İmom Xameneyi bə hociyon xitob
İmom Xameneyi bə hociyon xitob
Bismillahir-Rəhmanir-Rəhim!Əlhəmdu lillah vəssəlatu əla Rəsulihil-Mustəfa və alihil ətharil əbrar və səhbihil əxyar.ğaləl ləhu təala:”və əzzin fin-nasi bilhəcci yətukə ricalən və əla kulli zamirin yətinə min kulli fəccin əmiğ. liyəşhədu mənafiə ləhum və yəzkurusməllahi filəyyamin məlumat”.
Im ərşiyə ahənq və sədo ijən dılon vanq jeydə və və çı əsron iyən devronon etat-petatiku bəşəriyyəti bə tohidi mehvəri tərəf dəvət kardedə.qırd insonon bə ın İbreymə dəvəti xitob bıən və demi iftixor kardedən.harçənd,çandə quşon əy nıməson və çı ğəflət iyən cəholəti hicobi jiyədə bıə dılon çəyku məhrum bımandon.və harçənd kəson hesten ki,bın qlobal iyən dayimiyə ziyofəti daxil bıey səlohiyyəti hozzı nıkon və ya de har vositə ım tofiğ iyən ovandəti pəydu nıkon.
Isət bə şımə ın neməton əto kardə bıə və şımə bə ilahi mehmonsəra iyən mehmon ğəbul kardə əmnə vadi ğədəmon noə.Ərəfat,Məşər,Mina,Səfa və Mərvə,Beyt,Məscidul-Həram,Məscidun-Nəbiyy və Həcci mənasik iyən mərosimon qırd vırəonədə çı hoci bərpo kardəkəsi mənəvi iyən rufi zəncirəku har qıləy vırəy ki,çın tofiğ iyən ovandəti ğədrış zıne və çəyku bəhrəş bardə və boştə əmandə umri qıləy tuşə və azuğə peqəto.
Muhimmə nuktə ki,har qıləy əndişə iyən fik-fam kardə har qıləy insoni həsso kardedə,bo qırd insonon,nəslon iyən həmmə soron qıləy mıəyyənə noxtədə və qıləy vohiodə zəmoni çərçivədə qıləy dayimiyə miadqoh iyən və`dəqo təyin kardeye.ın məkon iyən zəmoni vəhdət,Həcci fərizə və vocibati əsliyə sırronkuye.beşək,çı “liyəşhədu mənafiə ləhumi” ayə vey barzə misdoğ iyən nımunə çı islomi umməti Xıdo kəy kəno hasornə vindemone.ım islomi umməti icod kardə vəhdət iyən simvoli rəmze ki, bəbe Beytullah sayə jiyədə ğərol bıqəto.Xıdo Kə bə həmmə kəsi ayide.”Səvaənil-Akifu fihi vəl bad”.
Həcc,bın məkonədə və zəmoni çərçivədə hejo və qırd soronədə de rəsə zıvoni iyən oşkoə məntıği mısılmınon bə ibemoni tərəf dəvət kardedə.və ın çı islomi deşmınon mığobil noxtədə bıə kəson tələbe ki,qırd zəmonədə məxsusən bın devronədə mısılmınon iyande mığobilədə mandey təşviğ kardəşone və ısət həm kardedən.
Imruj bə cinoyətkor iyən imperalistə Amerkə rəftoron erəxənən.islom iyən mısılmınon mığobilədə çəy əsliyə siyosət canqi icod kardeye.çın xəbisi tələb və cəhd mısılmınon de iyande dasti kışteye.zolımon bə məzlumon coni eğandey,zolımon tərəfi kəşe və himoyə kardey,deçəy dasti be rəhmonə formədə məzlumi etosney və çın hovlnokə fitnə otəşi hejo tij iyən tınd kardeye.mıslmınon bəbe oğo bıbon və çın şəytoniyə siyosəti vəy bıqəton.Həcc,bo oğoətiro qıləy zəminəy və ım Həccədə çı mışrikon iyən mıstəkbironku bəroət və bə diyəro mandey fəlsəfəy.
Xıdo zuikr kardey Həcci rufe.həmmə holədə bəştə dılon de ın ilahi voşi rəhməti jimon iyən şoyvonəti baxşkəmon və bəy təvəkkul iyən etımod ki,çı ğudrət,əzəmət,ədolət iyən reçinəti sərçəşmə və əsle,ıştə dılonədə bıkaştəmon.bın surətədə bə deşmıənon keyd iyən hiyləon səbarz bəbemon.
Əzizə hociyon!bo islomi umməti iyən bo Suriyə, İrağ, Fələstin, Əfğanıston, Yəmən, Bəhreyn, Liviya, Pokiston,Kəşmir,Myanma iyən co noxtəonədə bıə məzlumon dıvo kardey ıştə viro beməkəmon və bo Amerkə iyən co imperaliston və bəvon komək kardə kəson dasti bırniyero həm Xıdoku tələbkənən.
Vəssəlamu ələykum və rəhmətullahi və bərəkatuhu.Seyd Əli Xameneyi .1397-ə Həşi sori Mordad manqi 28 və 1439-ə Hicri-Ğməri sori Zilhiccə manqi haftminə ruj.
