Təkfiri cərəyanon
Təkfiri cərəyanon
DAİŞ terroristə qrup ıştəni oxonə zəmonədə çı bəşəriyyəti munci və himoyədorə cərəyon hisob kardedə. əvon bo ın bovə və etığodi ilğa kardero səy kardedə ıştəni bə fərdon təşbih kardedə votey bedə ki,əvon oxonə zəmonədə çı bəşəriyyəti xiloskor həzrəte Məhdi(ə)-i əshobonkuon. Çı DAİŞ terroristə qrupi rəsmi orqan Dabiğ nəşriyyə həm de oxonə zəmonə nışonəon pure ki,ım cəərəyon ıştəni bəy nisbət doydən. DAİŞ terroristə dastəçı Dabiği nəşriyyə 2-ə çapədə oxonə səyfədə peyğombər(s)-i zıvono qıləy hədisi çı Səhih-Muslimiku nəğl kardedə ki,ıştəni çəy eyni misdoğ və nımunə zıneydən:”təğzunə...şımə de ərəbi cəzirə sakinon canq bəkardiyon və çən,Xıdo əvrə fəth bəkarde,peşo de farsi canq bəkardiyon və Xıdo əy həm fəth bəkardevə de Rumi canq bəkayon və əvrə həm Xıdovənd fəth bəkarde və nəhoyətən de Dəccali bəcanqiyon və Xıdo bəy səbarz bome....” .
DAİŞ-i təbliğəkəyon de pesoxtə bıə iyən zəyifə hədison istinodən hətto bə ın hədisi zohiri həm dığğət nıkardə holədə bın fikədən ki,ıştəni de Zuhuri əsri hodisəon anqıl jeydən.DAİŞ de duyə məlumati pevolo kardey,de qıləy cərəyoni nomi bəhs kardedə ki, ıştəni bə həzrəte Məhdi(ə)-i devləti zuhuri dəçoknedən ta boştə ziyodə məşruiyyət və leqiməti kəsbkon və veyə odəmon bə dast dənon.əvon de bə “Rayat əssud” (siyuə pərçəmon) hədisi istinod kardey ki,oxonə zəmonədə de həzrəte məhdi(ə)-i beyət bəkardeyn,ıştəni çəy eyni nımunə hisob kardedə:”iza...qıləy zəmon ki,çı Xorasani səmtiku siyuə pərçəmon vindeyone,bəçəvon soyəx bışənən,harçənd çı voə(biyə)sape həm bıbu.çun,Xıdo xəlifə.Məhdi çəbvon miyone.”.
DAİŞ deştə oxonə zəmoni xomə xiyolon,Əbu-Bəkr Əlbəğdadi çı mısılmınon xəlifə hisob kardedən ki,de Məhdi(ə) zuhuri rəhbərəti bəçəy ehdə va bədoye.bə DAİŞ-i bovəon əsos mıcohidon çoko bəvoteyn “islomi devləti”(DAİŞ) çə həzrəti həmonə yaro-yavəronin ki,çə həzrəti kənoyədə de kofiron canq bəkardeyn. həm şiyə və həmən sınni rəvoyətonədə bə oxonə zəmonədə bıə siyuə pərçəmon hərəkəti işorə bıə.həlbəttə,çın pərçəmon soybon həxədə ısət əvon kon şəxsonin və çəvon zəmon həm kon vaxte,çın ko mutəxəssison miyono nəzə ixtilofon mevcude.bə oxonə zəmoni ayid rəvoyətonədə çandə qılə siyuə pərçəmon mışohidə bedə ki,çəvon kali qıləyni bərhəx və bəzi qıləyniyon həm botıl bıən. əmmo, həxə mədar və dayirədə bıə pərçəmon,təmcid və sıtoyiş bıə və çı millətiku tələb bıə ki,bəvon koməkkon.”Ehğağul-Həğğ” kitobədə Əmirəl-Muminin Əli(ə)-iku nəğl bıə qıləy hədisədə çı siyuə pərçəmon həxədə işorə bıə ki,çəvon botılə royədə bıey nışon doydə.ım rəvoyət çəvon kali xısusiyyəton bə yod ənoydə bə əvoni mızəmmət kardedə.məsələn:çəvon hozi iyən sığə dıləti həxədə,çəvon bə hiç qıləy əhd-peymoni rioyət nibəkardeyn.(zohirədə)bə həxı tərəf dəvət kardedən.əmmo əvon həxı əhl nin. çəvon nomon deçəvon kunyə nomiye və çəvon nəsəb və familyəon həm deçəvon şəhron nomiye (bənə Əlbəğdadi,Şişani,Əlbritani və Ələnbari və sayirə) ın rəvoyət təkid kardedə ki,əvoni vində zəmonədə bə zəmini dəçıkənən və hərəkət məkənən.yəni çəvon dəvət botıle,bəvon anqıl məqınınən və komək həm məkənən.iyo çın sıvoliku bəhs bedə ki,təkfiri cərəyonon məxsusən DAİŞ bə siyuə pərçəmonku bəhs kardə rəvoyəti istinodən ıştəni çəy eyni nımunə hisob kardedən və ıştəni həx və çın hədisiku bəştə nəf` iyən xeyri mısodirə kardedən.qıləy holədə ki,rəvoyətədə bə botılə pərçəmon həm işorə bıə.təsadufən çı botılə pərçəmon nışonə və əlaomətonku kali qıləyni de ın dastə xısusiyyəton məxsusən de DAİŞ-i tətbiğ kardedə.bə oxonə zəmonə ayid bıə hədison bəpe de eksperton və de metəbər iyən xatırcəmə mənbəon roy vositə təhğiğ kardey bıbu.ın hədison bəpe bəştə dıli piye və mənafeyon əsos təhlil kardey bıbu.ın proses torıxi drozi bə islomi zərbə və ziyononış rosnə.çəy mıosirə nımunə DAİŞ və sayir təkfiriyə dastəonin ki,de ayəon iyən rəvoyətonku səhvə təhlili,roşon kulliyə formədə qimışon kardə
