Həşi məhzərədə-144
Həşi məhzərədə-144
Ğasbu həm ım sıvol şımə zehnədə icod bıbu ki,itoət çı mənoədəy və çı Yolə Rəhbəri həmçinin İslomi nəzəku cıvon fəğət bəpe de nımoj iyən rujə məşğul bıənin iyən iştimoku bə diyəro mandənine?.çın sıvoli cəvob həzrət ayətullah Xameneyi sıxanonədə nəvedəmon iyən təğib kardedəmon.joqo ki,ə həzrət hamyedə:bə Xıdo itoət fəğət nımoj votey ni.həlbəttə nımoj votey xeyli fəzilətin iyən muhime və çəy təsir ziyode.əmmo fəğət əv vəs kardedəni.jimoni qeşə ərsəonədə bo Xıdo itoətiro ziyodə nımunəon heste ki,çəvonku muhimmə qıləyni qıno tərk kardey və ıştə dovnə pok kardeye.şımə handə dərs hejo Xıdo itoəte.şımə kardə har qıləy təşəbbıs Xıdo itoəte.həmonə koon ki,kimya,enerji,insoni və humanitar elmon,tibbi elm və sayirə məsələon zəminədə kardə səyon bın roonədə əncom doey beydə,ımon həmmə Xıdo itoəte.
Bəle ıştəni təkmil kardey iyən ıştə nəfsi piyo ko kardey bə zəmon erj və ğeymətış heste ki,qıləy camiyəku təcrid bıey intixob nıko,nıvıjno,bəlkəm fərd dinamik iyən fəol bıbu.əmmo bə qınon tori dılə nıeqıno.yəni həmmə holonədə ıştə nəfsiku mığət bıbu və bəştə rufi qıləy nəzorətış bıbu.
Kərimə-Ğıron ki,oxonə osmoniyə kitobe,ıştə maarifi okeyanədə bo cıvonon ulqu peqəteyro qıləy vey reçin və ğəşənqə misolış təğdım kardə.həzrəte Yusif(ə).qıləy cıvon ki,reçinəti,sərvət iyən şehrət çəy ixtiyorədə be,əmmo qıləy reçinə jen əy bə qıno səmt dəvət kardə zəmondə,əv bəştə pərvərdıqori yod dəşedə və həmonə vırə və məkoni de surəti tərk kardedə iyən bəştə Xıdo pənoh bardedə,dəvitedə.
Həzrət ayətullah Xameneyi çı həzrəte Yusifi(ə) ibrətamizə dastoni həxədə,ə həzrəti çı cıvonəti təğvo məzhər və simvol təğdım kardedə.ə həzrət hamyedə:”şımə təsəvvırkənən ki,Yusif nomo həjdə ya nonzə sinnədə qıləy cıvon çı şəhvətt pik hədədə və reçinəti vey barzə səviyyədə bə qıləy jeni xoş omə.iyo dı curnə əməl kardey bəbe.qıləyni təslim bıey və bənə qıləy fosiğə odəmi surəti bıey və coqləyni imtino kardey və ğəflətən ruşd kardey iyən ozavziye,bəpe şıey və barzəti pəydu kardeye.ım xeyli çiyonky vey vazeh və çəvonku vey təsirine ki,inson çəy nəticə vey rə vindedə.şımə çı har qıləy şəhvəton mığobilədə mığovimət nışonon doe,çəy iminə təsir ıme ki,şımə bo peşonə mığovimətiro vey hozzı və vey zumand beydon.Həzrət Yusifi(ə) ıştə cıvonəti,cəmol və reçinəti barzə səviyyədə çı Misri əziz və vəziri kədə maddi izzəti cəhəto çokə şərayitədə,ıştə həvəson piyo poş noe.liza bə qıləy barzə məğami rəsey ləyoğətış pəydu karde ki,Xıdovəndi bəy doşe.yəni pəyğombərəti məğam.Xıdovənd ımi zıneydəbe ki,çəy ın bandə jıqo qıləy cevhərış heste və ıştə jıqo qıləy irodəku boəy sərf bəkarde.liza boəy coqlə dıjd iyən sanqinə məsuliyyəton nəzədə qəteydə və vıjniyedə ki,çəvon har qıləyni ijən ıştə nevbədə yolə əcronış heste...
