Şiiə yolə alimon-85

Muhəmməd Təği ıştə alimə pı palu elm iyən dini mığəddimə dərson omutey bəpeştə,çı isfəhoni dıjdə ustodon məhzərədə çəvon elmiku çok-çoki okoş doe və deştə pı rahnuma və roy nışon doey,bə zəmon Nəcəfı-Əşrəfi elmiyyə hovzəku bə İsfəhon mıhocirət kardə dıjdə alimonku qıləyni bıə  Əllomə Mevla Əbdullah Şuştəri palu bardeşe.Muhəmməd Təği çandə soron çın yolə ustodi palu dərsış omute və de fiğh,hədis,usuli-fiğh,kəlom iyən təfsiri elmi omutey məşğul be.çın yolə ustodi bəfoti bəpeştə de şiyə coqləyni yolə alim,arif və fəğih bıə şeyx Bəhayi oşno be və çın yolə alimi palu irfoni seyrış bino karde.Məclisi çı sıftəku bə irfoni elmi qıləy məxsusə rəğbətış hestebe və  de hovzədə rayic bıə elmi omutey ıştə bə həyğəton dast pəydu kardero demi bərtərəf kardedəbe.əv de şeyx Bəhayi  oşno bıey bədiqə ıştə qim kardə çiş pəydu karde. həmçinin şeyx Məclisi bənə Mirfendereski,Ğazi Əbus –Suru,Əmir İshoğ Əstərabadi,şeyx Əbdullah ibn Cabir Amili,Molla Ğasim Amili və sayirə alimon dərsi məclisonədə iştirokış karde və çın yolə alimon elmonku istifodəş karde….

Muhəmməd Təği Məclisi Hicri-Ğəməri 1034-ə sori qıləy zəmon ki,sivi I sinnış hestebe və intizor hestebe ki,əv hejo çı İsfəhoni elmiyyə hovzəonədə de tədrisi koy məşğul bıbu,əmmo əv bə Nəcəfı-Əşrəfi şəhri hicrətış karde.əv bə ğərol ome ki,ıştə nəfsoni tərbiyə irfoni səfə iyən bə kəmoli dərəcəon rəseyro.Nəcəfı-Əşrəfədə sakin be və çı Əmirəl-Muminin(ə) hərəmi civar və kəno de elmi təhsili koy məşğul be.Məclisi ıştən çın devroni barədə votedə:Mığəddəsə Rovzə ətrofədə -Məhdi(əc) məğamədə- de nəfsi mıcohidəti koy məşğul bim və Xıdovənd deçəmə mevla bərəkəti  ki,Xıdo səlomon bəy bıbu-mukoşifə babədə ki,zəyifə ağlon bəy təhəmmul kardey iyən tov vardey zıneydənin,bəçımı dimi oj be.əmmo bın irfoni seyro-suluk devronədə həm əv çı fiğh iyən hədisi elmi omuteyku ğafil nımande.boçi ki,jıqo etığodış hestebe sufi seyro-suluki məsləki Əhli-Byeti(ə) hidoyət və məhəbbətış nıbu və çı dini hukmon çərçivəku xaricədə bıbu,insoni bə Xıdovəndi nibərosne və çı sıratəl mustəğimiku inhirofədə bəbeyn…

Əllomə Məclisi ziyodə kitobonış ıştəku bə yodiqor haştəşe.hədis iyən rəvoyət çəy təlif kardə mevzuon həmməysə muhimmə qıləynin.İminə Məclisi muhimmə kitobonku qıləyni “Rovzətul Muttəğin” iyən “Ləvamihu Sahibğərani” kitobone ki,bo şeyx Səduği nıvıştə  “Mən la yəhzuruh fəğih” şərhi nomo nıvıştəşe.”Mən la yəhzuruh fəğih” çı Şiyə çoqlə metəbərə kitobonku qıləyniye və qıləy əsliyə rəvoyi kitobe ki,ıştə tərtib kardə və nıvıştə bıə zəmoniku çı Şiyə alimon dığğəti mərkəzədə ğərolış qətə.joqo ki,bəy həjdə qıləsə veyə şərh və tə`liğə bəy nıvıştə bıə.çı Molla Muhəmməd Təği Məclisi “Rovzətul Muttəğin” kitob bo ın kitobi nıvıştə bıə həmməysə çokə şərhonku qıləyniye və çandə kərə bə çap rəsə…..

Yolə fəğih bıə Əllomə Muhəmməd Təği Məclisi İsfəhoni şəhri elmiyyə-hovzəon ali və barzə ustod və  mudərrisonku bıə ki,haruj ziyodə şoqirdon çəy məhzərədə zonu şat kardedəbin və bənə Molla Muhəmməd Bağır Məclisi,seyd Nemətullah Cəzayiri və Molla Muhəmməd Saleh Mazandarani bıə dıjdə alimon çəy şoqirdonku bə hisob omeydə.demiyən Əllomə Məclisi be ki, deştə millət iyən camiyə irtibotış hestebe və deçəvon irşod,hidoyət iyən əmr be məruf iyən nəhy əz munkəri koy məşğul be.çəy çı Ətiği Came məçiti kəno bıə mənzil,milləti şıə-omə vırə be və ın yolə alim əyo çı milləti dınyo iyən axırəti məsələ və muşkiloton həll kardedəbe.Əv bənə isfəhoni şəhri cımə imomi de camaati moyizəvə irşodi koy məşğul beydəbe.çəy nışvıştə ”Hədiğətul-Muttəğin” elmiyyə risolə ki,bo milləti istifodə kardey xoto və de forsi zıvoni təlif kardey bıə ki, ziyodə alimon dığğətış bəştə cəlb kardə və şəri hukmonədə çı milləti muşkilon həll kardedəbe…