Osmoniyə surəon-18

Osmoniyə surəon-18

Ərafi mıborəkə surə Kərimə-Ğıroni haftminə surəy.ım surə Məkkədə iyən hicrəti bənav nozil bıə və 206 qılə ayəku iborəte.

Ərafi mıborəkə surə sıftənə ayəon mıxtəsərə şikilədə bə etığodi məsələon işorə kardedə. həmçinin iyo bə Odəm(ə)-i xılğəti dastoni işorə bıə.ın ayəon bə odəmi çəşnaviyon doydə iyən Xıdovəndi çı bəşəri hidoyəti royədə çəyku sıə əhd-peymonon aşmardedə.bın surədə həmçinin bə tohid iyən sərostə royku mınhərif bıə navkonə ğovmon işorə bıə və bo rostə muminə şəxson nışon doeyro iyən həmçinin çandə qılə dəvardə ğovmon iyən pəyğombəron sərquzəşt iyo zikr bıə.çın surə oxoyədəbə kali əğedəvi mevzuon işorə bıə.

Bismillahir-Rəhmanir-Rəhim Əlif... (In) Qıləy kitobe ki,bəştı tərəf nozil bıə,çən,çəyku ıştı sinə tanq nıbu(şəkk və tərdid nıbu)ta deçəy(de həmonə kitobi)vasitə tars bıdə iyən bo mominon xəbərdorəti və nəsihət bıbu.

In ayə bə pəyğombər(s) dılvandi doydə ki,çun Ğıroni ayəon Xıdovəndi tərəfikuye,əve bəbe hiç curə tars bəştə dıli roy mədə.nə ıştə duşədə şıkırnə qonə risoləti boku norohət bıbu və nə çı Kərimə-Ğıroni həyğəton mığobilədə ğəddor iyən inodkorə deşmınon nışon doə reaksiyəku mətars.

Bərosti əmə ofəyəmone şımə.peşo məşğul bimon deşmə surəti(sıfəti) bə nəzm dənoey.bın zəmon bə məlıaikon votemone:bə Odəmi səjdəkənən.çən,həmməy səjdə kardeşone,ğərəz İblisi ki,çı səjdəkəyonku nıbe.ayə-11

Həzrəte Odəm(ə)-i daston Bəğərə mıborəkə surə iyən çandə qılə surəonədə omə.əmmo Ərafi mıborəkə surə 11-ə ayəku de tobə 27-ə ayə çın dastoni həlğəon və....təkmil kardedə.Kərimə-Ğıron bın ayəonədə bə yod dənoydə ki, Xıdəvəndi Odəm(ə)-ış ofəye və boçəy barzə məğami elon kardey xoto,bə məlayikon əmrış karde ki,çəy mığobilədə səjdəkon.həlbəttə,firiştəon bə Odəm(ə)-i kardə səjdə əy pərəstış kardey mənoədə nıbe.zira pərəstış fəğət bə Xıdo məxsuse. iyo səjdə xuzu iyən təvazu mənoədəy.yəni mələkon çı Odəm(ə)-i əzəməti mığobilədə səjdə kardeşone.ğərəz İblisi həmməy bə Odəmi(ə) səjdə kardeşone.Xıdovənde-Aləm bə İblisi ım tuğyongərəti iyən hışkəgiyəti xoto,əvış bə cəzoş rosne və hamyeşe:çı çi boyis be ki,tı səjdə nıkarde və bə çımı əmri tabe nıbiş? əv (cəvobədə)voteşe:mı bəsə əysə çoikm.bəçəy xoto ki,tı mını çı otəşiku ofəyə və əvı çı tuliku.voteşe:çə(həmonə məğamiku)etat saru.ıştı həxı ni (həmonə məğamədə)təkəbbırətikoş.bə bi beşo ki,tı çı xar bıə kəsonkuş.(12-13).de ın tərtibi Xıdovəndi İblisış bəçəy bemənoə yoləşəxəti xoto ıştə nezə dərqoyku tojneşe.