Osmoniyə surəon-16

Osmoniyə surəon-16

Xıdovəndi bəştə bandəon məxsusə rəhmətonku qıləyni ıme ki,bo insonon hidoyəti xoto peyğombəronış de kitobi bə ico bəçəvon tərəf vığandəşe ta əvoni çı cəholət iyən zəloləti zılmətiku ozodkon.Ənami mıborəkə surə bə ın həyğəti işorə kardedə və bə yod dənoydə ki, Kərimə-Ğıron ilahi vəhye iyən qıləy hidoyətəkə nure ki,toykiyə vıəron ruşin kardedə.

Kərimə-Ğıron çı bəşəri təhəvvuli royədə qıləy muhimmə rolış icod kardə və insoniyə fərhənq iyən əxloği mərtəbəş bəpe bardə.ımruj həm 14 əsr dəvardey bəpeştə de harujnə elmiyə inkişofon və məchulon kəşf bıey,çın kitobi ecaz tiki həm ziyod oşko bedə iyən bəşər har ruj bə çın kitobi nığılə vırəonədə bıə tojə  nuktəon dast pəydu kardedə.

İbreym(ə) ilahi ənbiya və peyğombəron dədəy.qıləy rəsul ki,bo tohidi mıdofiyə kardero iyən de bıtpərəston və mışrikon mıborizə bardero ğıyomış karde.ə həzrət çı osmonon iyən hestemoni aləmi barədə fik kardedəbe ta de votemon iyən debati ro,ıştə ğovmi fəsodi bəçəvon quşon bırosno və əvoni bə həxə roy tərəf hidoyətko.

Ənami mıborəkə surə 75-79-ə ayəon çı İbreym(ə)-i bo tohidi isbot kardero vardə istidlolonku qıləyni şərh doydə.ım macəra jıləvoniye.və kəzalikə... Və jələvoni çı osmonon iyən zəmini mələkutımon bə İbrahimi nışon doe ta əv çı əhle-yəğınonku bıbu.

Çoko ki,bəşəvnəy tokyəti qırd dınyo dəqətəşbe,əv astovəonış mışohidə karde.İbreymi(ə)-i voteşe ki,çımı Xıdo ıme?əmmo çoko ki,astovəon ğurub kardeşone əv de zumandə ğətiyyəti voteşe:mı ğurub kardə iyən eşə çiyonım piyedəni və əvoni bo sıtoyiro loyığ zıneydənim.ijən ıştə çəşış bə osmoni tərəf xıyə karde.ın dəfə osmonədə vavriski doə komilə surətədə bıə ovşumış vinde və vanqış je:ıme çımı pərvərdıqor? əmmo oxoyədə ovşumi oxo həm bənə astovəon be. İbreymi(ə)-i rəyrə voteşe:ehanə çımı pərvərdıqori mınış bəştə hidoyəti ro səbəroş kardəş nıbe, bə zəlolət eqıniyə kəson cərqədə əbim.bın zəmon şəv bə oxo rəsəbe və həşi çı məşrığiku ıştə şua bə bandon iyən biyobonon dətovnedəbe.çoko ki,İbreymi(ə) çəş bə həşi valehəkə nuri çəşış eqıniye voteşe:çımı pərvərdıqor ıme,ım bəsə həmməysə vey dıjde.əmmo çoko ki,həşi həm nışte, İbreym(ə)-i əsliyə məğsədış bəyon karde və voteşe:ha millət ha! Mı şımə bo Xıdo şərik ğərol doə qırd pesoxtə bıə iyən xəyoliyə məbudonku bezo iyən bə diyərom.az ıştə dimi bə osmonon iyən zəmini ofəyə Xıdo tərəf qəteydəm iyən mı ıştə dinədə xolisim və çı mıırikonku nim(79).

Şək ni İbreym(ə)de fıtrəti ço iyən ağli istidloli bə Xıdovəndi vahid bıey yəğınış hestebe,əmmo de qırd xılğəti aləmi mutaliyə kardey,çəy yəğın bə kəmoli həddi rəse.

Xıdovənde-Aləm Ənami mıborəkə surə 161-ə ayədə çı həzrəte İbreym(ə)-i yektapərəst iyən rostə ayinədə bıey bə təsvir kəşedə və hamyedə:Ğul inni....vuji: həyğətən,çımı pərvərdıqar mınış  bə rostəro hidoyətış kardə, həmonə ğoymə din ki,bə həxı tərəf meylış bıə İbrahimi ayine iyən əv çı mışrikonku nıbe.

Ayəon dəvomədə pərvərdıqore-aləm bə pəyğombər(s)-i xitob kardə holədə hamyedə:bıvot: həyğətən,çımı nımoj iyən ibodət iyən çımı jimon və mardey bo aləmon pərvərdıqar bıə Xıdovənde-Aləmiye. çəy şərik ni iyən bəmı(bə təslimə ruf,ixlos iyən ubudiyyəti)əmr bıə iyən az bəştə rəbbi təslim bıə iminə mısılmonim.(162-163) .

Im surə ayəon həmçinin bənə vəhy iyən pəyğombəron risoləti,miad,dınyo iyən axırəti məsələ, insonon imtovon kardey,xılğəti əcibə çiyon,ehson və çokə ko kardey,bə milləti həx-huğuğon  rioyət kardey,bə pamu vahidon əməl kardey,pərvərdıqori sıfəton və co ziyodə sayirə məsələon işorə kardedə.