Israyli parlamenti vıjnemon
Israyli parlamenti vıjnemon
Israyli parlamenti vıjnemon
İsrayil oxonə isorədə de tosə ısət dıqlə parlamenti səçınışon dəvordınə ki,çəy iminə qıləyni 2019-ə sori aprelə manqi və dıminə qıləyni həm 2019-ə sori sentyabrə manqi bərpo be.Aprelə manqi vıjnemonədə de benyamin netanyahu rəhbərəti Likudi partiyə və de sentyabrıə manqi səçınədə həm de beni qantezi rəhbərəti “kavu-sipyi” koalisiyə səbarz be.demiyən çın dıqləyniku hiç qılə cərəyon maksimal mıtləğə kursişon yəni 50 fayiz plyus 1 fayiz(61 kursi) bə dast vardeşon zınəşon ni. Binobərin netanyahu çı aprel iyən sentyabrə manqi səçını bədiqə və beni qantez həm sentyabrə manqi vıjnemoni bəpeştə bo kabinet təşkil doey xoto bəpe de coqləyni siyosi partiyaon koalisiyə icod bıkon ta parlamentədə kursi bə dast bıqəton.əmmo,ım koalisiyə bə əməl nıome.ərəbi mıştərəkə list və ”israyil çəmə kə” partiyə bın koalisiyə təşkil bıeyədə qıləy yolə rolış bıə. De netanyahu və qantezi koalisiyə təşkil nıdoey,seonist rejimi yoli ın rejimış vodor karde ta qıləy nuyə iminə vəziri elonko.əmmo,parlament ijən 21 rujnə fırsətədə ovandətiş pəydu nıkarde ta qıləy nuyə sərvəziri elonkon və əməli surətədə çı imanqi ərzədə ın rejimi parlament vadoe be.... De netanyahu,qantez iyən parlamenti sıkınci kabineti təşkil doeyədə bıə nokoməti və bo seminə kərə bo vıjnemoniro bekardə bıə ğərol,ısət çın sıvioliku bəhs beydə ki,çın nokomətiyon nəticəon və həmçinin çın seminə səçıni nəticəon çiçe? Iminə nəticə bəpe çı netanyahu həxədə bıbu.bə nəzə rəseydə ki,çı netanyahu çı israyli ğudrəti strukturədə yali hərəkət kardey,devron bə oxo rəse.netanyahu bo Likud partiyə rəyisətiro de partiyə daxili vıjnemoni dəvordıney rozi bıə və votəşe ki,ım səçınon de tosə 2019-ə sori oxo bərpo bəbe.çı netanyahu partiyə daxili əsosə rəğib gidon saire.gidon sair netanyahu bə korrupsiyə batlağı eqıniye mıttəhəm bıey iyən kabineti təşkil doeyədə nokom mandey bədiqə,çı Likudi partiyə daxili səçıni dəvordıneyış tələb karde.netanyahu Likudi partiyə vıjnemoni dəvordıney roziyəti bədiqə elonış karde ki,elonış karde ki,Likud partiyə qıləy demokratikə partiyəy və bəpe çəy qırd uzvon çın partiyə rəyisi vıjniye ixtiyorış heste.de ın holi əv iddioş karde ki,yəğınış heste ki,Likudi uzvon ijən əy boştə partiyə rəyis bəvıjnen. Netanyahu partiyə daxili səçınədə məğlub bıey,deçəy siyosi jimoni bə oxo rəsey bə ico bəbe və 2020-ə milodi sori martə manqədə Likud partiyə ğalib omə surətədə kabineti təşkil doey imkoni həm ziyod bəkarde.çıro ki,çı libermani de rostə cərəyoni koalisyə kabineti təşkil nıdoey dəlilonku qıləyni həm,netanyahu ıştən şəxsən və çəy ittihomaton bin.
