Osmoniyə surəon-7
Osmoniyə surəon-7
Nəcrani məntəğə məsihiyonku 60 nəfər çı xristiyanon nımoyəndə unvanədə bə Mədinə omin ta çı islomi dini barədə təhğığkəyn.çəvon miyono Əbu-Harisə miyono qıləy alim iyən nufuzinə fərd hestebe.əv çı xristiyanon qırd kitobonış hifz kardəşbe umutəşbe.
Çı məsihiyon ım dastə bə pəyğombəri(s) məçiti daxil bin.çı nımoj iyən ibodəti zəmon rəsəbe. əvon bə məşrıği tərəf dimışon qəte və de ibodəti məşğul bin.çı pəyğombəri(s) əshabonku idastə dılışon hestebe bəçəvon bın ko mane bıbon.əmmo pəyğombər(s) çəvonku tələbış karde ki, deəvon koşon nıbu iyən bıdə əvon ozodə surətədə ıştə ibodi əməlon bə vırə bırosnon.çən,peşo əvon ijən çı pəyğombər(s)-i palu omin.pəyğombər(s) vonış bə dini islomi tərəf dəvətış karde. əvon voteşone:əmə şımə bənam islomımon ğəbul kardə iyən bə Xidovəndi təslim bıəmon. pəyğombər(s) hamyeşe:şımə ıştəni çokonə həxə ayin iyən dinədə zıneydon ki,bo Xıdo fərzənd nəzədə qəteydon iyən həzrət İsa(ə)-i çı Xıdo zoə zıneydon? Im etığadon bə həxə ayini zid qıləy çiye.çı xristiyanon yoli voteşe:ehanə İsa(ə) Xıdo zoə nibu,çən çəy pı ki bıə? Pəyğombər(s) hamyeşe:ayə şımə ğəbul kardedon ki,ha qıləy zoə bəbe bənə ıştə pı bıbu? Voteşone: bəle. hamyeşe:ayə jıqo ni ki,çəmə Xıdo bə harçi əhotəş heste iyən çəy ğəyyume və bə ha qıləy mevcud bıə rızğo-ruzi doydə? Voteşone:bəle,jıqoe.hamyeşe:aya İsa(ə)-ku jıqo sıfəton heste? Voteşone :ne.pəyğombər(s) ıştə sıxanon dəvomədə hamyeşe:aya şımə zıneydon ki,Xıdovənd osmon iyən zəminədə bıə qırd çiyonku aqahe iyən hiççi boəy məxfi ni? Voteşone: bəle, zınedəmon.hamyeşe:aya İsa(ə) Xıdo bəy umutə çiyonsə əlovə ıştəku co çi həm zıneydə? Voteşone:ne.hamyeşe:aya zıneydon ki,çəmə Xıdo İsa(ə)-ış çəy moə bətnədə çıko piyedəşe, jəqo həm bəy surətış əto kardə? Aya İsa(ə) inə həm bənə co jenon ıştə hırdənış ıştə luz-ləvədə şıkırnəşe və peşo bənə co jenon əvış bə dınyo vardə? Voteşone:bəle.hamyeşe:çən,çokonə İsa(ə) çı Xıdo zoə bıey bəzıne ki,bəştə pı hiç qıləy şəbohətış ni? Çoko ki,sıxan bə ın vırə rəse,məsihiyon həmmə sakit mandin.bın vaxt Cəbrəyil(ə) bə pəyğombər(s)-i nozil be və çı Ali-İmrani 80 qıləsə ayəş bə ə həzrəti nozilış karde.
Ali-İmrani mıborəkə surə çı Kərimə-Ğıroni seminə surəy və çı Bəğərə surə bədiqəy.əmmo nuzuli tərtibi nəzəkuĞıroni həşto nəvminə surəy ki,Mədinədə bə pəyğombəri(s) nozil bıə.çı mıfəssır iyən təfsirəvonon veyni Ali-İmrani mıborəkə surə nozil bıey tarıxi Hicri-Ğəməri dıku de tobə se və Bədr iyən Uhudi canqi zəmonədə zıneydən.Ali-İmrani mıborəkə surə de 200 qılə ayə Kərimə-Ğıroni dırozə surəonku qıləyniye.
