Osmoniyə surəon-40

Osmoniyə surəon-40

Və həyğətən,vığandə bıə kəson(insoni şikilədə bıə məlaikon) bo İbreyimi mıjdə vardeşone. voteşone: səlom(İbreyimi həm )voteşe:səlom. çən, lıski zəmon dənıvarde ki, sı kardə patə poynəş varde çəvon tono.

Çoko ki,votemone Hudi mıborəkə surədə çı mərıfətşınosi mevzuonsə əlovə,ilahi peyğombəron barədə çandə qılə ibrətamizə dastonon həm mevcude.çən,çı Nuh(Ə) iyən Hud(ə)-i macərəon iyən çəvon bo insonon hidoyəti xoto dayimiyə cəhdon bəpeştə,ısət çı İbreym(ə)-i dastoni iyən Lut(ə)-i ğovmi macəraku bəhs kardedəmon.

İlahi firiştəon Xıdovəndi paluku bo dılqə məmuriyyət iyən vəzifə bə vırə rosnero zəmini dimisə etatin.sıftədə bə Lut(ə)-i ğovmi əzob rosney və co qıləyni bə İbreym(ə)-i rə qıləy zəmonədə çəy jimoni həmro Sara İshoğ nomo qıləy zoə bə dınyo vardey mıjdəvoni doey.Xıdo vığandə mələkon bə İbreym(ə)-i huzur varid beyədə,səlomışon karde.əv həm çəvon səlomi cəvobış doe.kamişi dəvardə nıbe ki,bə mehmon nəvozəti xoto qıləy sı kardə bıə poyna boəvon vardeşe.

Əmmo İbreym(ə)-i mışohidəş karde ki,tojə varid bıə mehmonon bə xorəki tərəf dast dıroz kardedənin.ım ko bəçəy təəccıb iyən çoçinəti boyis be.liza çəvonku tikəy tarse və norohət be.Əv,fik kardeşe ki,mumkine çəvon qıləy suyi-ğəsd iyən yavə məğsədışon heste.Xıdo vığandə məlayikon çın məsələku xəbədo bin və çı İbreym(ə)-i niqəronətşon bərətəfə karde və voteşone:mətars əmə bə Lut ğovmi tərəf vığandə bıə məlayionimon.yəni əmə mələkimon iyən  bo çə sıtəmkorə ğovmi məhf kardeyro oməmon.çən,məlayikon bəy bəşorət doşone ki,deməkə ki,çəy sinnış bəpyeye.əmmo əv İshoğ nomo qıləy fərzəndi sopyb bəbe və İshoğiku həm Yəğub bə dınyo bome ki.ımon har dıqləyni Xıdo pəyğombəronku bəbe.

Sara İbreym(ə)-i jimoni həmro ki,deməkə çəvon ziyodə sinnışon hestebe iyən çı fərzəndi soyb bıeyku məyus və noumu bıəbe,de qıləy ziyodə təəccıbavrə vanqış je ki,vay bıbu bəmı.aya çımı fərzənd bəbe,qıləy holədə ki,az piy bıəm iyən çımı şuyə piyəmerde?.ın məsələ vey təəccıb vardə məsələy.

İlahi firiştəon forən iyən rəyrə əvışon çı təəccıbiku xaric kardeşone və ilahi bə ın xeyzoni bıə ziyodə nemətonış bəçəvon yod dənoşe ki,çokonə əvonış çı hodisəon çənqaoliku peroxneşe.əvon bəy voteşone:aya ilahi frəmoniku təəccıb kardedəş?qıləy holədə ki,Xıdo rəhmət və bərəkət bəşmə xeyzoni bıə iyən heste.həmonə Xıdo ki, İbreym(ə)-ış çı Nəmrudi çənqaliku peroxneşe və əvış çı otəşi dılədə solim iyən səlomət oqəteşe.həmonə Xıdo ki, bə bıtarıştə İbreym(ə)-i koməqış karde iyən zuş doe ta əv bə tağutə hukuməton ğalib ome.

Çı İbreym(ə)-i tars bərtərəf iyən qıləy mıjdəvoni məsey bəpeştə,çəy dıl bəştə vırə ome.çən,peşo bə Lut(ə)-i ğovmi fik dəşe ki,ğərol be de ilahi vığandə mələkon vositə məhf bıbon.əv de ilahi məlayikon çə ğovmi həxədə hesse-pes iyən mıbohisə kardeşe və umuş hestebe ğasbu bo həmonə ğovmi peroxneyro qıləy umu vırə mandəbu.İbreym(ə) fik kardedəbe ki,kardey bəzıne çə həmonə ğovmi əzobi bə təxir eğando.zira əv vey həlim,dıləsut iyən bə Xıdo tərəf oqardə şəxs be.bəy xitob be:

Firiştəon voteşone:) Ha İbreyim ha! Iştə çın tələbiku dəvard ki, həyğətən, Xıdovəndi əmr omə rəsə iyən həni bə dumo oqardənin nıbə əzob bəçəvon soyəx bome.(76).