Həşi məhzərədə

İron İslom İnğılobi Yolə Rəhbər həzrət ayətullah Xameneyi çı əxloği həxədə qıləy reçinə təbirış heste və hamyedə:”əxloğ həmonə lətife ki,bəşəri camiyədə əgər mevcud bıbu,insonon kardey bəzıneyn deçəy tənəffusi qıləy solimə jimonışon bıbu”.

Çokə əxloğ bənə qıləy zumandə maqniti dılon bəştə cəzb kardedə.qıləy əxloğinə fərd bə həmmə zevğon xoş omeydə və əvon deəy muaşirətədə və həmsehbətədə oroməti nəsimi hiss kardedən. İslomi hərəbaxtəti baxş kardə təlimon çoxə əxloği çı qıləy mısılmoni həmməysə çokə xıslət hisob kardedə.çoko ki,Məcidə-Ğıron həzrəte Muhəmməde-Mustəfo(s) bəçəy əm xısləti xoto mədh və tarif kardedə və hamyedə:”innəkə...(ıştı qıləy barz və dıjdə əxloğı heste).dini rəhbəron jimon çısə bəsə həmonə məsələ bəyon kardedə ki,əvoni həmmə bə əxloği fəzilətin səmt dəvət kardedə və ə həzrət bın royədə qıləy bəyjiyə usvə və ulqu be.

İlahi vığandə oxonə İslomi əziz-qramiyə peyğombər Xıdo-Rəsul(s) həm bə ın dəlili xoto məbus be.ə buzurquvarə şəxs ıştə besəti hədəfi əxloği xısləton komil kardey bəyon kardedə və hamyedə: ”həyğıətən,mı fəğət məbus bıəm ta  əxloği pəsəndidə xısləton komilkom”.demiyən çok-çoki dərəseydəmon ki,əxloği de islomi qırd təlimon umuj qıniyə və əxloğ mədori çı osmoniyə dini fərmonon həmməysə aliyə qıləyniye....

İron İslom İnğılobi Yolə Rəhbər həzrət ayətullah Xameneyi jıqo hisob kardedə ki,əxloğ çı helm iyən səbr kardey ,səbr iyən mığoviməti,sıdğ iyən səfo,şucoət iyən fədokorəti,təhorəti iyən pokdovnəti mənoədəy.qırd ım sıfəton ki,Xıdo pəsənd kardedə və çı insononku tələb kardedə ta ıştəni de ın sıfəton mızəyynkon və deəy dəroston.həzrət ayətullah Xameneyi hamyedə:”əxloğ,çı dini rufe.insoni əxloğ bo har qıləy insoni çəy dindorəti rufe.əxloği xısləton yəni həmonə xısləton. yəni inson bəpe səbrin bıbu.mətin bıbu.de insofi bıbu.xoşə zot bıbu.bə milləti nisbətədə xeyrxah bıbu.xıdmətko.ko əhl bıbu.təşəbbusin bıbu.navəjən və rəhbər bıbu.kıvoləti iyən tanbələti nıko. ımon həmmə İslomi əxloğiyyatonkuye”...

Iştəni de barzə əxloği dərostey və bəçəy barzə dərəcə rəsey de rohti bə dast omeydəni.İlahi həmmə ənbiya və peyğombəron bə ın dəlili xoto məbus bin ta bə insoni bə barzə kəmolaton rəseyro roy omuto və əy heyvoni jimoniku bə mutəali iyən barzə həyoti səmt sevğ bıdo.İron İslom İnğılobi Yolə Rəhbər həzrət ayətullah Xameneyi  təkid kardedə ki,bə əxloği kəmolaton dast pəydu kardey bə ikkərə və rohətə formədə bə dast omeydəni.bəlkəm bəpe nəfsi sape  ziyodə mıroğibə bıbu və çəy tələbon vəy qətey lozıme.ə həzrət insonədə rufi təzkiyə və təmiz kardey bo əxloği fəziləton kəsb kardero qıləy mığəddimə və vəsə hisob kardedə.İnğılobi Yolə Rəhbər bə Ali-İmrani mıborəkə surə 164-ə şərifə ayə əsos jıqo nəticə seydə ki,Peyğombəre-Əkrəm(s) deştə dəvəti bə Xıdovəndi səmt və bə İslomi nuroniyə təlimon bəyoni tərəf,bo əxloği iyən rəhmoni təlimon ğəbul kardey xoto,dılon hozzı kardeye.Ali-İmrani mıborəkə surə 164-ə şərifə ayədə çı İslomi peyğombəri vəzifəon həxədə jıqo omə:”yuzəkkihim (əvoni pokko və bəvon kitob iyən hikməti omuto).Yolə Rəhbər çın ayə izohədə hamyedə:((bın ayədə)təzkiyə ki,həmonə əxloği ruşd və ozaviziyeye.çı təlimiku bənav omə.ım həmonə əxloği tərbiyəy.ımruj çəmə bə ın əxloği  tərbiyə jıqo qıləy ehtiyocimon heste.həm əmə İroni millət islomi camiyə bın coğrafi məhdudədə və həmən islomi dınyo,İslomi dıjdə ummət.mısılmonə camiyə”...

Həzrət ayətullah Xameneyi jıqo etığodış heste ki,İslomi ummət çoko ki,dinış çı hukumətiku və əxloğış çı idorətəçiku coş karde, bə qıləy benizoməti iyən beintizoməti dıço bin.....