İnğılobi dıminə ğədəm-10

İnğılobi dıminə ğədəm-10

1979-ə milodi sori fevralə manqi İroni İslomi İnğılobi səbarzətiku çıl sor dəvardedə və bın mıddətədə İroni milləti de etat-petati pur bıə ziyodə roonış təcrubə kardə.ısət əvon inğılobi barzə hədəfon bə və bardey və ıştə kişvəri ozavziye iyən ovdonəti koyədə nuyə devrəşon bino kardə.islomi inğılobi çıl sornə ğələbə ərəfədə inığlobi Yolə Rəhbəri tərəfiku sadir bıə “islomi İnğılobi dıminə ğədəmi bəyoniyyə”,bə ionğılobi hədəf və idealon əsos İroni ayəndə və omə rujon tərsim kardedə.əmmo,dəvardə və ısətnə soron hodisəon vəzyətiku xəbədo nıbə holədə,bə qıləy ruşinə ayəndə səmt hərəkət kardey,vey saxt və hətto mumkine bə inğılobi royku beşey və mınhərif bıey həm boyis bıbu.bə həmonə dəlili xoto,İnğılobi Yolə Rəhbər bın bəyoniyyədə zikr kardedə ki,inğılobi iminə nəsli vində iyən imtovon kardə çiyon, ımrujnə inğılobi cıvonon vindəşon ni və təcrubəşon kardəni və nəticə qətedən:”bo ayəndə rujonro ğoymə ğədəmon şodero,bəpe dəvardə soron çok-çoki omuto və çəy təcrubəonku ibrət peqətey lozıme.ehanə çın strateqiyəku ğafil mandey be,duyə çiyon çı həyğəton vırə bənışteyn və omə rujon de noməlumə təhdidion dimbədim bome”. In nuktə bəçəy xoto vey muhimme və dığğət kardənine ki, hejo çı inğılobi sıftənə səbarzəti zəmoniku,deşmınon bəşəy imic və funksiyə zərbə jıey xoto ıştə səyışon bino karde və ısət həm de bənə sosyal şəbəkəon və radyo-televiyzə vositəon bıə nuyə informasiyə vositəon cəhd kardedən çı inğılobi dəvardəyon bə sıvoli ji bıbon,çokə noiliyyəton nəzədə nıqəton,kali zəyifətiyon dıjd nışon bıdon və milləti bə İron İslomi Respublikə funksiyə və kardə koon nisbətədə məyuskon.bə həmonə dəlili xoto,İnğılobi Yolə Rəhbər bəyoniyyədə təkid kardedə :”İnğılobi deşmınon de zumand iyən təhrifə motiv və niyyəti və de dəvardəyon barədə du pevolo kardey və hətto ısətnə zəmoni həm təğib kardedə və çı qırd pul iyən əbzoronku boçəyro oko doydən və çəyku bəhrə bardedən.fik,əğedə iyən aqahəti ğoldoron veyin.həyğət bəpe çı deşmın iyən piyodə suvariyonku məsey nıbu”.