Mərkəzi Asiyə iyən Ğafğaz
Mərkəzi Asiyə iyən Ğafğaz
Mərkəzi Asiyə iyən Ğafğaz
İron İslom Respublikə sərkonsuləti Nəxçıvon Moxtər Respublikədə de qıləy hisoboti İronıjə təbəəon bə ın moxtar respublikə beviza daxil bıeyku xəbəş doe.
Bə ın hisoboti əsos,omsə sori yəni milodi 2020-ə sori yanvarə manqi sıftəku bo İronıjon bə Nəxçıvon moxtər respublikə daxil beyədə viza tələb kardey ləğv bıə.həni jıqoşə İronıjon beviza Nəxçıvon Moxtər Respublikədə 15 ruji mıddəti ərzədə mandey bəzıne.
Azərbaycan Respublikə şəhrvandon bə iron beviza səfə kardey mevzu,2011-ə milodi sori icro be.əmmo,İlham Əliyevi devlət deməkə ki,çandə kərə və`dəş doəbe ki,ım ko dı tərəfinə surətədə bəbe,nəhoyətən hələki,İronıjon fəğət bə Nəxçıvon Moxtər Respublikə səfə kardeyış izn doey bıə və əyo səfə kardey viza ləğv bıə.qıləy holədə ki,ijən İroni təbəəon bə Azərbaycan Respublikə co məntəğəon beviza səfə kardey ğeyri-mumkin bəbe.ım ko nışon doydə ki,Boku devlət ijən çı kali informasiyə vositəon təhdidon sayədə,Arəzi şimolədə bıə milləti kali bovəon real bıeyku norohəte.Azərbaycan Respublikə milləti ziyodə baxş bə dıqlə kişvəri torıxi mığoviləon istinod kardedən və bə İroni dəçıkeyışon piyedə.qıləy holədə ki,İron İslom Respublikə dınyo iminə kişvəronku bıə ki,Azərbaycan Respublikə istiğlal və ərazi təmomiyyətış bə rəsmiyyət zınə. təbiiyie ki,de İroni ım hərəkəti İlham Əliyevi devlət bın zəminə jqo həm norohət nıko.
