Xıyzoni məcəllə-16

Xıyzoni məcəllə-16

İronıjə xıyzoni imtiyozonku qıləyni valideyni bəştə fərzəndi nisbətədə bıə məsuliyyəti hisse. valideyni ıştə fərzəndon çokonə lozıme himoyə kardey iyən boçəvon səloməti iyən rifohi təmin kardey məsuliyyət,İronədə xıyzoni təşkiloti bə formə dəşey əsosə sutunonku bə hisob omeydə. qıləy İronıjə xıyzonədə fərzənd Xıdovənde-Mutəali bə valideyni əto kardə qıləy neməte.bə rəvoyəton əsos fərzənd bə bərəkəti boyis beydə və əy bənə vəhışti vılonku qıləyni və həmçinin çı mumini ciqərquşə təbir kardedən.

Valideyni ıştə fərzəndon mığobilədə əsosə məsuliyyət səhihə tərbiyəte.bə ın məsələ dığğət kardə holədə çı nutfə iniğad və bastey bənav bino beydə və həmçinin hamiləti devronədə,təvəllud iyən hırdənəti devrondə və çəy bəpeşt bıə zəmonədə dəvom pədyu kardedə.çın məsuliyyəti əhəmiyyət bə əndozə və mığdorədəy ki,Peyğombəre-Əkrəm(s) hamyedə:”Ləov yuəddibu....ehanə şıməku har qıləyni deştə fərzəndi tərbiyə məşğul bıbon,boəy çəysə  vey çoke ki,haruj ıştə bəromə nimə Xıdo royədə sədəğə bıdo”.

Bə İslomi aziz-qramiyə peyğombəri(s) hamye əsos valideyn de səhihə tərtibi həmməysə çokə miros və irs boştə fərzəndon baği haşteydən.ə həzrət hamyedə:”bo fərzəndi hiç qıləy merıs çı səhihə ədəb və tərbiyəsə vey çok ni”....

Modernitə proseəsədə de sosyal infrastrukturon tojə kardey cərəyoni valideyni himoyəon qıləy etet-petatış pəydu kardə.valideyni deştə fərzəndon veyni irtibot,dəvardəyonədə bə camiyə hakim bıə erjon iyən normativon və iştimoiyyəti tərəfiku ğəbul bıə meyaron və valideyni zevğon ıştə vırəş bə valideyni deştə fərzəndon miyono bıə nuyə irtibot və rabitə doəşe.dəvardə zəmononədə çı jeni de merdi kiyono rolon co kardey,jenışon komilə formədə boştə hırdənonku mığət bey və əvoni nığo doey zınəşone və merd həm çı xıyzoni ixtisodi məsul şəxs və himoyədor bə hisob omeydəbe.ımrujnə devlətə himoyə sistemon çı xıyzoni həmrayəti bəkam bıeyədə qıləy təsirış bıə.əmmo qırd muşkilot iyən problemon bərtərəf kardeyədə  bənə qıləy mutməyin iyən xotırcəmə alternativi və əvəzi unvoni əməl kardey zınəşon ni.oxonə da soronədə mədəni iyən fərhənqi təhəvvulot iyən hodisəon xıyzoni həmrayəti kam beyədə və bə qıləy qrupi erjon dığğət kardey təsirin bıə.hevujə aylə ki,dəvardəyonədə məxsusən çı xıyzoni soxtə və təşkil doə zəmoni sıftədə və muşkiloton buruz pəydu kardə zəmonədə komək kardey rolış bıə,ımruj çəvon jimonədə kamə səmərə baxş kardə rolışon heste.demiyən ısət İronədə xıyzon dayima ijən bəştə fərzəndi dığğət iyən himoyə forməş hifzış kardə,oqətəşe.