Həşi məhzərədə

Həzrət ayətullah Xamenyi çı Xıdo-Rəsuli(s) pokə nəsliku bıə nəvminə imom,İmom Cəvodi(ə) həxədə hamyedə:”İmom Cəvod(ə) iminə kəse ki,əyoni surətədə ozodə mıbohisəş təsis karde. Məmun Əbbosi məhzərədə de alimon və elmi iddoədə bıə kəson,həmməysə dəğiğə məsələon barədə sıxan votedəbe,istidlol vardedəbe və ıştə sıxani həxəti isbot kardedəbe.ozodə bəhs və mıbohisə çı İslomi boəmə noə irsonkuye.çəmə Hidoyətəkə İmomon (ə) zəmonədə rəvocış pəydu kardəbe və İmom Cəvadi(ə) zəmonədə de həmonə buzurquvarə imomi vositə nəzifə şikilədə bə vırə rosney be”.

Torxı zərrinə vərəğədə peyğombəri(s) pokə Əhli-Beyti(ə) təlim doə çokə rəftor və hərəkəton vey bəçəş çiyedə.İmom Cəvadi(ə) elmi mınozirəon barədə ki,təğribən çə həzrəti həşt sinniku və çəy buzurquvarə pı İmom Rıza(ə)-işəhodəti bəpeştə bə imomət məğami rəse,vey məsənin iyən reçinə rəvoyəton dastədəy.

İmom Cəvodi(ə) devrədə ki,İslomi ya ğeyri-islomi mıxtəlifə fırğəon perəsəbin və bın devronədə yolə alimon jimon kardedəbin və əvon bəsə co millətonsə veyə elmonədə bənav şıəbin və ziyodə kitobon bə ərəbi zıvoni tərcumə və çap bıəbe və çı milləti dastrəsədə ğərolış qətəbe,deştə kamə sinni bə elmi bəhson daxil be.ım buzurquvarə imom de İlahi ilhomat və sərmoyə  bənə ıştə əjdodon elmi mınozirə və debatonədə bə qırd alimon və mutəfəkkiron sıvolon və şubhəon cəvob doydəbe.Məmun və çəy bədiqə Mutəsim Əbbosi hiçvaxti ın hidoyəti məşəl və elm iyən fəziləti sərçeşmə hamuşkon və okuşton.......

Torıxədə omə ki,Əbbosi xəlifə Məmun ki,çı Xıdo-Rəsuli(s) nəvəon milləti miyono bıə hevujə fəzilət və mənəvi inkişofiku qıləy tars və vohiməş hestebe.əv hejo səy kardedəbe ki,İbnur-Rıza de elmi və məzhəbi bəhson iclosi təşkil doey,çı təzyiği jiyədə ğərol bıdo.əv çə zəmonə elmi iyən dini yolə alimon cəm kardedəbe ta ım nuroniyə nevcıvoni məğlubko.ım məğlubiyyət bo İmomi(ə) rəhbərəti iyən imomət məğami və çə həzrəti yolyəti darıştey ıştə məğami sibot kardero be.

Məmun bo bə ın hədəfi dast pəydu kardero,bə zəmonə yolə alimonku qıləyni və  hafto sinnədə bıə bənə Yəhya ibn Əksəmi bıə alimi çı kamə sinnış bıə İmom Cəvodi(ə) mığobilıədə ğərol doydəbe ta ə həzrəti elmi şəxsiyyəti darışto.əmmo,həzrəte Cəvad(ə) bənə Əvəsori tojə zizə kardə nevcıvoni çın piyəmerdi cəvobi de rohətə formə doydəbe və ədəb iyən ehtıromi kəmolə formə bəyon kardedəbe və dayima ıştə elmi bəhs və mınozirə meydononku səbarz və ğalib xaric beydəbe.

İmom Cəvodi(ə) elmi mınozirə və bəhsonədə bıə səbarzəti vey hevujə şikilədə be.çun,ə həzrət qıləy sinnış kam bıə hırdən be və Yəhya ibn Əksəm qıləy hafto sinnədə bıə piyəmerd be,əve millət çı elmi bəhson oxo və nəticə vey təğib kardedəbin.