Ğərbədə hoziyəti

Ğərbədə hoziyəti

Hoziyəti rətoriku qıləy holəte ki,çəy təsirədə hoziyə fərd  de fiziki zuku oko doey ya ğeyri-fiziki  ıştə tələbi bə cokəson təhmil kardedə.psixologiya mutəxəssison harcurnə rəftor ki, de bə qıləy fərd ya veyə fərdi ya bə har qıləy çi zərəl rosney hədəfi bıbu,bəy hziyə rəftor nomışon noə.hoziyəti kəlmə hevujə əhotə dayirəş heste.hoziyəti çı dıqlə nəfəri miyono fiziki daveku ta canq və genosid ki,çandə milyon inson ıştə coni doeyku iborəte.əmmo,ımruj veyə vıronədə məxsusən ğərbi camiyədə bə norohətçəti boyis bıə çi, hoziyəti iyən fərdi təcavuzkorətiye.fərdi hoziyəti ikəsi bə qıləy co kəsi de hədəf iyən ğəsdi bıə qıləy rəftore ki,de cismi zərəlon ya psixi  əziyyəton bə icoye.bə psixoloqon nəzə əsos,mıxtəlifə amilon mevcude ki,çı hoziyəti buruz beyədə təsirine ki,həlbəttə ın amilon mıxtəlifə camiyəonədə farğ doydə.kali cəmiyyətonədə ixtisodi və fəğrəti amilon,camiyə camaati tov nıvardey iyən təhəmmul kardey kam bıey bə hoziyəti ziyodəti boyis beydə.qıləy holədə ki,camiyəon bəzi qıləyniyədə de bənə diskriminasiyə, irğçiyəti  bıə ixtisodi rifohi amilon bə ico çı hoziyəti zəminəon hozzı kardedə.qıləy proses ki,ımruj ğərbi camiyədə əmə çəy şoydimon və ha ruj bın zəminədə nuyə xəbəon əmə məseydəmon....

Bın zəminədə mıntəşir və pevolo bıə nuyə xəbəonku qıləyni həm,Londoni “london Briç” pardisə sape de sardə silohi vositə bıə həmlə be.bə ingilisə rujnomə və mediyaon nəşr kardə hesobaton əsos,çın hodisə cərəyonədə hiç nıbu 5 qılə xonəxo de çəxo zərbə yarəjə bıə.həlbəttə,ım iminə kərə nıbe ki,de sardə silohi həmlə ingilstonədə bə qıləy xəbə təbdil bıbu və bə iştimoyi fikon norohətçəti boyis bıbu.ingilistonədə de çəxo vositə ğıboni bıə sıftənə kəs hejo dəvardə 2019-ə sori sıftədə be ki,ım proses ısət de surəti dəvom pəydu kardedə.çın ğıboniyon həmməysə cıvonə qıləyni 14 sinnədə bıə şəxs be ki,2019-ə sori yanvarə manqi çı Londoni şərğədə de çəxo jıə kəsi vositə ıştə conış çı dasto doe və çımon həmməysə sinnış bəpe bıə fərd həm Boltoni əhl bıə qıləy 80 sinninə jen be.statistik məlumaton nışon doydən ki,de çəxo vositə kıştə bıə insonon mığdor 2017 və 18-ədə bə 285 nəfəri rəseydə ki,ısət həm ım proses de surətidəvomış heste və bəştə vey barzə həddi rəsə.ım statistikə heyrətamziə formədə inkişof kardedə ki,dəvardə 2019-ə sori məlumoatonədə omə ki,har dı ruji inəfər bə ğətl rosney bıə......