Bə Xıdo manqi vəy beşey

Bə Xıdo manqi vəy beşey

Şəbonə manq ki,bə oxo rəseydə,Rəməzonə manqi sədo çı dıli quşi nəvaziş kardedə və de qıləy reçinə vanqi de “ya rəbb ya rəbb” zumzuməon və de Kərimə-Ğıroni bə dıl nıştə sədo iyən əzoni dıli nəvaziş kardə vanq və ım çı bandəçəti xoşə bu ki,fəzoş ətrin kardə.

Qıləy de əzəməti pur bıə Bəhor omə rəsə və ijən çı Rəməzonə manqi Bəhori bəşorəti doydə.bənə vənəşə iyən sunbuli bıə vıli bu kəonədə çı Rəməzonə manqi ətrinə bu umuj qıniyə.Rəməzonə manq deştə ilhom baxşəkə şəvon omə rəsə və çəy rujo təlim baxş kardedə.

Imsor mısılmınon bo bə Rəməzonə manqi vəy beşeyro və bo Nəvuzə idi ğəbul kardeyro ıştə kəon təmiz kardedə.çoko ki,jenon kəon təmiz iyən bə səhmon dənoydən.çı di iyən şəhron cıvonon iyən nevcıvonon  Xıdo kəon bo mənəvi mərosim iyən dıvo kardero təmiz iyən ətrin kardedən.

Vohidə Xıdo Bəğərə mıborəkə surə 125-ə şərifə ayədə jıqo hamyedə:”əmə İbreym iyən İsmoyliku əhd-peymon semone ki,Xıdo kə bo milləti iştiroki iyən ə kəson ki,məçitonədə de etikof iyən ibodəti məşğul beydən,pokkon”.ısət Rəməzonə manq omə rəsə iyən millət de qıləy şoyvonəti bə İlahi ım mehmonəti səmt hərəkət kardedən və de komək,həmdıləti,ıştə zohir iyən botıni pok kardey iyən de məçiton qardı-ğubori təmiz kardey və həmonə vıron ətrin kardeydən.....