İlahi rəhbəron-4
İlahi rəhbəron-4
Muhəmməd(s) Əbdullah zoə və əv həm Əbdul-Mutəllıbi zoəy.çə həzrəti inə Amənə həm çı Vəhəbi kinəy. Muhəmməd(s) rəbiyul-əvvəli havdəminə ruji Fili sori (milodi 570) yəni Əbrəhə bə Məkkə həmlə kardə və həmonə vırə viron kardey fikədə bıə sori,joqo ki,Xıdovəndi Fili surədə ın hodisə barədə hamyəşe,bə dınyo ome.de Xıdo-Rəsuli(s) təvəlludi bə ico buməlarzə bə əməl ome ki,çəy təsiron bə dınyo həmmə noxtəon rəse.joqo ki,kilsəon,sovmiyyəon və bıtpərəston pərəstış kardə bıton viron be və çı coduqəron iyən kahinon koon bəyənde qıniye.osmonədə astovəon bə əməl ome ki,çə zəmoni bənav bəçəş çiyə nıbe və İronədə Kəsra eyvon bə larzə ome və çəy senzə ya çordə qılə sutun rıjiye və farsi otəşkədə otəş hamuş be.ım qıləy holədəy ki,çandə həzo sorbe əv okuşiyə nıbe....
Ərəbi ə`yon-əşrafi adətonku qıləyni ım be ki,ıştə fərzəndon bə dayəon dəspardedəbin.bın məntəğədə “Bəni Sə`di” ğəbiləon dayəon məşhur bin.əvon bə maliyyə ehtiyoci xoto qıləy mıəyyənə zəmonədə bə Məkkə omeydəbin və qıləy nuyəzand və bə dınyo tojə omə hırdəni peqətedəbin və deştə bə ico bardedəbin.əmmo Ğureyşi nuyəzand çəvon hiç qıləyni dayə ğəbulışon nıkarde və və çəvon şıtınışon nıharde.nəhoyətən,Həlimə Sə`diyyə ome və Əbdul-Mutəllıbi çəyku dəparseşe:kom ğəbiləkuş? voteşe: Bəni-Sə`di ğəbiləku.voteşe:ıştı nom çiçe?.cəvobış doe:Həlimə.Əbdul-Mutəllıbi çəy nom iyən ğəbilə nomi məseyku vey şo be və şoyvonətiş karde və voteşe:Afərin,Afərin.dıqlə bə xoş omə iyən loyığinə xıslət. qıləyni səodət və hərəbaxtəti iyən coqləyni helm iyən səbr.nuyəzand de oroməti Həlimə ağuş və vanqoyədə ğərolış qəte və binoş karde boçəy şıtiku diye.Amənə və Əbdul-Mutəllıbi ın səhnə mışohidə kardey bədiqə vey şo bin və bə Xıdo şukrışon karde.de Muhəmməd(s) bə Həlimə kə daxil bıey,rızğo-ruzi və bərəkət həm bə ın kə daxil be və ım bə çın xıyzoni şoyvonəti boyis be.torıxəvonon Həlimə zıvono jıqo nəğl kardedən:Muhəmmədi(s) bəştə kə vardə rujiku rujbəruj xey-bərəkət çəmə kədə ziyod be və çəmə mol-qələ həm vey be.(Mənağibe İbn Şəhr-Aşub-1-ə cild)....
Əbdul-Mutəllıbi hırdən penc sori mıddətədə “Bəni Sə`di” ğəbilə miyono jimonış dəvordıne və kifoyət ğədərədə ozavziye.i mıddət səhro jimoni bədiqə Muhəmməd(s) bə Məkkə oqarde və ıştə inə Amənə benəhoyətə məhəbbətiku bəhrəş barde.
