Kərimə-Ğıron İslomi İnğılobi səhnədə

Feb 02, 2019 10:08 Asia/Tehran

Har inğılob qıləy təfəkkur iyən əndişəku bə əməl omeydə ki,bə həmonə inğılobi intellektual iyən nəzəri dastəki əsose.dınyo muhimmə inğılobon torıxi təcrubə həm ımi təsdığ kardedə ki,çı har qıləy inğılobi bənav bəpe bo mevcud bıə nizomi rədd kardero qıləy tojə ideoloji məktəb bə vucud booy.

İroni İslomi İnğılob həm de İmom Xomeyni(r) rəhbərəti 1357-ə Həşi sori Milodi 1979-ə sori bəhmənə manqi 22-ə ruji bə səbarzəti rəse,bə qıləy məxsusə ğoymə siyosi təfəkkur iyən prinsipi əsos bıə.ım təfəkkur islomi iyən Ğıroni təfəkkure ki,çəy nəzəri dastək bə hisob omeydə.Kərimə-Ğıron bo islomi zıneyro həmməysə muhimmə mənbəy ki,çı dini mərıfəti istehsol kardə coqlə mənbə kəno,çı insoni fərdi iyən iştimoyi jimonədə oko doeyku əlovə,siyosi-iştimoyi məsələonədə həm çı camiyə çərçivəon təyin kardedə.İroni milləti bə Pəhləvi şah və səltənəti ələyh bıə inğılobi hərəkət həm çı Kərimə-Ğıroni təlimonku ilhom sıə holədə bino be.joqo ki,R`ədi mıborəkə surə 11-ə şərifə ayə i ğısmədə hamyedə: ”.....və Xıdovənd çı hiç qıləy ğovm(və milləti) tale və sərnıvışti əvəz nibəkarde illa ki,həmonə ğovm ıştən ıştə holi əvəzko”.

İroni islomi inğılobi bəpe bə Ğıroni səmt oqardə inğıloob zıneyu bıbu.qıləy nehzət və inğılob ki,bə dini əslə mə`rıfəti mənbə bıə bə Kərimə-Ğıroni ro nışon doə hikməton əsose.bə Kərimə-Ğıroni səmt oqardemon boyis bedə ta mısılmınon deçəy təlimon omute,həm de istemori və həmən de istibdod iyən zılmkori mıborizə bıbon və çın mıborizə nəticə,bə izzət.iftixor iyən səbarzəti və həmməysə muhimmə çi bə Xıdovənde-Aləmi təğərrıb iyən nezəti rəseye.

Kərimə-Ğıroni Muhəmməd(s)-i mıborəkə surə 7-ə ayədə hamyedə:”ha imon vardə kəson ha!ehanə bə Xıdo (dini)koməkon,əv(həm)bəşmə koməq bəkarde və şımə ğədəmon ğoym bəkarde”.

Ironi islomi inğılobi insoni bə heyrət vardə səbarzəti,Xıdovəndi bə insoni komək kardə barizə nımunəonku bə hisob omeydə və həmçinin çı İroni mısılmonə milləti bə Ğıroni ədoləti əsos bıə həxə hukuməti bərpo kardey royədə fədokorətiyon.qıləy dıjdə hərəkət ki,qıləy Ğıronşınos bıə və bəy əməl kardə yolə merd ki,bə qıləy zılm vində mısılmonə milləti cəsədi çı imon iyən mıcohidəti rufış pu karde ta de ilahi erj iyən idealon bəyji karde,qıləy inğılob real bıbu ki,qırd dınyoədə de Kərimə-Ğıroni mədəniyyəti bıə hukuməti zəminə hozzı kardey nido və vanqi bıjəno.İmom Xomeyni(r) ıştə inğılobış bə Ğıroni əsos binaş karde və ıştə oruzu iyən ideyaon şı Kərimə-Ğıroniku ilhamış karde.ə həzrət hejo cəhd kardedəbe ki, bə Kərimə-Ğıroni usul iyən prinsipon əsos hukumət iyən camiyə koon idorə bıbu.İmom Xomeyni(r) ıştə inğılobi hədəfi jıqo vəsf kardedə:”əmə hiç qıləy məğsədımon ni.nə dıjdə ğudrəton məno kardə həddədə qıləy hukumətımon piyedə və nə ğudrətımon piydeə və qıləy sultə pəydu kardey.əmə həmmə dılımon heste bə Kərimə-Ğıron iyən bə əzizə islomi tabe bıbəmon.Kərimə-Ğıron iyən Əzizə İslom çəmə qırd çi idorə kardedə”.(Nuri-səyfə c-15,səyfə 437).