Həşi məhzərədə

İroni İslomi İnğılobi Yolə Rəhbər çı milləti qırd dastəonku tələb kardedə ki,ıştə nəfsi sape ko kardey koyədə ğoymə qəm və ğədəmon şodon.ə həzrət jıqo hisob kardedə ki,əmə həmonə xomə maddəmon ki,ehanə ıştə sape ko bıkəmon və ım xomə maddə bə qıləy barzə şikilon təbdil kardeyımon zıne,bəvədə ıştə jimonədə lozım bıə koonımon bə vırə rosnə.çun çı mənəviyyati zizə kardə cıvonəti fəsl çı odəmi ğəlbədə ,əve inğılobi Yolə Rəhbər cıvonon bə bın sinnədə ıştə nəfsi sape ko kardey əhəmiyyəti təşviğ kardedə və bə cıvonon hamyedə:”cıvonon ıştə nəfsi sape ko bıkon-həm elmi, həm əxloği,həm mənəvi və həm dini fəoliyyəton və həmən ıştə cismi sape koykon və ıştə ruhiyyə və umu bo ın kişvəri mıdofiyəro,hifzkon ki,ım qıləy vey dıjdə sərmoyəy”.

Məsul şəxson və devləti mınosibə posti soybon əxloğmədorəti qıləy ziyodə əhəmiyyətış heste.boçi ki,çəvon feel və rəftoron çok-çoki çı milləti tərəfiku rəsəd beydə və bəvon qıləy nəzorət heste və inev çəvonku ulqu peqəteydən.təbiiye çoko ki,məsul şəxson barzə səviyyədə çı təğvo iyən əxloğiyyəti soyb bıbon,bəvədə qıləy vey çokə iştimo soxtey bəzıney

Əxloğmədoroəti çı devləti iyən kişvəri mənsəbonədə və məsul şəxson sahədə qıləy yolə əhəmiyyət kəsb kardedə.həzrət ayətullah Xameneyi bə məsul şəxson bıə tevsiyə iyən sıfarışon məsənine.ə həzrət bə milləti nımoyəndəon hamyedə:”şımə (məclisi nımoyəndəon) şımə dığğət kardə ğanunonədə bə İslomi əxloği rioyət kardeyon piyedə,vey çoke ki,əməli və praktiki surətədə həm əxloği iyən mərifəti məclisonışon həm bıbu,inson holi bəbe.

Bəle,ıştə sape koy kardə insoni əxloği təlimonku bə diyəro mandey,çəy rufi tanqnədə ğərol doydə.çı insoni qınoon çəy rufi çehrə və sima xərob və bevəc kardedə və inev bəvədə qıləy daxili noxəşəti bə vucud vardedə.şəhvətbozəti bə insoni ıştə pərvərdıqoriku bə diyəro mandey xoto insonədə bə əməl omeydə və bənə aludə kardə virusi bəçəy con və rufi eqıneydə.ısət bə hərəbaxtəti royədə bıə barzə təlimon səmt oqardo.

Həzrət ayətullah Xameneyi çı peyğombəre-əkrəmi(s) əxloği həxədə jıqo hamyedə:”ə həzrəti de milləti bıə rəftor qıləy xoşə rəftor be.milləti cəmədə dayima bəşşoş və sırə dim be.coyli mandeyədə çəy qırd dardı-ğəmon zohir beydəbe.ə həzrət ıştə dardı-ğəmon çı milləti palu oşko kardedə nıbe.bə həmmə kəson səlom doydəbe.ehanə ikəs ki,bəy əziyyət kardeydəbe,çəy çehrədə həmonə əzob-əziyyıət məlum beydəbe.əmmo ıştə şikoyəti zıvoni oj kardedə nıbe.icozə doydə nıbe çəy huzurədə bə ikəsi dojmon doey bıbu.ə həzrət həm ıştən bə hiçkəsi dojmon doydə nıbe və bə ikəsi ələyh yavə sıxan kardedə nıbe.bə hırdənon lutf və məhəbbət nışon doydəbe.deştə zıvoni bəvon mehribonəti nışon doydəbe.de zəyifə odəmon deştə xoşrftorəti komilə dərəcə rəftor kardedəbe”....

Həzrət ayətullah Xameneyi çı Aşurə vağiyə barədə bə çandə qılə erjinə nuktəon işorə kardedə. çun bın vağeyədə yolə şəxsiyyət və Xıdo-Rəsuli(s) nəvə Huseyn ibn Əli(ə)  dəvəşeydə.yolə rəhbər çın yolə şəxsiyyəti barədə jıqo hamyedə:”İmom Huseyni(ə) rəftorədə sıftədə ki,çı Mədinəku hərəkətış karde xaric be,ta bənə maşkinə ruji ki,Kərbəloədə bə şəhodəti məğami rəse, həmonə mənəviyyot.izzət iyən səbarzəti və eyni holədə ubudiyyət və və Xxıdovəndi mığobilədə mıtləğə təslim məhsus və hiss beydə.qırd mərhələonədə ım jıqoye.həmonə ruj ki,çandə sa qılə nomə və ğasbu çandə həzo nomə de ın məzmuni boəy vardeşone ki,əmə şımə şiəyon və muxlisonimon və İrağədə şıməni çəş kardedəmon,bə məğrurəti dıço nıbe.qıləy zəmon sıxanraniş karde və hamyeşe:”xəttul.....çı maqikuş sehbət karde.nıvoteşe ki,jıqo-jəqo bəkardem.ıştə deşmınon təhdid iyən ıştə dustonış de Kufə ğəniməton təğsım kardey tətmi iyən təşviğış nıkarde.bənə qıləy mısılmoni de mərıfəti bə ico və de ubudiyyət iyən təvazu bə ico be.qıləy zəmon ki,həmmə kəson ıştə daston bəçəy səmt dıroz kardeşone və bəy nisbətədə qıləy məhəbbət nışon doşone.