Eşği peymon (Həzrət Əli(ə)-ide Həzrət Zəhro(s) izdivaci ruj.

Eşği peymon (Həzrət Əli(ə)-ide Həzrət Zəhro(s) izdivaci ruj.

Qıləy osmoniyə əzəmətinə peyvənd iyən rabitə ləzə ısət omə rəsə.dıqlə cıvon dılışon heste de Xıdo rizoyət iyən piye iyande dasti bıqəton və ıştə mıştərəkə jimonədə bə barzə hədəfon tərəf hərkətkən.ım nığıl iyən muhimmə əhd-peymon bəçəyroe ki,qıləy zovc iyən jenı-şuə təbyət ımi tələb kardedə.joqo ki, əvon ıştə şərikinə jimoni faxti çəvon rufon hiç qıləy noxsan hiss nıkoyn.Xıdovənd əvoni bə ico ğəbul kardedə.bəçəy xoto Peyğombər(s) izdivacış ıştə sınnət iyən ilahi rizoyətış və çı dini niməş elon kardə.

Imruj həzrəte Fatmə(s) ki,Xıdo həbibə iyən piyəkəse,çı xılğəti heyrətəngiz iyən çı çokətiyon lesıye,de qıləy osmoni iyən ilahi merdi izdivac kardedə ki,çı nuriku ofəyə bıə iyən vəhışti dınyokuye.həmonə şəxs Əliyyi-Murtəza iyən Xıdo Rəsuli vəsiyye.osmoniku səlom rubedə və ərşiku lokə-lokə tohfəon saru ru kardey bedə.ım osmoniyə id bə qırd mıslmınon mıborək bıbu.Zilhiccə manqi iminə ruje iyən bın ruji qıləy osmoniyə peyvən bastə bıə və jıqo ruj həni ikərə həm tarıxədə tikror nibəbe.çı təğvaninə insonon rəhbər Əli(ə) de dınyo xanımon xanım Fatimə(s) eşği peymonış baste və Xıdo ıştə həmməysə barzə peyğombərış bə ın izdivaci şoydış ğərol doe.ın izdivoci bərəkət həşi hevujətiyədə qıləy umrış heste iyən dayima həmonə əbədiyə tarıxi bə yod dənoydə.zilhiccə manqi iminə ruji.

Həzrət Əli ibn Əbu Talıb(ə) rəvoyət kardedə:”Pəyğombər(s) bə hamyeşe:ha Əli ha! Ğureyşiku idastə merd bə Fatimə(s) ayid  məsələdə de ğeyzi voteşone ki,əmə fatiməmon piye,əmmo tı əvı ğəbulı nıkarde.ısət əvı bə Əli ibn Əbu Talıbi doe.az voteme:bə Xido ğəssəm şımə de Fatimə(s) izdivac kardey məsələ mı rəddım nıkarde,bəlkəm Xıdo şımə daynətiş ğəbul nıkarde və  Əv Fatimə(s) de Əli(ə) vəyə kardeyış piye.zira Cəbrəyil bəmı nozil be iyən voteşe ki,Xıdovənde-Aləm hamyedə:ehanə Əlim ofəyəm nıəbe,həzrəte Odəm(ə)-iku jıqoşə bo Fatmə(s) loyığ qıləy şuyə movcud nıəbi”.

Izdivac qıləy ilahi sınnət iyən erje ki,bə ha fərd iyən xıyzoni oroməti və bə camiyə sabitəti iyən əmniyyəti boyis bedə.islom bə ım çok iyən bə xoş omə qədə iştima iyən vey əhəmiyyətinə təşkiloti təkid kardedə iyən əy hətto bə vocibi həddış həm rosnə.ım ğoymə rabitə bıə izdivac insoni bə oxoş hərəbaxtəti bıə jimoni tərəf bardedə.binobərin səbarzə jimon,çı izdivaci girovədəy iyən insoni bə kəmoli barzə ğulləon rosneydə.

Islomi dini muhimmə tovsiyəonku xıyzon təşkil doeye.izdivacədə əxtə hikmət iyən məsləhəton heste ki, çəy əhəmiyyət iyən fəziləti barədə çandə sa qılə rəvoyəton nəğl bıə.izdivaci məsələdə islom bə jenı-merdi se qılə mərhələdə yəni əğdi bənav,əğdi zəmonədə iyən əğdi bəpeştə əxloğiyə tovsiyəonış kardə. joqo ki, əvon ha dıqlə bəştə bın mərhələonədə bıə vəzifəon əməlkəyn.məsumə imomon(ə) oşkoə surətədə ıştə mıcərrəd iyən sıboyə tərəfdoron bo izdivac kardey təşviğ kardeəbin.Əmirəl-Mumininiku(ə) omə rəsə qıləy hədisədə hamyedə: izdivackənən,zira Xıdo-Rəsul(s) hamyeşe:hakəs dılış heste bəçımı sınnət iyən şıə roy pemando,çən bızıno ki,çımı sınnət iyən şıə roonku qıləyni izdivoc kardeye.

Oroməti qırd insonon  gim kardə qıləy ğeymətinə fırsəte iyən har qıləy inson inov ıştə harujnə jimonədə hərəkət kardedə ta bə ın aşişəti bırəso.ım oroməti amilonış heste və ımon nıbon ım aşişəti bə dast nibome.Kərimə-Ğıron izdivaci çı oroməti amilonku hisob kardedə və bın barədə hamyedə:əkəse ki,şımənış iqlə nəfsiku(coniku) ofəyəşe və çəy gitış çəyku bə əməl vardışe ta deçəy vositə orom bıbu.(Əraf,1890).

Kərimə-Ğıron çın mevzu həxədə co qılə ayədə joqo hameydə:.və çəy nışonəonku ıme ki,şımə ıştən(neviku) boşımə jimoni həmroon ofəyəşe ta deçəy(vositə) şımə orom bıbon və şımə miyono dustəti iyən rəhmət icodış karde.bəle,bın(nemətədə) bo fik-fam kardə məxloği hukmən nışonəon heste.(Rum,21)

Oroməti həmonə çiye ki,bəşər çı iztirob,norohətçəti iyən sıstəti bədiqə iyən çı tars və xofi bəpeştə əmniyyət bə dast omeydə.inson ki,çı unsiyyət iyən məhəbbəti dumoye iyən iştimayi jimoni sayədə bə qıləy psixoloji oroməti dast pəydu kardedə.ım oroməti hissi çı xıyzoni muhiti çərçivədə tiki həm vey iyən komilə şikilədə hiss iyən təcrubə kardedə.əv həni coyli iyən yali ni və de qıləy ğəşənqə hisson çı iztirobonku bə diyəro qıləy çokə muhitədə və oromə surətədə bəştə jimoni dəvom doydə.əve izdivac iyən jimoni həmroon Xıdovəndi əto kardə nemətonku bə hisob omeydə.ım aşişəti çəyo bino bedəki,ım dılqə cins bə iyande oroməti.şoyvonəti iyən ozavziye boyis bıbu.joqo ki,çəvonku qıləyni əqlə komiləkə bıbu.ım oroməti iyən təskinəti həm cismiye iyən həm ruhi və həm fərdiye ,həmən iştimayi.