Həşi məhzərədə-7

İslom de oxonə osmoniyə dini nomi de hikmət və mərıfəti pur bıə təlimonış bo bəşəri vardəşe. mərıfət qıləy nure ki,dırıst və səhihə royış bə nışonış doə və həmonə hidoyəti nəsime ki,əy bə bandəçəti iyən ilahi təğərrubi boği hidoyət kardedə.

Kərimə-Ğıroni təlimon Xıdo-Rəsul(s) iyən çəy pokə xanedan,qıləy komilə komplekse ki,deçəy icro kardey bə mərıfəti qılə sərçeşmə rəsey mumkine və ilahi nuri ruyədə ıştə ğəlbi çı qıno və mırdolətiyonku pok kardey və ıştəni şıştey bəbe.qıləy pok və nuroniyə ğəlb bənə qıləy munbit və çokə məhsul doə zəminiye ki,ilahi maarifon de surəti ğəbul kardedə və ıştədə perosniyedə və de insoniyyət  iyən mənəviyyati pur və komil bıə qıləy məxloği səmərə doydə.Muhəmməd-Mustəfo(s) həm insoniyyət və mənəviyyati  çı cohiliyyəti qəm və ğədəmon jiyədə komilə surətədə məhf bıə zəmonədə məbus be və deştə çokə əxloğ və rəftori  çı mərıfət və həyğəton bəonış bə təşnə bıə insonon dimiş oj kardə.ilahi maarif və həyğəton ki,Kərimə-Ğıron Xıdo-Rəsul(s) iyən çə həzrəti pokə Əhli-Beyt(ə)-i sıxanonədə omə,hiç qıləy co dini mətnon dılədə pəydu kardey nibəbe.İslomi İnğılobi Yolə Rəhbər həzrət Ayətullah Xameneyi bın barədə hamyedə:”Xıdovənde-Mutəali bəmə doə həmməysə yol,həmməysə nəfis iyən həmməysə təsrinin və qonə ğeymətinə əmonət,ilahi maarif və ilahi həyğətone”...

Mərıfət baxş kardə mənbəon miyono,Kərimə-Ğıroni qıləy ilahi və islomi nığılə mərıfət və elmi sərçeşmə və mənbəy  və bın zulol və pokə çeşmədə ğərğ bıə insoni ruf və con de nığılə fəziləton pur bəbe.həzrət Ayətullah Xameneyi çı Kərimə-Ğıroni bə insonon dıli bıə təsiri barədə jıqo hamyedə:”de Kərimə-Ğıroni unsiyyət bastey çəmə dılon de Ğıroni maarifi tiki həm vey oşno bəkarde..... Kərimə-Ğıron çı hikmət,elm iyən həyoti kitobe.umməton və milləton jimon və həyot de ilahi maarifon oşnoəti və de bəçəy maarifi hukmon əməl kardey tələb kardedə.... Kərimə-Ğıroni rol ıme ki,əməro çı maddi və mənəvi cəhəto bəpe bardedə”.

Həlbəttə,Kərimə-Ğıroni maarifi famey həm qıləy dərəconış heste.bə İslomi İnğılobi Yolə Rəhbər həzrət Ayətullah Xameneyi votey əsos:Kərimə-Ğıroni maarifon famey və dərk kardey əvvəl çə həmonə Kərimə-Ğıroni ıştən əlfaz və kəlməon iyən Ğıroni tərcuməonədə təfəkkur kardeyədə bə dast omeydə...yəni vaxti ki,əmə votedəmon Ğıroni maarifon,mənoş ım ni ki,qıləy sırr və rəmzış bıə mırəkkəbə mevzuye ki,hişkəs bəy rəse zınedəni.bəle,aliyə maarifon mevcude ki,çəmə timsolədə bıə odəmon dast bəy rəsey mumkin ni,əmmo veyə maarifon heste ki,həmonə əmə-məmuli iyən addiyə millət,de ın şərti ki,bə ın kəlom iyən bəyoni dığğətkəmon,əyə fame və sərəse bəzınemon və çəyku oko doey bəzınemon.Kərimə-Ğıroni həmonə ayəonədə ziyode... ziyodə rəvoyətonədə heste ki,hamyedə Kərimə-Ğıroni qıləy zohirış heste,qıləy sırronış heste, qıləy nığılətiş heste.qıləy dıyo mislədə ki,çəy zohir həm ove,əmmo fəğət dıyo zohir ni.çəy qıləy nığılətiş hə heste və həmonə nığlətiyədə həm qıləy həyğəton mevcude,qıləy çiyon heste.beşək ıme.əmmo,əmə çəy zohiriku həm istifodə kardey bəzınemon.de kom şərti? de dığğət və təfəkkur kardey şərti...