İron İslom İnğılobi səbarzəti-10

Islomi İnğılobi sayədə istehsoli rovnəği sayədə xarciku be ehtiyoc bıey

İslomi təlimon fərhənqədə bə xoş omə camiyə,qıləy camiyəy ki,ıştə ixtidor və zumandəti pik həddədəy. Xıdovənde-Aləm Ənfali mıborəkə surədə 60-ə ayədə bə ın zumandəti və ğudrəti təkid kardedə və hamyedə:çanədə zun vışkiyedə,çıskə asponku hozzıkənən ta deəy Xıdo deşmınon bıtorsınən.çın təbiri hevujəti de deşmıni mıborizə bardeyro və bo camiyə inkişofi səviyyə bəpe bardero bə harcurnə imkonat və vositəon şomil beydə.çoko ki,zıneydon ımrujnə dınyoədə qıləy milləti ğudrət,de tosə qıləy həddi bəçəy elm iyən ixtisodi ğudrəti əsos ğoyme və veyə vıronədə ıştə hərbi canqi ıştə vırə bə ixtisodi,fərhənqi iyən mediya canqi doydə.bəçəy xoto,bə kafi və lozım bıə zumandəti rəsey xoto,bəpe dınyo səviyyədə ehtiyoc bıə məhsulon istehsol bıbu....

İroni İslomi İnğılob dəvardə çıl sori de şiddəti çı deşmınon tərəfiku bə hevujə ixtisodi,fərhənqi iyən namə canqon məruz mande.çoko ki,həştsornə canq həm tojə bə əməl omə bo islomi nizomi ixtisodi məhf kardey xoto qıləy canq bə hisob vardey bəbe.qırd ım vıronədə de Xıdovəndi lutfi və de İroni milləti islomi inğılobiku çıl sor dəvarde  bın həmmə soronədə inğılobi ko nomə və dəftər  siysoi hodisəon mıxtəlifə ixtisodi iyən sosyal,siyosi iyən fərhənqi ərsəonədə nışonış doə.de qırd ım deşmınətiyon iyən sanksiyaon bə ico,İroni İslomi nizom de surəti ozavziyə və inkişofış kardə və ısəthəm de İnğılobi Yolə Rəhbəri mıxtəlıifə ərsəonədə bəçəş çiyə inkişofon bə dast omə.