Bo islomi təxrib kardero təkfiri cərəyanon-2
Bo islomi təxrib kardero təkfiri cərəyanon-2
Dəvardə bərnomədə əmə bə islomi tarıxədə bıə təkfiri cərəyanon iyən bəçəvon rəğ-rişəon işorə kardemone və votemone ki,islomi tarıxədə iminə jıqo təkfiri cərəyanon İmom Əli(ə)-i hukuməti zəmonədə bə əməl omə “Xəvaric”-i dastə be ki,bə Kərimə-Ğıroni ayəon səhv dərəsey xoto bə vucud omin.Xəvaric Əli(ə)-i mıttəhəm kardedəbin ki,ə həzrət çı diniku xaric bıə.qıləy holədə ki,Əli(ə) bə həzrəte Muhəmməd(s)-i imon vardə iminə şəxs be iyən ə həzrət bo qırd mısılmınon qıləy komilə ulqu be.harçənd Əli(ə) islomi kəc sərəsə ım mınhərifonış de şiddətiş rısvo karde,əmmo ım mınhərifə ideloqiyə iyən islomi səhf bəsə dəşey,ısət həm dəvomış heste.bənə vəhhabiyon bıə təkfiri cərəyonon de Kərimə-Ğıron iyən pəyğombəri(s) sınnəti məfhumon qıləy komilə təzaddədən.çın təkfiri iyən terroristə qrupi ideolaiqiyə iyən hərəkəton dinədə bidət bə hisob omeydə və ım ideloqoiyə və hərkəton de islomi sulh iyən ədolət tələb kardə məfhumi hiç qıləy nisbətış ni.
Vəynə proqramədə islomi tarıxədə çı sələfiyon iyən sələfi kəlməku mıxtəsərə şikilədə şərh domone ta de ım təkfiri cərəyonon vey çok oşno bıbəmon.min cumlə Əhməd ibn Hənbəli çın sələfi camaati binovrə noəkəs zıneydən.Əhməd ibn Hənbəl çı əhli-sınnəti fuğəhaonku qıləyniye ki,deçəy nomi qıləy məzhəb həm movcude.Əhli-Sınnət bə ço qılə əsliyə məzhəbi yəni bə hənəfiyon,mailikiyon,şafiyiyon iyən hənbəliyon təğsım bedən ki,de zəmoni dəvarde çımonku kaliq qılə bə çandə da qılə şaxəon peqardə.bə əhli-sınnəti dıjdə ço qılə fəğihonku qıləyni iyən çı sələfi cərəyoni həm çın məzhəbi şaxəonku qıləyni bıə Əhməd ibn Hənbəli etığadon bəhson varid bıey bənav,sıftədə bə həzrəte Muhəmməd(s)-i rehləti bəpeşt bə əməl omə cərəyonon iyən dastəon çokonə bə əməl omey işorə bəkardemon.islomi tarıxi sıftədə dıqlə muhimmə hodisə bə əməl ome ki,peşonə hodisəonədə məxsusən bə islomi dınyo daxiliku çandə dastə təğsım bıey ziyodə təsiriş noe.ım har dıqləyni çı islomi əzizə peyğombəri(s)umri oxonə manqonədə bə əməl ome.iminə hodisə”Ğədiri-Xum”-i vağiyə be ki,Hicrəti da minə sori Zilhiccə manqi həjdədə pəyğombər(s)-İ umri oxonə sorədə bə əməl ome.dıminə macəra “Bəni-Saidə Səğifə” məslə be ki,ım həm çı hicrəti yonzəminə sori sıftənə manqonədə bə əməl ome.ım dıqlə hodisə həm bə iyənde mandedən iyən həm iyandeku farğ kardedən.
