Şiiə yolə alimon
Şiyə dınyo yolə alimon-178
Şiiə yolə alimon
Mirza Həbibullah Rəşti Hicri-Ğəməri 1234-ə sori Qilonədə Əmləş nomo qıləy məntəğədə bə dınyo çəşış oj kardə.çəy əjdod iyən səlşşon çı Ğuçani şəhriku bıən və çəy pı Mirza Muhəmməd Əli Ğuçani Qiloni çı Qiloni yolə şəxsiyyətonku bə hisob omə.Mirza Həbibullah Rəşti elmış ıştə pı palu de Kərimə-Ğıroni kəlməon binoş karde.donzə sor be ki,boştə elmi təhsilon təkmil kardero bə Rəşti şəhri səmt hərəkətış karde.əv hejo çı cıvonəti zəmoniku çı ədoləti bərpo kardey dumo be və həjdə sornə cıvon beyədə bo məzlumə rəiyyəti həxı bəyji kardero deştə qırd zu və ğıvvə çı Rəşti yolon mığobilədə mande.əmmo bəştə sinni kam bıey dəlili xoto,çəy moyizəon qıləy təsirış nıbe və əv qıləy holədə ki,çı ərbobon beədolətiku və ətrofədə bıə kəson çı zılmi mığobilədə tam mandeyku oqıniyəbe,bə ğərol ome ki,ıştə şəhro-diyori tərkko.
Çəy pı de tosə Ğəzvini deəy bə ico be və əyo ıştə fərzəndış bəƏbdul-Kərim İrəvani nomo qıləy alimi aspardeşe ta bəy usul iyən fiğhi dərson təlim bıdo.cıvonə Həbibullah Ğəzvini şəhrədə izdivocış karde və bənə ıştə ustodi çı zohd iyən təğva ro boştə jimoniro qıləy şivəş vıjniye və ım şivə,de tosə ıştə jimoni oxo hifzış karde,oqətışe.əv vistı penc sorış beyədə ıştə dini təhsilonış oroxne və bə Əmləşi şəhri oqarde və ço sori mıddətədə ıştə şəhri dini mərcəiyyəti koş bəştə ehdəş peqəte.Mirza Həbibullah Rəşti cıvonəti zəmonədə deməkə ki,çı qıləy dərs və bəhsuiku be ebhtiyoc be,əmmo ıştənış bə Nəcəfı-Əşrəfi mığəddəsə şəhri rosneşe ta çı Cəvahiri soybi dərsonədə və çı Şeyx Mırtəzo Ənsari məhzərədə hozzı bıbu……
Şeyx Mırtəzo Ənsari bəfoti bəpeştə çı şiəyon umumi mərcəiyyəti ko bə Mirzaye Şiroziye Bozorqi ehdəşon noe.əmmo çı Nəcəfı-Əşrəfi elmiyyə hovzə rəyisətişon bə Mirza Həbibullah Rəşti ehdəşon noe.çı Mirza Həbibullah Rəşti zohidonə əxloğ ki,ıştə ustodiku bə irsış bardəbe,boyis be ki,Mirza Həbibullah Rəşti bə iştimoyi iyən siyosi məsələon sərostə formədə mudaxilə kardeyku bə diyəro mande.əmmo əv hejo çı Mirzaye Şiroziye Bozorqi mərcəiyyəti himoyə kardedəbe.əv çok-çoki zıneydəbe ki,İslomi dınyo bə qıləy siyosətmədorə mərcəiyyəti ehtiyociş heste.liza dayima votedəbe ki,ımruj çı İslomi pərçəm bəsə seyd Məhəmməd Huseyn Şirozi yəni Mirzaye Şiroziyi duşədəy və həmmə kəs bəpe həmişə deəy bə ico bıbu ta ım pərçəm bəsə zəminisə nıeqıno.Mirza Həbibullah Rəşti çı Mirzaye Şiroziye Bozorqi mərcəiyyəti himoyə kardey səbəb be ki,islomi deşmınon ğərəz bə şiəyon vəhdəti qıləy zərbə jıeysə co qıləy roşon nımande….
Əv deştə sıxani himoyəonsə əlovə,həmçinin şoqirdonış həm tərbiyə kardeşe və perosneşe ki, çəvon har qıləyni bo Mirzaye Şiroziye Bozorqi bənə qıləy sərdori hukmi icrokon.min cumlə çə şoqirdonku qıləyni bə Əkbər Fal Əsiri işorə kardey bəbe.ikəs ki,çı Tənbaku təhrim iyən sanksiyə fətvo sadir kardey mığəddimə iyən vəsəş hozzı karde.seyd Muhəmməd Kazım Yəzdi ya həmonə Muhəğğiğ Yəzdi iyən şeyx Fəzlullah Nuri ki,çəy coqlə şoqirdonku qıləyni be,ım dı nəfər de Məşrutə İnğılobi inhirofon mıborizə koyədə ziyodə muhimmə rolışon ifo kardə.çəvon ziyodə səyon boyis be Məşrutə Ğanuni əlovə ratifikasiyə kardey və İronədə Şiyə məzhəb bə rəsmiyyət zıney be.həmçinin nəticədə çın dıqlə alimi cəhdon nəticədə bə Məclisi ratifikasiyə kardə ğanunon dini nəzorəti həxış bo Şiyə alimon bə rəsmiyyət zıney be.çımonsə əlovə ehanə şımə yodo mandəbu vəynə bərnoməonədə votemone ki,çokonə şeyx Fəzlullah Nuri bo Məşrutə İnğılobi çı istemori tor və şəriku nicot doeyro ıştə şinə conış fido kardeşe……
