Osmoniyə surəon-14

Osmoniyə surəon-14

Pəyğombər(s)-i besətiku çandı sor dəvardəbe.mısılımon mığdor kam be iyən əvon de islomi deşmınon vositə çı təzyiğ və işkəncə jiyədə bin.islomi-peyğombər(s) bo mısılmınon hifz kardey iyən çı Hicoziku qıləy mərkəz icod kardeyo,əmrış karde mısılmınon bə Həbəşıstoni tərəf hicrətkəyn.de pəyğombəri(s) əmri Cəfər ibn Əbi-Talıb iyən co mısılmıonku idastə,bo Məkkə mışrikon işkəncə və əziyyətonku əmonədə mandero,bə Həbəşıstoni tərəf hərəkətışon karde.Məkkə mışrikon həm çın macəraku xəbədo bin.əve çandə nəfərışon vığande ta həmonə mıhocirə mısılmınon bıqəton və bə Məkkə oqordınon.əvon çı Həbəşıstoni podşo Nəccaşi palu bə mısılmınon ələyh yavə sıxanonku oko doşone və tələbışon karde ki,ım mısılmınon bəvon təhvil bıdəyn.

Həbəşıstoni podşo Nəccaşi məsihi be.əv qıləy məclisış təşkil doe ta çı mısılmınon həxədə bıə həyğəton iyən Məkkə mışrikon iddion kəşf bıbu.bın məclisədə mısılmınon,Ğureyşi nımoyəndəon və çı xristiyanon alimonku idastə və saray odəmon cəm bıəbin.Nəccaşi çı Cəfəriku tələbış karde ki,çı mısılmınon etığadonku boəvon izohko.Cəfəri cəvobış doe:Xıdovəndi çəmı miyono qıləy pəyğombərış məbus karde vıjnişe iyən bəmə əmrış karde ki,harcurnə bə Xıdo şırk kardeyku yavə koon iyən zılmo-sıtəmiku bə diyəro bımandəmon.həmçinin bəmə əmrış kardə ki,nımoj bıvotəmon,zəkot bıdəmon,bə ədoləti rioytkəmon,ehson iyən çokətikəmon və bəştə nezə odəmon koməqkəmon.

Nəccaşi voteşe:İsa-Məsih(ə) həm bo jıqo çiyon xoto məbus bıə.peşo çı Cəfəriku dəparseşe:ayə bəşmə peyğombəri(s) nozil bıə çiyonku əzbər zıneydəş ki,boəmə bıvotış?Cəfəri voteşe:bəle.çən,peşo binoş karde çı Kərimə-Ğıroni ayəonku bo hande.Cəfər de zırənqə formə Kərimə-Ğıronədə həzrəte İsa-Məsih(ə) iyən çəy mo Məryəm(ə)-i tarif kardə ayəonış handeşe.ın ayəon handey bə həmonə məclisi əhli qıləy əcibə təsirış noe.joqo ki,çı xristiyanə alimon çəşonku de şovği ğətrə-ğətrə ars rubeydəbe və Nəccaşi həm de barzə vanqi voteşe ki,bə Xıdo ğəssəm bın ayəonədə çı mısılmınon barədə həyğəti nışonəon oşko iyən ruşin be.

Ğureyşi nımoyəndə Əmr As çı Nəccaşiku tələb kardeyədə ki,mısılmınon bəvon təhvil bıdo ta əvoni deştə Məkkə bobəy,Nəccaşi çəy tələbış rədd karde və bə Cəfər iyən bəçəy duston voteşe:xatırcəm və asudə formədə bın sərzəminədə bıjiyənən.ım sıxan boyis be ki,Məkkə mısılmınon Həbəşıstoni boştə qıləy xatırcəmə vırə hisskoyn və çanədə ki,islomi kifoyət ğədərədə ğudrətış bə dast vardəş nıbe,har qıləy tojə imon vardə mısılmon əyo rəvonə bedəbe şedəbe.

Həlbəttə,tojə bə əməl omə islomi dini barədə yəhudi iyən məsihiyon rəftoron mıxtəlif be. pəyğombər(s)-i bə Mədinə hicrəti bəpeştə,yəhudiyon sıftədə de ə həzrəti əhdışon baste.əmmo peşo əvon ıştə əhdı-peymonışon darışte və bə mısılmınon ələyh məkrinə plani koyədə de mışrikon həmdast bin.Kərimə-Ğıron çı yəhudiyon de mışrikon bə mısılmon ələyh bıə həmdastəti mızəmmət kardedə.əmmo çı xristiyanon barədə co qıləy nəzəş heste.Nisa mıborəkə surə 82 iyən 85-ə ayəonədə bə əhli-kitobi de mısılmınon bıə rəftori şivə işorə kardedə:...”və imon vardə kəson miyono vey mehribonə qılə,ə kəson bəvindeş ki,voteydən əmə məsihimon.ım bəçəy xotoye ki,çəvon miyono alim iyən rahibə şəxson heste və əvon(çı həxı mığobilədə) yoləşəxəti kardedənin.və hazəmon bə pəyğombəri nozil bıə ayəon bıməson,çəvon çəşon bəvindeş ki,(şovğiku)ars rukardedən.bəştə dərəsə həyğəton xoto,əvon voteydən:Xıdolim ha! imon vardemone,əməni de (həxə)şoydon (bə ico) bınıvışt”.

Bın surədə həmçinin bənə bə ədoləti əsos şoydəti kardey,həlol iyən həromə çiyon hardey məsələ hukmon,vuzu iyən dastnımoji  və təmizəti hukmon,bə sosyal ədoləti sıfarışon iyən vəsiyyət,xısos,dızdi və co çiyon barədə bəhson işorə bıə.

Bın surə oxoyədə işorə bıə ki,Xıdovənd bə harçi ğadire və əv çı osmon iyən zəmini və çımon miyono bıə harçi mıtləğə hakime.