Həşi məhzərədə

Har qıləy xəzoni dumo bəhar və əvəsor omeydə.çoko ki,təbyət havz iyən xorrəmə əvəsori təcrubə kardedə,çı insoni jimoni əvəsor həm bəşəriyyəti nicotədə zuhuri devrone.həzrəte Məhdi(əc) zuhuri bəpeştə beşək,çı insoni torıxi fəsli həmməysə barz və erjinə qıləyniye.bın zəmonədə   ki,İlahi və`də bə həyğətə bərəse və hukumət çı salehə şəxson ixtiyorədə ğərol bəqəte və zəmini əhl ədoləti şinə təmi bəçaşte.bın zəmonədə dınyo de İlahi ğudrəti çı tohid iyən ədoləti oxonə pərçəmdor,çı aləmon pərvərdıqori ibodəti cilvəon həmməysə əzəmətinə səhnə bə nımoyiş bənoe.çı insonon ağlon komil bəbe və əxloği prinsipon vey barzə həddədə cilvə pəydu bəkarde.

Bə İslomi İnğılobi Yolə Rəhbər həzrət ayətullah Xameneyi votey əsos,həmmə İbreymi dinon bə munci iyən xiloskori zuhuri etığodışon bıə.əmmo,fəğət İslomi dinədə çəy nom və çə həzrəti təvəlludi zəmon məlum və oşkoye.çəy nom Məhdiye.Xıdo-Rəsuli(s) pokə xanedaniku və çı İmom Həsən Əskəri(ə) fərzənde.

İnğlobi Yolə Rəhbər hamyedə:əmə anədə zıneydəmon ki,İmom Zəmoni(əc) mığəddəsə vucud İlahi və`də nımunəy.əmə əxtə zıneydəmon ki,İlahi vəhy iyən risoləti xıyzoni uzvon  Xıdovəndi zəmini dimisə bıə səbarzə ələm və pərçəmin....Xıdo huccət çı milləti miyono bəyji və mevcude. de milləti jimon kardedə.milləti vindedə.deəvone.çəvon dardon və çəvon .....hiss kardedə. insonon həm əvon ki,hərəbaxtin.zərfiyyətışon heste və bəzi vıronədə noməlumə surətədə əy ziyorət bəkardeyn.əv mevcude.qıləy həyğiyə inson,məlum,de məlumə nomi,de məlumə pı-mo  və çı milləti miyone və deəvon jimon kardedə.ım xısusiyyət çəmə şiəyon əğedəy....

De Munci və xiloskori zuhuri bədiqə bıə devroni iyən çə devroni behəddə reçinətiyonku i hissə məsey,inson bə iştiyoğ omeydə və deştə zumzumə kardedə ki,aya əv həm həmonə ım mecuzəvi devroni bəvinde?.

Ehanə zuhuri zəmonımon zıney piyemone,bəvindemon ki,islomi rəvoyətonədə çı zuhuri nışonəon fəğət  zikr bıə.həmməysə muhimmə nışonə dınyoədə zımi həddiku ziyodə şikilədə pevolo bıeye və bə zəmon məzlumon çı zolımon mığobilədə hiç qıləy mıdofiyəkə və koməkəkəşon ni. Isət çın sıvoliku bəhs beydə aya ısət ki,zolımon və sıtəmkoron de rohətə formə dınyo mıxtəlifə noxtəonədə cabq iyən xunrizi bə ro dəğando və beynəlxalğ onemonon həm əvoni himoyə kardedən,çı bəşəriyyəti munci və nicotədə zuhuri zəmon omə rəsəYğasbu zuhur nezebu. əmmo hiç kəs ğərəz aləmon pərvərdıqori çın nicotbaxş kardə zəmoni hodisəku xəbəş ni.fəğət intizor kəşə kəson bo bə ın Munci və nicotədə fərəci rəseyro  cəhd kardedən.həmonə munci ki, məzluməon və qırd insonon dılon şo və xoşhol bəkarde.İslomi rəvoyətonədə Fərəci intizor, həmməyusə çokə ibodətonku elon kardey bıə.

İslomi İnğlobi Yolə Rəhbər çı Fərəci intizor və həyğiyə muntəziron həxədə jıqo hamyedə:həzrəte Məhdi(əc) zuhuri intizoriku təbir bıə de fərəci intizori nomi.Fərəc yəni çiçe? yəni ojbemon.kom vaxt inson fərəci intizori bıkəşo?intizori hevujətiş heste?qıləy zəmon ki,bastemon heste,qıləy vaxt ki,anqıl heste,qıləy zəmon ki,qıləy muşkil mevcude....inson ehtiyoc pəydu kardedə bə Fərəci. Fərəc yəni anqıli ojbemon.bastə bıə anqılon ojbemon.ım nuktə muhimme.

Fərəci intizori məno...ıme ki,bə İslomi dini imon vardə kəs,bə Əhli-Beyti(ə) məzhəbi imonış bıə kəs həyğiyə dınyoədə mevcud bıə qıləy vəzyəti bəşəri jimoni anqıli məlum kardedə.əsl ğəziyyə ıme.çəş kardedə ki,çı bəşəri ko bastemon çı insoniyyəti umumi giriftoron ojbemoni pəydu kardedə.məsələ  çımı deşmə şəxsiyə koon anqıli ojbemoni məsələ ni.İmom Zəmon(əc) bo həmmə bəşəriyyəti vucudədə fərəci bə vucud vardero zuhur kardedə ki, insoni çı bastemoniku xilos kardedə.bəşəriyyəti camiyə xilos bəkarde.bəlkəm çı bəşəri ayəndə və vəomə torıxi xilos bəkarde.fərəci intizor yəni ğəbul nıkarde və həmonə vəzyəti ğəbul nıkardeye ki,bə insonon cəholət və nodonəti xoto,bə bəşəri ğərəzon təsiri xoto insoniyyəti jimonədə hakim bıə.əm məno Fərəci intizore.