HƏŞİ MƏHZƏRƏDƏ-45

Həzrət ayətullah Xameneyi dəvomədə İmom Səccadi(ə) bə İmom Əli(ə) ibodətədə şəbohəti barədə bə İmom Sadıği(ə) omə rəsə coqlə rəvoyəti rucu və ovard kardedə.İmom Sadığiku(ə) rəsə coqlə hədisi hejo çı ayətullah Xameneyi ıştən zıvoniku handedəmon(qıləy ruj) çımı pı İmom Bağır(ə) ıştə pı İmom Səccadi(ə) palu şe və bə buzurquvari otaği daxil beydə.nəzəş karde vindeşe ki,çəy pı çı ibodətiku qıləy holış pəydu kardə ki,hiçkəs bə ın holi rəsəni.əv ıştən jıqo şərh doydə:”çəy ranq bə ənəhıtəti xoto zard bıəbe.çəy çəşon çı bəmeyku ğəmqin be.çəy poon və lınqon pandoməbe.və… İmom Bağıri(ə) ımonış ıştə buzurquvarə pı sıfətədə mışohidəş karde və çəy dıl sute.votedə ki,çoko ki,bəştə pı otaği daxil bim və əvım bın holədəm vinde və həni ıştənım oqətım nızıne.binom karde de şiddətibəme.

İmom Səccad(ə) təfəkkur iyən fik kardə holədə be.de fərosəti sərəse ki,çəy zoə İmom Bağır(ə) boçi bəmeydə.piyeşe bəy qıləy əməli dərs bıdo bəy.ıştə səş rostış karde və voteşe ki,çımı azizə zoə,çəmə koğəzon miyono bıqard və ə dəftər ki,çı Əli ibn Əbi Tolıbi(ə) ibodəti şərh doydə,biyə.zohirən İmom Əliiyyibni Əbi-Tolıbi(ə) devroniku nıvıştəyon iyən kitobon  çəy ğəzovət və mıhokimə babonədə çə həzrəti jimoni babədə,çə həzrəti hədison babədə,çı imomon(ə) ixtiyorədə be.İmom Bağır(ə) hamyedə:şim vardeme və bəştə pım doe.çımı pı I mığdor bə ın nıvıştəyon nəzəş karde və de məlomət iyən mızəmməti holi bəsə zəminisə noşe və hamyeşe ki,kom kəs bənə Əliyyibni Əbi Tolıbi(ə) ibodət kardey bəzıne?İmom Səccad(ə) ki,anədə ibodət kardedə ki,İmom Bağıri(ə) dıl boəy sutedə.bın zəmon votedə:”kom kəs bənə Əli(ə) ibodət kardey bəzıne? Yəni çəy de Əli(ə) miyono qıləy dırozə fosilə və məsofə heste”. ..