Həşi məhzərədə-33

İslomi İnğılobi Yolə Rərhər həzrət ayətullah Xameneyi jıqo hisob kardedə ki,Əmirəlmuminin(ə)-i həyoti həmməysə tel iyən muşkilə rujon,Xıdo-Rəsul(s)-i rehləti bədiqə bə vucud ome.ə həzrət bın barədə hamyedə:”bəçımı nəzə əsos Əmirəlmuminin(ə)-i jimoni həmməysə saxtə devron peyğombəri(s) rehləti bədiqə bino be....ərujon ki,bəzi vaxton fitnə baxşon vindeomonon ufuğış jıqo dəqətəbe ki,dırıst və səhihə ğədəm şodey piyə kəson,qıləy qəm və ğədəm şodey zıneydənıbin.jıqo qıləy şərayitədə Əmirəlmuminin(ə) həmməysə yolə imtovononku de səbazrəti dəvarde.əvvəla peyğombəri(s) rehləti bəpeştə Əmirəlmuminin(ə) deştə əsosə vəzifə yəni peyğombər(s)-i dəfn iyən kəfəni koy məşğul beydəbe.ə həzrət həni xəbəş nıbeki,qıləy iştimo(Səğifədə) cəm bıən ya mumkine islomi dınyo ğudrət və hukuməti tale, həmonə iştimo təyin bəkarde.bo Əmirəlmuminin(ə)-i ım qıləy məsələ və muşkil nıbe.məsələ ımbe ki,əv ıştə həxədə fik kardedə nıbe və ıştə fiki kardedənıbe.

Yolə Rəhbər ıştə sıxanon dəvomədə bə İmom Əli(ə)-i çı seqlə xəlifəon hukuməti devronədə bıə zəmoni işorə kardedə.iminə xəlifə vıjney qıləy kırtə mıddəti bədiqə ərəbi ğəbiləon bəzi qıləyni islomi diniku beşin və çı peyğombər iyən bə mısılmınon rəhbəri nıbey xoto,de mıxtəlifə bəhonəon vardey,canq iyən mıhoribəonışon bə əməl varde.ım cərəyon riddə cərəyon de mısılmınonku ihissə murtəd bıey  nomi məçhure və ım canqon de riddə canqon nomi bino be.

Həzrət ayətulla Xameneyi bın devronədə çı İmom Əli(ə)-i roli həxədə jıqo izoh doydə:”vəzyət jıləvoni be, Əmirəlmuminin(ə) vindeşe ne,həni iyo bə kəno nıştey vırə ni,bəpe bə meydon varid bıbu və ome hukumətış mıdofiyəş karde.bın barədə hamyedə:”fə əmsəktu yədi”-xilofəti məsələ bəvə omey iyən əbu bəkr çı mısılmınon iminə xəlifə be,mı dastım kəşe və bə kəno mandim.ım holət bə kəno mandey.... ”hətta raəytu raciətunnas ğəd rəcəət yuridu məhvəl islam”.vindeme ki,i hissə millət islomiku oqardedən,piyedəşone islomi çı miyoniku bıbon.iyo həni bə meydon varid bim”.

İslomi İnğılobi Rəhbər çı Əmirəlmuminin(ə)-i muhimmə roli həxədə jıqo hamyedə:”Əmirəlmuminin(ə) fəolə surətədə bə meydoni daxil be.həmmə iştimoyi muhimmə fəzoonədə  Əmirəlmuminin(ə) mevcud be.ə həzrət ıştən  çı seqlə xəlifə 25 sornə xilofəti zəmonədə bıə ıştə huzur və iştiroki bə vəzərotxonə təbir kardedə.çoko ki,millət osmani ğətli bədiqə çı Əmirəlmuminin(ə)-i palu omin ta ə həzrəti xəlifə bıvıjnon.ə həzrət hamyedə:”mı vəzir bıbum vey çoke ki,əmir bıbum.çoko ki,dəvardə sorondə bim.bəhaştənən bıdə vəzir bıbum”.yəni ıştə vistı penc sornə məğam iyən mevıyyəti  vəzəroti məğamədə zıneydə.yəni koonədə dayima çı hədəfon xıdmətədə və koon sədə bıə bə məsul şəxs iyən xəlifəon komək kardə qıləy mevğıyyətədə be”.....

Əmmo,fitnə və fitnə koon nımande və rujbəruj inkişofış karde.Xıdo-Rəsul(s)-i rehləti bəpeştə bıə devroniku de tosə seminə xəlifə osmani maqi vaxti,fitnəkoron qıləy fırsətışon pəydu karde ki,botıli çı həxı libosədə nışon bıdon və Ğıroni ayəon ıştə mənfəəton cəhətədə əy təvil iyən təhrifkon.Botılə ayəon de  mırəkkəbəti və odəmi bə dast dənoə zohiri nışon doydən ki,qahi zəmon əy mıəyyən kardey hətto bo camiyə alim iyən xısusi odəmon həm vey saxt iyən çətine.

Ayətullah Xameneyi har qıləy inğılobi saxtə devroni bə zəmon zıneydə ki,həx de botıli umuj bıqıno və əvoni co kardey həm muşkil bıbu.jıqo qıləy şərayitədə mıxtəlifə fitnəon bə vucud ome.ə həzrət çı fitnə muhiti de ğubori pur bıə qıləy muhit vəsf və tevsif kardedə ki,qahi zəmon inson həmonə de ğubori pur bıə fəzoədə ki,de inhirof iyən aristokratəti rujbəruj fəzo inkişof kardedəbe,ihissə odəmon bəştə omin və bə hidoyəti əsosə roy səmt yəni bə həzrəti Əli(ə)-i ovard və rucuşon karde.