Istehsoli revnəğ Ixrisodi mehvər

Torıxi cəhəto ixtisodi sektorədə ım ruşd iyən ozavziye zəmoni bəpe avropədə çı sənaye inğılobi  bə əməl vaxtonədə bınəvəmon.təğribən dı sa penco sor bənav dınyo kişfəron ixtisodi ruşd iyən ozavziye cəhəto iyande miyono jəqo həm qıləy fosilə və məsofəşon nıbe.əmmo de avropədə sənaye inğılobi  bə əməl bə ico,dınyo kişfəron miyono ixtisodi sahədə qıləy təhəvvul iyən əvəzon bə vucud ome.məhsulon istehsol və ozavziye xıdməton haruj ziyod be.joqo ki,ımruj Dınyo Ticorət Rəşkilot dınyo səviyyədə çı 19 həzo milyard dollarisə bəpe qıləy məhsulon ticorəti rəğəmiku sıxan bə miyon vardedə.beşək bın həcm və səviyyədə qıləy əmtəə və məhsuli tolid iyən istehsoli ,bə kişfəron de iyande həmkoəti iyən iştiroki ehtiyociş heste. çunki,dınyo səviyyədə hiç qıləy kişfər coyli yəni ısət çı zəmin,sərmoyə,ko ğıvvə,texnoloqiyə və sayir cəhəto bıbu,qırd ım ehtiyocon bəştə ehdə peqətey ğudrətış ni və ımon yali təmin kardey əzıni.həmçinin məhsuli həvatey vıjor həm ıştə çı ixtisodi sektorədə fəoliyyət nışon doə istehsol əkəyonədə motivasiyə icod kardeyədə qıləy muhimmə amile.kişfəron miyono ticori mıbodiləon ya həmonə ixracat və idxalat çı kişfəron ixtisodi zumandəti iyən zəyfəti noxtə bəyon kardedə.kişfəron miyono ticori təroz və balans çanədə mısbət bıbu,həmonə məmləkəti qıləy zumandə ixtisodış bəbe və çandə ki,kişfəron miyono ticori təroz mənfi bıbu,ım çə həmonə kişfəri ziyodə şikilədə varidat və idxalati ğəbul kardey nışon doydə və ım çə həmonə məmləkəti sərmoyə və kapitali çı kişfəriku xaric bıy mənoədəy.hətto iqlə kişfəri idorə kardə həmməysə yavə devlətə xadimon həm ixtisodi cəhəto fəğət idxaləkə məmələkət bıbon.ımruj qıləy zumandə ixtisod,zumandə siyosi iyən əmniyyəti mənoədəy ki,çəy kişfəri sosyal muşkiloton vey kam iyən boştə şəhrvandon barzə səviyyədə qıləy çokə rifohış hozzı kardə.bə jıqo qıləy hədəfi dast pəydu kardey boyis bıə ki,ziyodə məmləkəton oxonə soronədə de iyande çandə nev ticori mığovilə iyən sazişon bastey, ıştə kişfəri ixtisodi vəzyəti zumandə şikilədə ozavziye zəminəon hozzı kardedə…..

Məsələn bın zəminədə bə reqiyonal həmrayəti və nezəti sazişi işorə kardey bəbe.Dınyo Dıminə Canqi bədiqə milodi çılminə soronədə ixtisodi baxşədə reqiyonal həmrayəti və nezəti tədricən ıştə koş binoş karde.çın cərəyoni nəticə de dınyo 200 qılə kişfəri miyono hırd iyən dıjdə reqiyonal mığovilə iyən sazişon bastey bə oxo rəse.de tobə milodi 2019-ə sori təğribən 480 qılə reqiyonal mığovilə iyən sazişon bastey, DTT-ədə ğeyd kardey bıə ki,təğribən çəy 300 qıləyni de tosə ısətnə zəmoni icro kardey bıə.Avropə İttifoğ, Şimoli Amerkədə Nəfta,Latin Amerkədə Mərksur,Asiyə Cənub-Şərğədə Aseyan və çandə qılə co reqiyonal onemonon ki,ımon həmmə çı kişfəron miyono ziyodə həddədə reqiyonal həmrayəti iyən nezəti nışon doydə…..

Reqiyonal mığovilə iyən sazişon izohədə bəpe votey bıbu ki,kişfəron miyono bın nev mığoviləonədə kişfəron iyande kəno cəm beydən ki,iqlə coğrafi məhdudə və məntəğədə ğərolışon qətə və tərcihən çəvon de iyande mədəni,zıvoni,dini iyən torıxi cəhəto qıləy mıştərəkə sabiğə və stajışon heste və əvon de Reqiyonal mığovilə iyən sazişon roy vositə mıxtəlifə sahonədə min cumlə ixtisodi sektorədə de iyande qıləy çokə həmkoəti iyən mınosibətonışon bıbu.coğrafi,siyosi,fərhənqi,iştimoyi iyən ixtisodi umumi cəhəton və mıştərəkaton bə iqlə coğrafi məntəğədə jiyə devləton ım imkoni doydə ki,ıştə imkonatonku çı həmkoəti sayədə qıləy çokə bəhrəon bıbon.əvon mıxtəlifə sahonədə çı iyande kam iyən nırəsə cəhəton təmin kardedən və de mıştərəkə sərmoyə noey deştə nəzədə qətə məsulon istehsoli koy məşğul beydən. ımruj kamə kişfəron dınyoədə pəydu kardey bəbe ki,bə qıləy reqiyonal onemonon uzv nıbon və ya bo qıləy reqiyoanl təşkiloti təşkil doeyro deştə hamsuyə məmləkəton həmkoəti iyən nezəti əndişədə nıbu…..