Şiiə yolə alimon-35

Şəhide-Əvvəl qıləy dini elmon məşhur və mislış nıbə alimisə əlovə,çı mısılmonə camiyə hidoyəti və şiyə əğayidi marzbonəti və nığo doey koyədə qıləy təsirəkə rolış hestebe.əv çı bidət iyən inhirofon mığobilədə tam jeydə nıbe və de tosə ıştə oxonə nəfəsi bo din iyən məzhəbi həddon muhafizə kardero səy və cəhdonış karde.min cumlə Şəhide-Əvvəli jimoni zəmonədə sıftədə çəy şoqirdonku qıləyni bıə,Muhəmməd Yaluşi nomo qıləy şəxs,bəştə həvaye-nəfsi əsir be,bə şəytoni ilğaon tabe be və peyğombərəti iddioş karde və qıləy nu iyən pesoxtə bıə dinış elonış karde.əv de ziyodə hiyləgərəti veyə mısılmonış çı diniku mınhərifış karde və Şəhide-Əvvəl çoko ki,vindeşe çı Yaluşi fitnə bəpe rost beydə və çı mısılmınon  ıştə roy qim kardey təhlukə mevcud

təşviğ iyən tələbış karde.nəhoyətən canq bino be və Yaluşi iyən çəy muridonku idastə kıştey be.çı fıtnə və inhirofi rəğ-rişəon hışk kardey be,əmmo çı Yaluşi fırğə odəmon çı de kin-kudurəti çı qıləy mınosibə fırsəti və intiğom sıey dumo bin.əvon de Şəhide-Əvvəliku yavə sıxan votey, behton ğandey və ıştə tərəfdoronku de kin-kudurəti hafto nəfərışon vodor karde ta əvon çı ğazi palu bışon və bə Şəhide-Əvvəli əğedə fosid və xərob bıey barədə şoydətikon və şəhodət bıdon. qırd ım şər-behtonon boyis be ki,Şəhide-Əvvəl I sor çı Dəməşği ğalədə zindoni və məhbus jimoni dəvordıno.əv hiçvaxti qırd ım behtononış ğəbul nıkarde,əmmo çı kin-kudurətinə deşımınon bo ın mıcohid və yolə alimi çı miyoniku bardero,ıştə səyonışon əvom doe……

Nəhoyətən,çın yolə alimi bədxahon və nıpiyə kəson deştə yavə sıxanon və de Şəhide-Əvvəli nızınə milləti hisson təhrik kardey,bəçəy ələyh şəhodətnoməon hozzı be və bə Dəməşği ğazi məhzər rosney be.itərəfo həm Şəhide-Əvvəl ki,isor zindonədə be, çəy tərəfdoron vey norohət bin və ziyodə etıroz kardedəbin,əve Dəməşği ğazi həm dılış hestebe çanədə rə bə ın ko xitom bıdo və bə oxo bırosno.əv ğəzovət və hakiməti məclisış bərpo karde və  Şəhide-Əvvəl hiç qıləy ım behtonon ğəbul nıkardə holədə əmmo ijən çın yolə şiyə alimi edomi hukmış sadir karde. demiyən ım mislış nıbə yolə alim və şiyə koon bəştə ehdə peqətə Muhəmməd bin Məkki Hicri—Ğəməri  786-ə sori Cəmadiyul-Əvvəli daminə ruji 52 sinnədə Dəməşği ğalədə de şımşi zərbə kıştey be.Əmmo,çəy bədxahon bımi həm iktifo nıkardeşone və çəy pokə bədəmışon çı edomi bəpeştə sənqsar kardeşone,bəçəy bədəmi otəş jeşone və çəy bədəmi sutə xokəşon həm bə vo doşone.ım ğeyri-insoni hərəkət və əməlon de ə fərdon vositə əncom doey be ki,əvon ıştəni mısılmon hisob kardedəbin və de ziyodə iftiro iyən behtoni ə zəmonə jıqo yolə alimi peyğombər(s)-I diniku xaric bıə kəs hisob kardedəbin. ….

Şəhide-Əvvəl şiyə iminə şiyə alim niki,bə şəhodət məğami rəsə və bəy Şəhide-Əvvəl nomi noey və de ın nomi məçhur bıey səbəb həm de ım ko əloğədore ki,ə yolə şəxsiyyət iminə dərəcədə bıə alimon cərqədə be və de tosə ə zəmonə torıxədə mışohidə bıə nıbe ki,qıləy yolə alimi de jıqo facivəi surətədə bə şəhodət məğami bırosnon.Şəhide-Əvvəliku çoqlə fərzənd mande ki, əvon həmmə yolə alim və salehə şəxson bin və ıştə pı roşon dəvom doe.çəy seqılə zoə məşhurə ıştə zəmonə həmməysə məşhurə hədisşınoson və fəğihonku bin və çın yolə alimi jimoni həmro iyən yeqnə kinəş həm pərhizkor iyən alimonku bin ki,çəvon kə və mənzil çı mısılmonə jenon boştə dini əğayid iyən hukmon zıneyro rucu iyən ovard kardə vırə be.harçənd kin-kudurətinə deşmınon  Məhəmməd ibn Məkkişon de qıləy yavə vəzyəti bə şəhodət rosneşone,əmmo Xıdovəndi bəyış qıləy izzət və hurmətış baxş karde.ə yolə alimi şoqirdonış tərbiyə kardeşe iyən perosneşe və əvon həm çı şiyə alimon pokə şəcərəş səmərənin kardşone və çın yolə alimi erjin və ğeymətinə kitobon de tobə ımrujnə ruji çı dini alimon ğəbul iyən istifodə kardə kitobonin.Xıdovənde-Aləm əy de əzizə peyğombər(s) iyən əhli-beyt(ə)-I məhşurko…..

Şiyə yolə alimon ku qıləyni həm arif,Ğıroni mıfəssır,hədis şınos,iyən məşhurə fəğih seyd Heydər Amuliye ki,Hicri-Ğəməri həştminə əsrədə jiyə.əv iminə fəğih iyən mutəkəllime ki,çı təşəyyu iyən təsəvvufi miyono qıləy nığılə rabitəş icod karde.ım yol və məşhurə alim iyən arif deştə bə şiyə məzhəbi irfani baxşədə bıə qırd zu və təsiron,ijən çı umum millət və hətto çı alimon miyono jəqo həm məşhur bıə nəbe.əmmo,qıləy fransəvıjə mıslmonə filosof Henri Korbin iyən Osman Yəhya ki,əvon har dıqləyni Fransa Sorbon universteti ostadonku bin,dəvardə çandə da soronədə çın yolə alimi çandə qılə əsər və təlif kardə kitobonışon çapo bekarde.çəy bədiqə dınyo universtet iyən elmiyyə mərkəzon de seyd Heydəri əndişə və şəxsiyyəti oşno bin…..