Osmoniyə surəon-275
Osmoniyə surəon-275
Fəcri mıborəkə surə bənə coqlə veyə surəon ki,Məkkədə nozil bıə,kırt və de məzmuni pur ayəonku iborəte və həmçinin bın ayəonədə ziyodə bəşorət və tars və xəbərdorətiyon mevcude.çın surə iminə baxşədə bə çandə qılə ğəssəmon işorə bıə ki,ıştə nevədə həm qıləy nuyə çi be və ım ıştən bo zolımkor iyən sıtəmkoron de ilahi əzobi təhdidro qıləy mığəddimə və vəsəy.bənə Ad iyən Səmud ğovmi və fironi bıə zılmkorə ğovmon işorə və Xıdovəndi çəvonku intiğom sıey,insoni imtovon kardey,isnoni xeyə koyonədə bıə səhlonkorəti,miadi məsələ,mucrim iyən kofiron tale və sərnıvışt,mutməinnə nəfson soyb bıə muminə şəxson dıjdə mıkofot,çın surə peşonə bəhs bıə baxşonin......
Bə Fəcri,bə daqləyniyə şəvi və bə pot və qiti ğəssəm hardey,Fəcri mıborəkə surə iminə ğəssəmonin.Fəcr və sıb dəmi sipyəti,Xıdovəndi əzəməti nışonəonku qıələyniye ki,ım həm çı nuri hakimiyyəti iyən zılməti bə oxo rəsey nışon doydə və həmçinin çı bəyjiyə mevcudaton hərəkati bino bıey və çı han iyən sukuti bə oxo rəseye.Fəcr çı şəvi zılməti pardə dırnedə və çı oşkoə ufuği miyono nuri sərçeşməy və hestemoni aləmi ruşin kardedə və jimoni əvəz kardedə. binobərin islomi çı cohiliyyə toykiyə zəmonədə dəvəşey,çı Fəcri nımunəonkuye.həmçinin fəcr iyən sıbdəmi vavriski doə coqlə nımunəonku qıləyni həm,dınyo bə zılm iyən sıtəmi zılməton ğərğ bıə zəmonədə həzrəte Məhdi(ə) ğıyom bə hisob omeydə.həmçinin Aşurə ğıyom iyən torıxi dırozi bə zılm,kufr iyən nodonəti zidd bıə qırd rostə inğılobon,fəcri tulu və sıbdəm bə hisob vardey bəbe.hətto çı qınokoron toykiyə dılonədə bəçəy oğoəti boyis bıəiyən əy bə tobə səmt dəvət kardə iminə cərəğğə və zik həm fəcre.....
Fəcri mıborəkə surə 15 iyən 16-ə ayəon bə imtovoni mevzu ki,ilahi səvob iyən əzobi meyare və çı insoni jimoni həmməysə muhimmə məsələy,işorə kardedə.bə ın ayəon əsos,pərvərdıqor insoni çı imtovoni mə`rəzədə ğərol doydə və bəy ikrom kardedə iyən bəy nemət baxş kardedə, odəm məğrur bedə və votedə:Xıdovəndi mınış əziz qəte.əmmo,çoko ki,boçəy imtovon kardero, çəy ruzi və jimoni tanq kardedə,məyus bedə və votedə:çımı pərvərdıqori mınış zəlilo-xar kardışe.həni əv zınedəni ki,ilahi imtovonon çı insoni perəsey iyən təkomuli rəmze.Xıdovənde-Aləm bəştə hikməti əsos,har qıləy dastə de iqlə çi imtovon bəkarde.qahi vaxti de neməti və qahi zəmon həm de mıxtəlif nev bəlo.muhim ıme ki,çın nemətonku bhrə bardə iyən çəvonku məhrum bıə zəmon,çı Xıdovəndi dərqoyədə yolə məğami pəydu kardey ya çəy mığəddəsə dərqoyku bə diyəro mandey dəlili mənoədə ni.bəlkəm,hejo iyən har qıləy vırədə çı imon iyən təğvanin bıey meyare.....
Fəcri mıborəkə surə ayəon dəvomədə bə insoni çı Xıdoku bə diyəro mandey iyən bə giriftorətiyion məruz mandey dəlilon işorə kardedə və hamyedə:”şımə xəyol kardə tərzədə ni, şımə yətimon əziz qətedəniyon və iyande bə ehtiyocinə şəxson itam kardey təşviğ karde dəniyon”.(17-18) beşək,yətimon həxədə fəğət çəvon vəşyan mandey məsələ ni.bəlkəm,çəyku vey muhim çəvon atifi iyən hissi kamətiyon əvəzi bekardeye.yətim bəpe ikram kardey bıbu tayinki,əv ıştə valideyni nıbey hiss nıko.bəçəy xoto,bə yətimon mıəhəbbət nışon doey və əvoni nəvaziş kardey bə imoni zumandəti iyən bə nicot pəydu kardey səbəb bəbe.......
