Nəhcul-Bəlağə pand iyən hikməton
Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Əli(ə) Nəhcul-Bəlağə 113-ə hikmətədə etika iyən əxloği sahədə bə 18 qılə əsosinə nuktə işorə kardedə ki,yəğınən ikəs ıştə jimonədə bə həmonə hikməti əməl bıko,hərəbaxt iyən xoşbəxt bəbe.
İmom Əli(ə) 113-ə hikmətədə ibtido iyən sıftə çe ağli sərvətiku bəhs kardedə.çıro ki,elm,şucoət, səlomət,hınə,irfon,dindorəti iyən həyğətədə əxloği erjon və insoni fəziləton həmmə,çe əğloniyyət iyən rasiyonaləti sahədə məhsuldorətiş heste.çın sıfətonku har qıləyni ehyanə de ağli himoyə nıbu,çəy qıləy bərəksə nəticəş bəbe və çe ruşd iyən ozaviye əvəzi,de tənəzzul iyən suğuti bə ico bəbe.
Bo insoni ğurbət iyən coyliyəti vey saxt iyən çətine.insoni bə təcrdi,bekəsəti iyən hətto mumkine bə odəmi depressi iyən rufi noxəşəti səmt bardə həmməysə barzə ənqizə iyən motivasiyə,ucb,ıştən-ıştəni pəsənd kardey iyən xudpəsəndətiye.zira əv,çe həmmə kəson əziyyəti zəminə hozzı karedə və odəmi ğurbətədə coyli iyən yali haştedə.bəçəy xoto Əmirəl-Muminin Əli(ə) jıqo hamyedə:”və la vəhdətə əvhəş minəl-ucbi-çe xudpəsəndətisə barzə ğurbət mevcud ni”...
Ağli mıxtəlifə cilvəonış heste iyən çe bəşəri qırd jimon çe ağli hukumət kardə əraziye.əmmo çəy həmməysə barzə cilvə tədbir iyən diyəro vindeye ki,bəşəri rəhbəron bəy xususi dığğətışon kardə.Xıdo-Rəsul(s) bə çə həzrətiku moyizə tələb kardə kəsi jıqoş hamye:”iza əntə həməmtə.....harvaxt bo qıləy ko əncom doeyro bə ğərol omiş de diyəro vindey iyən tədbiri bə vırə bıroson-ta səbarzəti bə dast vardə holədə həni bo norohətçəti iyən dıminə kərəro qıləy vırə nımando.binobərin çe rasiyonaləti həmməysə barzə cilvə tədbir iyən diyəro vindeye:və la əğlə kəttədbir-hiç qıləy ağl bənə ağıbəti fik kardey ni”….
Çe insoni şərəf iyən yolyəti həxədə mıxtəlifə amilon mıdoxilə kardedən ki,çe insonon tafutinə nəzəonədə çəvon har qıləyni qıləy məxsusə dəlilışon heste.əmmo vəhyani əndişəonədə “Bo Xıdo xoto təğvo iyən ıştəni oqətey” bo insoni kəromət iyən şərofətiro həmməysə barzə amil iyən motive.joqo ki,Kərimə-Ğıronədə hamyedə:”innə əkrəməkum…bərosti Xıdo palu şımə həmməysə azizə qıləyni şımə həməysə təğvonin bıə kəse”.həzrət Əli(ə)hamyedə:”və la kərəmə kəttəğva”-təğvosə vey şərofətin iyən vey ehtırominə çi ni”….
