Ğıbonə id,Cihade-Əkbəri id!
Ğıbonə id,Cihade-Əkbəri id!
Şəvi niməku lıski dəvardəbe.İbreym(ə) Xıdovəndi dərqoyədə de razo-niyozi məşğul bıey bəpeşt,bo istirohət kardero ıştə yonqoədə olxartəbe.çandə dəyğə dəvardə nıbe ki,qıləy əcibə hanış vinde.Ha İbreyma ha!
Xıdo ıştıku ğıboniş piyedə.qıləy fərğ doə ğıboni.Xıdo ıştıku qıləy ğıboniş piyedə ki,deəy ıştı deəy bıə dustəti əndozə və rostəti dərəcə mığoyisəkəy və ıştə Xəlilur-Rəhmanəti(Xıdo dust bıey) bə isbot bırsnoş.Ha İbtreyma ha! ım imtovon vey qon iyən əcibe.əmmo ha holədə tı ın ko əncom doeydə ixtiyori soybiş. ha İbreyma ha! ıştı ko ıme ki,tı bəbe ıştə zoə İsmoyli bə Mina ğıbonqo bobəş və əy bo Xıdo xoto ğıbonikəş ta bənə ıştəni yol vindey sıfəton ıştıku bışo.
Vey kuto iyən mənodorə kəlomon bin.əmmo vey fovğəladə,əcib iyən tov vardənin nıbə fomədə.joqo ki,hətto əy təsəvvır kardey həm mumkin ni.ısət çı bımando ım ko bə vırə rosney.İbreym(ə) fik kardeşe ki,ım qıləy hane.əmmo ım ilahi fərmon se kərtə tikror be və zıneşe ki,bəbe ıştə ım sanqin iyən saxtə məmuriyyəti bə vırə bırosni.əmmo İbreym(ə) zotədə ehanə ko bo Xıdo xoto iyən Xido royədə bıbu,əv bəbe hukmən bə vırə bırəso.umumən bo həzrəte İbreym(ə) Xıdo royədə koon əncom doey ğeyri-mumkin kəlmə movcud ni.vey saxt ım be ki,çokonə əv ıştə dıli miyvə bıə zoə zibh kardey sırri məxfiko.ısət çəy zoə bə kəmoli rəsə və çəy nocıvonə sima odəmi valeh kardedə.İbreym(ə) bəçəy məsum iyən beqınoə çehrə diyə kardeyədə,bədənış larzedəbe iyən dılış de həyəconi pur bedəbe.Lakin əv əv bın koyədə tərdid katrdey fikış nıbe və ıştə aşığ bıə Xidovəndi rizoyəti cəlb kardey dumo be.
İsmoylcon!”...çımı nozəninə zoəm.hanədə bəmı əmr bıə ki,tıni Xıdo royədə ğıboni(zibh)kəm.” Iştı nəzə çiye? İbreym(ə)-i şinə zoə de qıləy ğəşənqə cəvobi voteşe:ha çımı şinə pı !bətı çiç əmr kardə bıə əy bə vırə bıroson.inşaallah mıni çı səbrəkə bandəonku bəvindeş.İbreym(ə) xatırcəm be və Xıdo şık kardeşe ki,bəy jıqo qıləy zoəş əto kardə.bın zəmon ıştə fərzəndış de mehribonəti bəştə vanqoş qəte,maçəş je və əvış nəvazişış karde.
İbreym(ə) de həxpərəstəti iyən məhzə bandəçəti ğıvvəku nəşətış sıə irodə,bə sapo əyşte və İsmoyl(ə)-ış bə ğıbonqoş barde.əmmo çoko ki,pı-zo bə ilahi əmri təslim bin və İbreym(ə) kıləvordış bəştə fərzəndi xılxiş noe iyən İsmail(ə) həm boştə coni fido kardey hozzı be,Xıdovəndi tərəfiku ğıboni fərmon ləğv be və çı osmoniku qıləy sipiyə ğoç bəsə zəminisə ome.sədo ome:ha İbreym ha! tı həmonə roya və han bə həyğət rosne və bəştə məmuriyyətı əməlı karde.əmə jıləvoni bə çokə ko soybon xeyə cəzo doydəmon. şək ni ım həmonə oşkoə imtovone.əmə qılə dıjdə zibh bəy fido kardemone.(Saffat-103-107).
Həzrət İbreym(ə)qıləy saxt iyən sanqinə imtovoniku beşe ki,əv həm bə ilahi əmri pemandey be.əv deştə aqahonə vıjnemoni ilahi əmron mığobilədə təslim beıy de çokəti təfsirış karde və umutışe ki,həyğiyə inson ə şəxse ki,nəinki,zıvonədə,bəlkəm deştə qırd vucudi bə Xıdo əçmron təslime.İbreym(ə) bə vey barzə noxtə rəse iyən nışonış doe ki,bə şərəf iyən fəziləti bılındə ğullə rost bıə.vey mumkine insonon heste ki,hozzın ıştə coni çı dasto bıdən,əmmo bəçəvon fərzəndon hççi nıbu.əmmo çı tohidi ğəhrəmoni boştə fərzənd İsmoyli(ə) ğıboni kardeyro bıə ım hərəkət,çəy bə Xıdo komilə etımodi bəyon kardedə.
Isət İbreymi(ə) nom bəyjiye və çəy məğam barz.ha sor çəmə mısılmınon vey yolə ibodi iyən siyosiyə iştima bıə Həcci mərosimədə,de Həcci mərosimon iyən ğıboni kardey,çə həzrəti xatırə əziz qətey bedə.de qıləy co iborəti ğıbonə id,islomi dınyo dıjdə id ,çı İbreym(ə)-i əbədiyə təslimi xatırə bəyod dənoə ruj bə hisob omeydə.ismoyli ğıbonqo həyğiyə bandəçəti iyən rizoyəti dərsi sinif iyən klase.Xıdovəndi əmr kardə çiyon bandə hiç qıləy şərt nıdə holədə bə vırə rosneydə.ım əkbər iyən yolə cihod vəınsoni ıştə səpe ko kardey bə hisob omeydə.
