Istehsoli revnəğ Ixrisodi mehvər

Reqiyonal mığovilə iyən sazişon izohədə bəpe votey bıbu ki,kişfəron miyono bın nev mığoviləonədə kişfəron iyande kəno cəm beydən ki,iqlə coğrafi məhdudə və məntəğədə ğərolışon qətə və tərcihən çəvon de iyande mədəni,zıvoni,dini iyən torıxi cəhəto qıləy mıştərəkə sabiğə və stajışon heste və əvon de Reqiyonal mığovilə iyən sazişon roy vositə mıxtəlifə sahonədə min cumlə ixtisodi sektorədə de iyande qıləy çokə həmkoəti iyən mınosibətonışon bıbu.coğrafi,siyosi,fərhənqi,iştimoyi iyən ixtisodi umumi cəhəton və mıştərəkaton bə iqlə coğrafi məntəğədə jiyə devləton ım imkoni doydə ki,ıştə imkonatonku çı həmkoəti sayədə qıləy çokə bəhrəon bıbon.əvon mıxtəlifə sahonədə çı iyande kam iyən nırəsə cəhəton təmin kardedən və de mıştərəkə sərmoyə noey deştə nəzədə qətə məsulon istehsoli koy məşğul beydən. ımruj kamə kişfəron dınyoədə pəydu kardey bəbe ki,bə qıləy reqiyonal onemonon uzv nıbon və ya bo qıləy reqiyoanl təşkiloti təşkil doeyro deştə hamsuyə məmləkəton həmkoəti iyən nezəti əndişədə nıbu…..

İxtisodi sektorədə reqiyoanl təşkiloti təşkil kardeyku hədəf pul iyən moli cəhəto soyosəton həmonəhən kardey və ticori maneəyəon kam  və ya bərtərəf kardeye.ım nev həmkoəti reqiyoanl səth və səviyyədə bıə istehsoli xarcon bəkam kardey,daxili kamyob bıə mənbə və məhdudə rəsursonədə ekonomiyə,daxili istehsolədə ixtisos,valyutə bəroməon kəsb kardey,həmonə dəroməd ya bəroməon çokə şikilədə baxş kardey,ticorət iyən istehsolədə keyfiyyəti ziyod kardey,xarici investor iyən sərmoyə nokəson vey kardey və çın onemoni uzvon mığoyisəvi barzəti iyən nisbi məziyyətonku ostifodə kardey boyis beydə.jıqo mığoviləon nəticə bə bo məsrəfəkəyon ya isetehlokçiyon iyən istehsoləkəyon xarcon kaməti və həmçinin bə ın onemoni uzv bıə məmləkəton miyono ticorət iyən kommersiyə ziyodəti həm səbəb beydə……

Reqiyoanl ixtisodi iyən coğrafi təşkiloton muhimmə məntəğonku qıləyni cənub-ğərbi Asiyəy ki,çı Afrikə iyən Avropə ğitəon və çı Rusiyə,Çin iyən Hindıstoni kişfəron miyono ğərolış qətə.ım hevujə məntəğə bə qıləy coğrafiyə şomil beydə ki,ıştədə bənə İron,Pokıston, Ərəbıston, Tırkiyə, Əfğanıston, Yəmən,İrağ, Oman,Suriyə,İordaniyə,Az,R,İƏƏ,Qırcıston,Ərmənıston,Fələstın,Kuveyt,Ğətər iyən Bəhreyni məmləkəton ehtivo kardedə və çın kişfəron təğribən 530 milyon nəfərə qıləy cəmyətışon heste ki,çı dınyo 5 qılə qeo-politikə baxş yəni Mərkəzi Asiyə.Ğəfğaz,Hindi nimə ləpək,Farsi Xəlic iyən Miyonə Şərği bəvədə vağe bıə…..

Mənbə və resurson cəhəto həm ım məntəğə de təbiiyi mənbəon pur bıə qıləy məntəğəy.cənub-ğərbi Asiyə məntəğədə bıə ğaz iyən nati dıjdə resurson(dınyo sedə dı hissə) bə ın məntəğə qıləy xısusi unikalətiş baxş kardə.dınyo kəşf iyən isbot bıə nati zəxirə iyən ehtiyoton 75 fayiz bın zonədə ğərolış qətə və təğribən çı dınyo nati sedə I hissə bın məntəğədə istehsol beydə.həmçinin təğribən çı dınyo ğazi tolid iyən istehsol sedə I hissə bın məntəğədə istehsol beydə.çın məntəğə ixtisodi mığoyisəvi imtiyozon bəyonədə çəvon coğrafi mevğıyyət iyən Xıdo bəvon doə sərvəton vəs kardedə ki,bə çın məntəğə milləti torıxi dığğət kardy lozıme.çın məntəğə torıx çandə dəvardə əsronədə bə ziyodə hodisəon şoyd bıə ki, çokonə çı dınyo ğarətgər,istemorəkə iyən mıstəmləkəçi devləton çın məntəğə sərmoyə və sərvətonışon ğarət karde və boştəşon peqəte.aya de tosə ısət əvon ıştəku dəparsəyşone ki,oxonə dəvardə soronədə amerkə boçi 7 həzo milyard dollar boştə Miyonə Şərğöi mıntəğədə bıə huzur iyən iştirokiro xarc kardəşe?