İmomət iyən Viloyət Kərimə-Ğıronədə (3)
İmomət iyən Viloyət Kərimə-Ğıronədə (3)
Dəvardə bərnomədə imoməti məsələ barədə bə Ali-İmrani surə 61-ə Mubahilə ayə işorə kardemone və votemone ki,bə mubahilə zəmonədə Xıdo-Rəsul(s) ıştə azizə kinə Fatimə(s),çəy dıqlə zoə Həsən(ə) iyən Huseyn(ə) və çə həzrəti amuzoə iyən zımo bıə Əli(ə) bə meydon omin ta de Nəcrani xristiyanon mubahilə bıkon.
Imruj həm çın bəhsi dəvomədə əmə çı Nisa mıborəkə surə 59-ayə barədə bəhs bəkardemone.Xıdovənde-Aləm Nisa mıborəkə surə 59-ə ayədə bə muminon xitob kardedə iyən çəvonku bə Xıdo,bə Xıdo-Rəsuli iyən bə Ulul-Əmri pemandey tələb kardedə.joqo ki,hamyedə:”Ha imon vardə kəson ha!bə Xido,Bə Xido pəyğombəri iyən əmr soybon itoətkənən.və havaxti qıləy barədə mıbohisə kardyone,bə Xido iyən bəçəy pəyğombəri ovardkənən.ehanə bə Xido iyən bə ğıyoməti ruji imonın heste,ım bo şımə vey çok və çokə ağıbətış heste”. ruşinə çi ıme ki,Xidovəndi itoət iminə dərəcədəy və ımon bənə nımoj,zəkot,həcc,əmr be məruf və nəhy əz munkər və sayirə ki,çı pəyğombəri(s) zıvoniku bə milləti rəsə.çımonsə əlovə bənə canq ya sulhi və ya hukuməti koon bıə co fərmonon həm movcude ki,peyğombər(s) çı mısılmınon vəli,hakim iyən yoli unvanədə rosneydə.Xıdovəndi bə pəyğombəri(s) pemandey barədə bıə əmr,bəçəy qırd fərmonon ayide və bə pəyğombəri(s) itoət kardey ayid bıə muhimə nuktə ıme ki,ulul-əmr”-i ayədə bə pəyğombər(s)-i pemandey koyədə hiç qıləy şərt oməni.qıləy holədə ki,bənə bəştə pı-mo pemandey məsələdə bəvon çokəti kardey əmrədə hamyedə:”əmə bə insoni tovsiyə kardedəmon ki,bəştə pı-mo çokətiko və ehanə ə dıqlə(mışrik bıbon və)cəhdkon ki,bomı qıləy şərik ğayil bıbon ki,ıştı xəbə nıbu,bəvon itoət məkə.(Ənkəbut,8).
Odəmi dığğəti cəlbəkə çi ıme ki,çandə qılə ayədə bə pəyğombəri(s) pemandey de bə Xıdo pemandey bə icoye.bənə Ali-İmrani mıborəkə surə 132-ə ayə ki,hamyedə:“bə Xıdo,bəçəy Rəsuli pemandənənki,ğasbu bəşmə rəhm bıbu”.
Əmmo ısət “Ulul-əmr” kon kəsonin ki,Xıdovəndi bəvon pemandeyış bənə bə Xıdo-Rəsuli(s) pemandey hisob kardedə.aya hukuməti sədə bıə iyən bə camiyə hukumət kardə yolon,Ğıroni nəzəku ulul-əmr hisob bedən?yəni hakəs ki,kardeyış zıne hukuməti bəştə dast bıqəto,bəy itoət kardey bə həmmə kəsi vocibe?ehanə Ğıroniku jıqo çi fame bıbu,çın ayə sıftə iyən oxoyədə qıləy ziddiyyət movcdu bəbe.çıro ki,əgər qıləy hukumət bə ilahi əmri əks qıləy fərmon imzoko,ayə sfıtədə votedə Xıdovəndi əmron icro kardey vocibe və har qıləy hukmiku bənave və qıləy surətədə ki, ayə oxoyədə bə şəxson pemandey barədə əmr kardey bedə ki,bə ilahi əmron əks fərmonışon doə.təbiiye ki,ım dıqlə mətləb de iyənde i omeydəni.
