İnğılobi dıminə ğədəm-9
İnğılobi dıminə ğədəm-9
Çoko ki,votemone İron İslom İnğılob mıxtəlif cəhəto de co inğılobon iyən milli hərəkaton qıləy farğış heste.əmmo, çəy həmməysə muhimmə tafut,çəy dini iyən islomi mahiyyət bıey bəzıne.qıləy dınyoədə ki,maddiyyat və dınyəvi koon ziyodə rəvocış pəydu kardə və din bə kəno noey bıə və fəğət bə şəxsi məsələon ayid zıney bıə.İroni Yolə İnğılob mubin və oşkoə islomi dinış bo insoni bəştə dınyəvi iyən uxrəvi barzə ideya və hədəfon rəsey xoto,əsliyə şivə və metodış təğdım karde.İron İslom inğılobi Yolə Rəhbər həzrət ayətulla Xameneyi İslomi İnğılobi dıminə ğədəmi bəyoniyyədə bə ın muhimmə mevzu işorə kardedə:”həmonə ruj ki, dınyo maddiyə şərğ və ğərbi miyono təğsım bıəbe və hiçkəs qıləy dıjdə dini inğılobi qımon kardedənıbe, İroni İslomi İnğılob de əzəmət və ğudrəti bə meydon ğədəmış noe və çərçivəonış darışte və çəvon kanə adətonış ğəbul nıkarde və dini de dınyo bə ico bıeyku bəhsış karde və qıləy nuyə əsri bino bino bıeyku xəbəş doe”.
İron İslom İnğılobi de islomi şuor və ideayon bə əməl omey və peşo qıləy bə həmonə barzə dini iyən mənəvi hədəfon və erjon əsos qıləy nizomi bə vucud vardey,bo ğərbi dınyo dı cəhəto təhlukənin iyən tov vardənin nıbe.qıləyni ım be ki,ım inğılob islomi çı liberalizm,kommunizm iyən ğərbi co maddi məktəbon mığobilədə mandə de səmərnin iyən məzmuninə vədə şıə dini nomi çəyku bəhs bedəbe. ğrbi dınyo de islomi inğılobi mıxolifəti coqləyni illət və dəlil bə islomi əsos qıləy hukuməti ulqu be ki, əmələn və praktiki surətədə bə siyosi ərsə və arenəon ğədəmış noəbe.
De ın tərtibi İroni İslomi Respublikə deştə bə sultətələb və imperiyalistə ğərbi zidd bıə ideyaon və məzlumə milləton mıdofiyə kardeysə əlovə,bə dınyo hakim nizomi qıləy məktəbış elonış karde ki, çəvon qırd maddi iyən anti-din nəzəonış bə sıvoli jiş barde.həyğətədə,ğəbi devləton de İroni İslomi Respublikə mıxolifəti həmməysə muhim və əsliyə səbəb,çın inğılobi dini mahiyyətin bıey və hımçinin çəy bə zılmi ələyh beşey be.ğərbi devləton tərəfiku bə İslomi Respublikə ələyh bənə bə insonə həxon rioyət nıkardey,reqiyonədə stabiləti bəyənde jıey,terrorismi himoyə kardey,atom silohi soxtey və sayirəon bəhonəonin ki,deçımi vositə əvon bə İroni nizomi təzyiğ varidkon ta İslomi Respublikə islomi mehtəvo iyən məzmunon bə kəno bıno. İron İslom İnğılobi Yolə Rəhbər bın zəminədə hamyedən:”ın kişvər bə istiğlal,imon,bə islomi etığod,zəmin iyən camiyədə bə Xıdo dini hakimiyyəti etığod və nəzədəş qətə barzə erjon dəlili xoto,çı deşmınonku iborət qıləy dıjdə cəhbəş həm heste ki, ımon dayima de məkrinə planon məşğulin”.bə məsihiyyət iyən xristiyanəti təhrifi və miyonə əsrədə kilsəon bə milləti ələyh kardə zılmon və repressiya dəlili xoto,həmçinin coqlə amilon,penosansi bəpeştə avropəvıjon çandə sər cəhdışon karde ta dini zəyif,təcrid və umumən çı milləti jimoniku beğandon, şodon.əmmo,əvon ın metodışon çı qırd dinon,hətto çı islomi sape həm tətbiğ kardeşone.bə həmonə dəlili xoto, İron İslom İnğılobi səbarzəti zəmoniku təsəvvır kardedəbin ki,din həni bə suğuti səmt şedə. Marksizm,çı milləti bə dumo mandey amil zıneydəbe və sabiğ Şurəvi və Sobvet İttifoğ və bəy tabe bıə kali kişvəronədə din ğədəğən be.ğərbi liberalistə kişvəronədə həm harçənd din ğədəğən ni,əmmo bə dini zidd jıqo təbliğot bardey bedə ki,əmələn din təcrid və izolasiyə bıə və məğrib zəmini millət jəqo həm bə məsihiyyət iyən xristiyanəti qıləy rəğbət nışon doydənin.
