Beniğobə Amerkə

Beniğobə Amerkə

Amerkədə həmməysə muhimmə xəbə bəpe Senatədə bə trampi impişment məsələ,bo amerkə hərbi bazəonədə təlim vində xarici hərbiçiyon məhdudiyyət icod kardey,amerkə 20 qılə ştaton çı trampiku şikoyət kardey və pentaqoni çı İroni rəket həmlə zəmonədə amerkə əskəron miyono yarə jə bıə kəson mığdori ziyod bıey  işorə kardey bıbu.

Amerkə Senatədə çın kişvəri prezdent donald trampi impiçment kardey loyihə yanvari 21 se şanbə ruji bino be.ım Amerkə torıxədə seminə kərəy ki,qıləy prezdent  Senatədə mıhokimə beydə.tramp çımi bənav nımoyəndəon palatədə  de dıqlə ittihomi dimbədim oməbe.çı dmokraton nəzorəti jiyədə bıə nımoyəndəon palata milodi dəvardə sori oxoyədəbə trampi de”Ukrayngeyt” nomi dosyeədə dıqlə ittihomışon daxil karde.ım dıqlə ittihom çımiku iborət be:ğudrətiku suyi-istifodə kardey iyən bə Konqresi ıştə vəzifəon icro kardey koy mane bıey.

Isət Senati məsuliyyətış heste ki,bə amerkə prezdenti ələyh bıə ım ittihomon barədə qıləy ğərol beko.de ım ko əloğədor təğribən dı haftə bənav 100 qılə senator de impiçmenti məhkəmə iclosi rəyisi Con Rabertzi bə ico ğəssəmışon harde ki,bə amerkə prezdent donald tarmpi impiçment məsələ rəsey xoto bə Konstusiyə ya Əsosə Ğanuni rioyət bəkardeyn.de ın holi hətto çı məhkəmə icloson bənav həm demokraton iyən republikəçiyon iyandeşon bə ədoləti rioyət nıkardey xoto,mıttəhəmışon karde.demokraton jıqo hisob kardedən ki,respublikəçiyon bəştə Senatədə bıə əksəriyyəti xoto,səy kardedən bə məhkəmə icloson bərpo bıey mane beydən və trampi impiçmenti məsələ vəy qəteydən.qıləy holədə ki,Respublikəçiyon Demokraton mıttəhəm kardedən ki,əvon bə donalad trampi impiçment məsələ nımoyəndəon palatədə adilonə surətədə mınosibətışon nışon doəni və ısət həm məğsədışon heste çı Senati prosesədə qıləy problem icodkon.ha holədə bə nəzə rəseydəni  ki,Senati məhkəmədə de tosə bə trampi ittihomon rəsey ko,dıqlə tərəf bə qıləy sazışi dast pəydukon....