Rəyisi Yəməni milləti bo Ğəzzə xalği mudafiyə kardero nışon doə şucoətış tərif karde
Rəyisi Yəməni milləti bo Ğəzzə xalği mudafiyə kardero nışon doə şucoətış tərif karde
Rəyisi Yəməni milləti bo Ğəzzə xalği mudafiyə kardero nışon doə şucoətış tərif karde
Rəyisi Yəməni milləti bo Ğəzzə xalği mudafiyə kardero nışon doə şucoətış tərif karde.İron İslom Respublikə prezdent bə Yəməni Ali Siyosi Şura sədr Mehdi Əl-Məşəti telefon zanqi cəvob doə holədə,Yolə Yəməni xalği bə məzlumə Fələstini milləti dastək doeyədə nışon doə şucoətış barz qəte və bə beynəlxalğə əmniyyəti muhafizə siyosətiş təkid karde.bə İRNA məlumoti əsos,İron İslom Respublikə prezdent Seyd İbreym Rəyisi bın telefonə qəponədə seonistə işğalqərə rejimi bə çandə da həzo məzlumə Fələstini mılki şəxson,jenon və hırdəənon ələyh cinoyət kardeyro qıləy genosid əncom doə rejimış zıne və ın rejim çı dınyo xalğon tərəfiku məhkum bıə.Rəyisi həmçinin çı Amerkə bə Yəməni xalği zidd hucumi hərəkətış məhkum karde və elonış karde ki,jıqo qıləy hərəkət çı Amerkə həyği,təcavuzkor və bə insoni həxon zidd mohiyyətış bə miyon noe.İron İslom Respublikə prezdent məzlumə Fələstin xalğiı dastək doeyədə dəvom kardedə və Əy bə İron İslom Respublikə prinsipiyalə mevğeyi təkidış karde.Yəməni Ali Siyosi Şura sədr “Mehdi Əl-Məşət” həm bın telefonə votemonədə voteşe:əmə zolımə seoonistə rejimi dimbədim omey və bə Ğəzzə məzlum milləti dastək doeyro ıştə mevğeyonədə sabitimon və umu kardedəmon ki,İslomi ummət hozzıə hodisəon və bə insoniyyəti zidd cinoyəton ruşin kardero ıştə imkononku istifodə bəkarde.
