hakimiyyəton ehtırom noey təkid kardedə,de həmonə deklorasiyə mıxolifətış karde.ğərbi iddioəkə kişvəron ım nəzə,qıləy şərayitədə be ki,əvon itərəfiku de nuyə əbzoronku oko doey,de bə mıstəğilə kişvəron zidd informasiyə mıborizəşon barde və de bəçəvon zidd mənfiyə təbliğotonışon barde və co tərəfiku həm de beynəlxalğə robitəon həxon darıştey,de iştimoyi şəbəkonədə mıstəğilə sosyal səyfəon dəbastey  ya coqlə kişvəron peyk antenə pevolo kardey bırniye koy kardedən.ğərbi kişvəronku kali qıləyni jıqo qıləy nəzə bə de “informsiyə terrorizmi” nomi qıləy kəlmə icod bıəey boyis be ki,omə bərnoməonədə nəy işorə bəkardemone……..