Ruhollah məktəbədə, ğənoətkorəti iyən sodə jimoni xosyət(3)

İmom Xomeyni(r) nə fəğət şəxsiyə maşiniku istifodə kardey, jimoni co baxşon və hətto şəri pulon istifodə kardeyədə həm vey zohid be, bəlkəm co rəsmi şəxson xususi ruhaniyon ki hukuməti kursiədə bin, bə ğənoət iyən sodə jimoni vey təkid əki.

Xosə Tolışon səlom, İmom Xomeyni(r)-i rehlətə sorəqardeşi əyyomədə hestimnon ki ım matəmə əyyomi bə şımə xıdmət təsliyət ərz kardəm. İroni İslmi nizomni təsisəkə Həzrəte Ayətullah Xomeyni(r)-i rehləti sorəqardışi həmzəman, ım yolə alimi jimoni barədə məlumatoni bə şımə təğdim bəkamon.

İmom Xomeyni(r) nə fəğət şəxsiyə maşiniku istifodə kardey, jimoni co baxşon və hətto şəri pulon istifodə kardeyədə həm vey zohid be, bəlkəm co rəsmi şəxson xususi ruhaniyon ki hukuməti kursiədə bin, bə ğənoət iyən sodə jimoni vey təkid əki.

İmom Xomeyni(r) ıştə pərhizkorəti jimonədə, isrof kardeyku diyəro be və həmmə koonədə ğınoətkorəti əki. Bə İmom Xomeyni(r)-i nezə kəsonku qıləyni, ağaye Rəhimiyan votəyon əsos, İmom(r)-i kədə, 3 qılə lamp be ki İmom(r) vaxti Ğıron təlovət əki ya muxtəlifə raporton mıtoliə karde holədə, ım çirağon ruşin əkardi, əmmo vaxti çəy mıtoliə ya təlovət təmom əbi de ım vıcud ki çəy sinn vey be iyən çəyro saxt be əmmo rost əbi və lampon həmuş əki, nımoji vote zəmonədə həm fəğət 1 qılə lamp ruşin be. ə Həzrət bəştə ailə uzvon iyən ətrof bıə kəson həm, həminə metod iyən şivə tovsiyə əki.

İmom Xomeyni(r) olət iyən xorəkonku istifodə kardeyədə həm vey sodə iyən ğane be. Jəqo ki əqə şəxsi bəy olət hədyə əvardi, oləti bə qıləy ehtiyocə şəxs iyən fəğırə odəmi ədi. Hətto İmom Xomeyni(r) boştəro qıləy kəfən həm oqətəş nıbe, və həmonə şəv ki bə rəhmət şə be kəfən mandə be.