Osmoniyə surəon-45

Osmoniyə surəon-45

Bın zəmon ki,Yusif(ə)-i mışohidəş karde çı qıno iyən fırsiye mığəddimə qırd zəminəon hozzı bıə iyən boəy hiç qıləy ro mandəni,çı Zəlixa cəvobədə voteşe:az bə Xıdo dəvitedəm.Yusif(ə) de ın tərtibi de ğətiyyəti çə həmonə jeni ğeyri-ğanuniyə tələbış rədd karde və əvış dərosne ki,əv bəçəy tələbon təslim nibəbe.çın həyğətiku ım mesaj bəmə rəsedə ki,bəbe jıqo qıləy şəraiyətədə iyən çı şəytoni vəsvəəsonku perəxey ro,fəğət bə Xıdo pənoh bardeye.

وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الأَبْوَابَ وَقَالَتْ هَيْتَ لَكَ قَالَ مَعَاذَ اللّهِ إِنَّهُ رَبِّي أَحْسَنَ مَثْوَايَ إِنَّهُ لاَ يُفْلِحُ الظَّالِمُونَ (23) 

Yusif çəy kəyədə bıə jen,çəyku kami(ləzzəti) təmənnoş karde.kəy bəonış ğoym-ğoymi bastışe və voteşe:(bə botı hozzı bıə çiy tərəf)boy.(Yusifi)voteşe:bə çımı pərvərdıqor bıə iyən çımı məğamış barz qətə Xıdo dəviteydəm. həyğətən,sıtəmkoron nicot pəydu nibəkayn.

Iyo əmə çı Yusif(ə)-i de Misri Əzizi jimoni həmro bıə macəra bəştə həssoəs mərhələ rəse ki, Kərimə-Ğıron de məno pur bıə səxani votedə:

وَلَقَدْ هَمَّتْ بِهِ وَهَمَّ بِهَا لَوْلا أَن رَّأَى بُرْهَانَ رَبِّهِ كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ (24) 

Həyğətən,həmonə jen(Misri əzizi jen)bəy (bə Yusifi) meylış karde və ehanə əv ıştə pərvərdıqori burhan(dəlilış) vindənıbe,əv həm bəçəy tərəf əşi.jıləvoni əmə yavəti və beəxloğəti çəyku bə diyəro kardemone.çumçıko əv çəmə xolisə (vıjniyə bıə) bandəonku be.

Deməkə ki,Zəlixa vey cəhdış karde ta Yusif(ə)-i de tobə də kəno bışıkırno,əmmo çəy imon iyən ağli ğıvvə fovğəladə surətədə ıştənışon səfərbər kardeşone və naqahan çı ğərizə iyən instinkti tufonış vırto-voloş karde.Yuisf(ə) həmonə həssosə ləzədə boştə pokdovnəti oqəteyro,binoş karde şiddətinə formədə deştə nəfsi mıborizə bardey.Xıdovəndi hamyə ım nuktə ki,əv çı muxlis iyən xolisə bandəonlku be,bə ın həyğəti işorə kardedə ki,Xıdovənde-Aləm hiçvaxti ıştə muxlisə bandəon saxt iyən behroniyə şərayitonədə yali haştedəni,bəlkəm de mıxtəlifə roon vositə bəvon koməq kardedə.

Əmmo Yusif(ə) boştə fırsiye vəy qəteyro,de surəti çə sarayku fərolış karde vite ta çı saray bəon ojko,beşo bə bi.Zəlixa ki,çəy ağl bəçəy nəfsaniyə meylon məğlub bıəbe,çı Yusif(ə)-i dumo bə saray bə tərəf vite ta bəçəy çı ğəsriku beşey mane bıbu və de ın məğsədi çı peştiku Yusif(ə)-i şəyış bə dumo okorne.joqo ki,çı Yusif(ə)-i şəy peştiku poə be.ə dı nəfər naqahən çə jeni şuyəşon çı bə vədə vindeşone.Zəlixa çoko ki,səhnəş jıqo mışohidə karde,bə Misri Əzizi voteşe: ”bəştı xıyzoni xəyonət kardeyış piyə kəsi cəzo,ğərəz zindon ya dardnokə əzobi co qıləy çi bəbe?”.