Ğərbədə islomofobiyə
Ğərbədə islomofobiyə
Qıləy holədə bə rosti meylışon bıə ifrotçiyon ıştə nufuz və fəoliyyətışon Avropə qırd vıronədə hevuj kardə ki,islomofobiyə Britaniyədə ziyod bıə çın cərəyoniku nəşətış sıə və bə əməl omə.çın təzahuri kəno çı radikalə rostçiyon ideoloqiyə təmin kardə beynəlxalğə hodisəon həm bə islomofobiyəku bə əməl omə cinoyəton əlovəş kardə.Britaniyədə de irğçi iyən radikalə cərəyonon mıxolifə təşkilotonku muhimmə qıləyni ki,de “Hope not Hate” nomi məşhure,ıştə hisobotədə elonış kardə ki,Britaniyə cəmyət oşko formaədə bə çand dastə təğsım bıə. Radikal və irğçiyə cərəyonon fəoliyyət de tosə çandə sor çımi bənav bə Avropə camiyə və elitəon norohətçəti boyis bıəbe.həmonə dastəon Avropə çandə qılə kişvəronədə bıə səbarzətiyon bənə qıləy siyosi zəlzələ ğeymət doey be. əmmo,ın tarsi sindrom darşiye və ifrotçiyə Avropə çandə qılə kişvəronədə ğudrət və ixtidorışon bə dast varde və Avropə kali məmləkətonədə qıləy zumandə məğamışon pəydu karde.Avropə bəzi kişvəron siyosi ərsəonədə həm de islomofob iyən radikalə rostçiyə partiyon bə ğudrət rəsey bə ico, cinoyət,bə islom iyən mısılmınon məkan və vıron təcavuz kardey və terroristə həmləon rəvocış pəydu kardə.bə Britaniyə məmləkəti vəzərotxonə doə statistik məlumaton əsos,Britaniyədə çı nifrət və tənəffuriku nəşət sıə cinoyəton 2017-18-ə soronədə 17 fayiz ziyod bıə.ım qıləy holədəy ki,bın rəğəmədə 76 fayiz bə irğçiyə nifrəti əsos bıə.Britaniyə kişvəri doə statistikə və rəğəmon nışon doydə ki,2016-ə sori apreliku de tosə 2017-ə sori martə manqi 6093 xonəxo hisobotış doə.çın hisoboton sedə ihissə çı radikalə rostçiyon hərəkətonku ıştə norohətçətişon ibroz kardə.
“Hope not Hate” təhğiatiyə mıəssisə ıştə hisobotədə elonış kardə:ixtisodi zəyfəti de rohətə formə bə cokəson noroziyəti və ğəzəbi boyis bıey bəzıne.mıhocirət çı “Brigzit” koyədə çı Britaniyə milləti rayədə əsosə amilonku bıə.deməkə ki,norohətçətiyon tikəy kam bıə,əmmo çı kişvəri ixtisodi vəzyəti yavəti,çı mıhocirəti barədə vəzyətış vey yavə kardə.ın mıəssisə çı radikalə irğçiyon ıştə anti-miqranthisson de islomofobik hisson əvəz kardeyku vey norohətin.əvon votedən:cıvonə camiyədə radikalə irğçiyə meylon de surəti ziyod bedə və ifrot dərəcədəy.ım nuyə nəsl bın bobədən ki,bəpe camiyədə bıə çın siyosi noroziyətiyon iyən ğəzəbiku bəhrə bardey bıbu.bənə “xəyonət” və “xayinin” bıə istiloh və terminon çı radikalə irğçiyon əğedədə rəvocış pəydu kardə......
