Beniğobə Amerkə
Beniğobə Amerkə
Amerkədə min cumlə həmməysə muhimmə hodisə bəpe çı Amerkə milli strateqiyə sənədi intişori xəbə, Amerkə bə Venesuela prezdent Nikolas Maduro ələyh siysoi peqordımon,bə Amerkədə beədoləti iyən diskriminasiyə zidd mitinqon, və Trampi bo federal devləti vadoeyro bıə nokoməti və ijən sənibəton devləti bino kardey və həmçinin çəy bo ıstənə kritik vəzyəti dəvom doeyro bıə isrori bızıni.
Amerkə milli kəşfiyyat strateqiyə sənəd ki,dəvardə 22 yanvar se şanbə ruji mıntəşir be.Amerkə kəşfiyyati yolon bın sənədədə ıştə təmərkuzışon bəsə bə kişvəronsə kardəşone ki,iddio bedə əvon Amerkə geopolitik səviyyədə təhdid kardedən və Rusiyə,Çin,Şimoli Koreya iyən İron çəvon həmməysə muhimmə qıləyniye.bə ın sənədi əsos,omə soronədə Amerkə çə kişvəron tərəfiku de problemi dimbədim bome ki,bə dıminə dınyo canqi və ğərbi demokratikə ideya və həmçinin ğərbədə bə təcridi səmt şiddətinə meylon bəpeştə bıə qlobal nəzmi zəyfəti xoto çəyku bəhrə bardedən.bın sənədədə bə Rusiyə bənə qıləy kişvəri işorə bıə ki,çandə qılə reqiyonədə Amerkə de problemi dimbədim kardey koyədə cəhd kardedə.çın sənədi ton omə ço sori ərzədə çı Amerkə casusə şəbəkəon prioriteti nışon doydə,2017-ə milodi sori mıntəşir bıə qırd kəşfiyyati məlumaton inikas kardedə ki,bəçəy əsos Rusiyə 2016-ə milodi sori Amerkə prezdent səçınədə mıdoxiləş kardə.harçənd çandə qılə stratejikə kəşfiyyati sənədonədə,bə isə Trampi siyosəton tənğıd bedəni,əmmo çı kəşfiyyat buro yolon ın tojə məlumaton 2001-ə sori de terrorizmi mıborizə bardey prosesədə təmərkuz pəydu kardeyku bə diyəro mandey bəçəvon norizoyəti boyis bıə.əvon piyedəşone ıştə təmərkuzi bəsə bə kişvəronsə bınon ki,qeopolitik səviyyədə əvoni təhdid kardedə.çəvon muhimmə qılyni həm Rysiyə,Çin,Şimoli Koreya iyən İron bə hisob omeydə.Den Kotus Amerkə milli kəşfiyyat buro rəyis çın sənədi bardə votedə:”2019-ə milodi sori strateqiyə ,vəynə strateqiyə tojə kardeyku əlovəy.kali zminədə ın sənəd hol-hozzıədə bıə hərəkəton barədə əhəmiyyətinə inkişofon nışon doydə.co zəminədonədə həm ın sənəd deçəmə əməliyyoton şivə əloğədor bıə əsosinə əvəzon bəyon kardedə”. Im strateqiyə həmçinin bənə anti orbital silohon bıə de nuyə texnoloqiyəon mıborizə bardey şivə təkid kardedə ki,ım həm bə Amerkə kosmosədə hərbi ğudrəti zəyifəti və həmçinin kiberə təhdidon boyis bəbe ki,ım bo problemon icod bəkarde.ın sənəd bo nobərobərəti zumandətiro bıə texniki ğıvvon həm tənğıd kardedə.
Amerkə Venesueladə 1999-ə sori qıləy bə cəpi meylışon bıə devləti bə hakimiyyət omeyku,hejo çı Venesuela devləti həm navnə və həmən ısətnə prezdenton zəyif kardey iyən peqordıney dumo bıə və nəinki,çı kişvəri mıxolifəti himoyə kardedə,bəlkəm ıştə Latın Amerkədə bıə mıttəfiğon həm bə Venesuela prezdenti yəni bə Nikolas Maduro ələyh səfərbərış kardə və çəy devləti peqordıney dumoe.Maduro çandə vaxt çımi bənav Karakasədə çı jurnaliston cəmədə elonış kardəbe ki,Amerkə əmniyyət mışovir Con Bolton bo Venesueladə xaos icod kardey iyən çın kişvəri devləti peqordıney koş bəştə ehdəş peqətə.bın cəhətədə Xuan Quaydo Venesuela Konqresi koyku bekardə bıə sabiğ rəyis ıştənış çın kişvəri prezdentış elon karde vəpeşo ğəssəmış harde.
